Самоповредување (self - harm)

Животот можеме да си го направиме многу поубав, но и тоа се учи 

Tи си храбра. Мене ми требаше време да почнам да зборувам отворено за мојот проблем, но не престанав наеднаш со него. Мило ми е што и ти си отворена. Јас бев упорна затоа што си зацртав во глава дека ќе го надминам тоа. И секако, грешев. И види, ќе ти кажам една работа - не се работи за храброста, се работи за упорноста. Сите ние овде некогаш сме преплашени до смрт ќе речам. И јас сум била многу пати кукавица, слабоста и плашливоста се во ред, но јас одлучив и покрај нив да дејствувам. Ова е моето искуство, се надевам дека ќе ти послужи корисно. Не се работи за тоа кој колку е храбар, тргни си го тоа од глава, биди упорна, бори се и кога си преплашена, и кога мислиш дека нема да стигнеш никогаш - продолжи да одиш. Ако сме во шума и е многу темно, магливо нормално е да го имаме чувството дека не стигнуваме никаде... но само со чекорење ние несвесно ќе излеземе од таа шума и за тоа ќе станеме свесни со првиот зрак, со првиот зрак ќе увидиме дека ние сме поминале многу, дека сме стигнале на многу попријатно место. Ти само чекори, ќе стигнеш само со чекорот многу далеку, а сонцето ќе опече и за тебе. Не откажувај се од чекорот, а знај дека мојата рака е подадена кон твојата и земи ја секогаш кога ќе ти затреба.

Само ти продолжи да чекориш.