Целулит

Престижниот научен магазин NewScientist го нарекол откритието на докторката Karmela Altabas и нејзиниот сопруг Velimir Altabas, крема од соништата.

Тоа конечно би можела да биде ’dream cream’ (крема од соништата), заклучиле во еминентниот научен магазин NewScientist, опишувајќи го научното достигнување на група хрватски доктори. Karmela Altabas и нејзиниот сопруг Velimir Altabas заедно со неколку нивни колеги после долго истражување дошле до заклучок дека Вијаграта би можела да биде вистински непријател на целулитот. Докторите во истражувањето откриле дека ензимот кој го содржи Вијаграта значително ги намалува маснотиите, па тие сметаат дека истиот ефект би можел да се постигне и на масното ткиво под кожата на жената. Исто така Вијаграта значително ја подобрува циркулацијата па и тој сегмент од нејзиното делување би можел да влијае на намалувањето на масното ткиво и целулитот.

Кај жените кои имаат целулит слојот на масното ткиво под кожата е поголем од кај жените кои немаат целулит. И слојот на колаген им е неправилен, па токму тука Вијаграта би требало да делува. Идејата на научниците е Вијагра во прав да се меша со антицелулитна крема и така да се нанесува по критичните места на телото.

Кремата се уште не постои како производ, а научниците ќе ја понудат како откритие до фармацевтските компании доколку се заинтересирани за нејзино производство. Тие нагласуваат дека ова е само идеја, и дека ќе треба уште многу да се истражува за да се стигне до конечниот производ.