Македонија покрена тужба против Грција

Кои се тројцата правници што ќе ги бранат ставовите на Македонија во процесот против Грција?

Филип Сендс е професор по право на Универзитетот УЦЛ во Лондон и директор на Центарот за меѓународни судови и трибунали на Факултетот. Тој предава меѓународно јавно право, спогодување во меѓународното право вклучувајќи и арбитражи како и право на животната средина и природни извори. Има големо искуство во случаи пред Меѓународниот суд на правдата, Меѓународниот трибунал за правото на морето и во Европскиот суд на правдата. Многу често се појавува како советник за меѓународно право на странски влади, меѓународни и невладини организации и на приватниот сектор.

Томас Франк е претставен како лидер во областа на меѓународното право на Правниот факултет на Њујоршкиот универзитет и 35 години бил директор на Центарот за меѓународни студии. Покрај теоретско, има и големо практично искуство. Бил советник на владите на Тангањика, Кенија, Занзибар, Маурициус, Соломонските Острови, Ел Салвадор, Босна и Херцеговина и на владата на Чад во спорови што се воделе пред Меѓународниот суд на правдата. Бурдо Бастид е професорка на Универзитетот „Сорбона“ во Париз, но и Генерален секретар на Академијата за меѓународно право во Хаг и кодиректор на Центарот за меѓународно право на Универзитетот во Париз. Таа предава меѓународно право и меѓународно економско право.

........................................................................................................................

Поранешниот претседател на Генералното собрание на ОН и поранешен министер за надворешни работи, Срѓан Керим, смета дека потегот на македонската влада е јасен сигнал оти Македонија не прифаќа да го решава спорот за уставното име применувајќи го правото на посилниот, туку применувајќи го доследно меѓународното право. Тој истакна дека процесот пред Судот не може да биде замена на преговорите за наоѓање компромисно решение и затоа е добро тоа што министерот за надворешни работи Антонио Милошоски јасно нагласи оти Македонија не отстапува од преговорите што се водат под покровителство на ОН.

..... ostanuva da cekame i da se nadevame...