Најубавите стихови во Библијата

Послание до Евреите
Глава 13


20 А Бог на мирот, Кој преку крвта на вечниот завет Го воздигна од мртвите големиот Пасир на овците - нашиот Господ Исус Христос,

21 нека ве усоврши во секое добро дело, за да ја исполните Неговата волја, вршејќи го во вас она, што Му е Нему благоугодно, преку Исуса Христа. Нему нека Му е слава во веки веков. Амин!

Евангелие според Матеј
Глава 22


35 И еден од нив, законик, искушувајќи Го, праша и рече:

36 "Учителе која заповед е најголема во Законот?"
...

37 А Исус му одговори: "Возљуби Го Господа, својот Бог, со сето свое срце, и со сета своја душа, и со сиот свој разум;

38 тоа е прва и најголема заповед;

39 а втората е слична на неа: Возљуби го својот ближен како себеси!

40 На тие две заповеди се крепат целиот Закон и Пророците."

КНИГА НА ПРОРОК МИХЕЈ
Глава 6

8 Човеку, објавено ти е, што е добро, што бара Господ од тебе: да се прави само правда, да се љуби милосрдието и да се оди смирено со својот Бог.

[Псалм 118:1-4]

Алилуја! Благодарете Му на Господа, зашто е благ, зашто е вечна Неговата милост! Нека рече Израелевиот дом: ´Вечна е Неговата милост!´ Нека рече Ароновиот дом: ´Вечна е Неговата милост!´ Нека речат сите што се бојат од Господа: ´Вечна е Неговата милост!´
...

Зашто Бог е Еден , и Еден е Посредникот меѓу Бога и луѓето: Човекот Христос Исус.

1 Тимотеј 2:5

„...ЗЕМЕТЕ ГО СЕТО БОЖЈО ОРУЖЈЕ...“ - Ефес. 6:13.

Нашето војување не е против луѓе, туку против духовните сили на злото - Лукавиот. Луѓето се негови поданици кои ги заробил живи за да ја спроведуваат неговата волја, користејќи ја својата моќ за да ги реализира неговите расипани цели, пркосејќи Му на Бог со тоа што сака да ги уништи Неговите созданија. А ние, христијаните, го имаме Божјото Христово оружје и Неговиот Дух за да му се спротивставиме, и сакаме со Божја помош преку проповедање на Евангелието, мнозина да се спасат од неговата зла сила и неговото мрачно царство и да станат Христови ученици. Токму со таа цел, Исус им даде заповед на Своите ученици и ги испрати во светот да го проповедаат Евангелието: „Тогаш Исус им се приближи и им рече: „Дадена Ми е сета власт на небото и на земјата. И така, одете и направете ги сите народи Мои ученици, крштавајќи ги во името на Таткото и Синот и Светиот Дух! Учејќи ги да пазат сè што Сум ви з...
аповедал!
И еве, Јас Сум со вас во сите дни до свршетокот на светот. Амин!” - Матеј 28:18-20.

„Зашто нашата борба не е против крвта и телото, туку против началствата, против властите, против светските владетели на темнината на овој век: против духовните сили на злото во небесните места“ - Ефес. 6:12.

„...зашто оружјето на нашето војување не е телесно, туку е силно во Бог за разурнување на тврдини...“ - 2 Кор. 10.4.

„... а другите спасувајте ги, истргнувајќи ги од оган; кон другите пак бидете милостиви со страв, мразејќи ја и облеката онечистена од телото“ - Јуда 1:23.

„...за да се отрезнат од мрежата на ѓаволот, кој ги заробил за да ја исполнуваат неговата волја“ - 2 Тимотеј 2:26.

А голема печалба е навистина да биде човек благочестив и задоволен со себе си. Бидејќи ништо не сме донеле на светот, јасно е дека не можеме и нисшто да однесеме. Но кога имаме храна и облека, со тоа да бидеме задоволни.

[Тимотеј 6:6-8]
...