F1 Вести

Рено го продава тимот во Формула 1?


Францускиот гигантски произведувач на автомобили Рено би можел да одлучи да го продаде својот тим во Формула 1 и во спортот да остане само како произведувач на мотори.

Така најавува швајцарското најново издание на „Motosport Aktuell“ и наведува двајца потецијални купувачи.

Првиот е Жерард Лопез, основачот на инвестициското претпријатие Мангроув, додека вториот потенцијален купувач е русинот по име Андреј Крајник, кој според многумина е добар пријател со актуелниот спонзор на тимот Мегафон.

Оваа информација како основа ја зема веста дека директорот на Формула 1 Берни Еклстон на оваа тема со луѓето заинтересирани за Рено зборувал на Големата награда на Бразил, но деталите не се споменати, па се чека официјално известие од францускиот тим.

И ТОЈОТА СИ ЗАМИНА ОД ФОРМУЛА 1



Тојота ја потврди медиумската шпекулација дека се повлекува од Формула 1, која претходно беше негирана и покрај наговестувањата во изјавите на тимскиот шеф Тадаши Јамашина.

Со тоа, јапонскиот гигант стана третата фабрика која го стори тоа во период од 12 месеци, откако претходно си заминаа Хонда и БМВ. Претходно, поради долгови беше затворен и тимот на Агури Сузуки, кој користеше мотори на Хонда.

За разлика од претходните две фабрики, Тојота потпиша нов договор со организаторите на првенството, светската автомобилистичка федерација ФИА и промотерот Берни Еклстоун. Тоа продолжување на договорот Конкорд, со кој се регулираат правата и обврските, ја обврзува Тојота да настапува до 2012 година, поради што наскоро ќе треба да се дознае дали екипата која беше лоцирана во Келн ќе биде дадена на продажба или стопирањето на Ф1 програмата ќе биде комплетно на товар на Тојота.

- Тојота Мотор Корпорацијата (ТМЦ) го разгледа своето учество во Формула 1, оценувајќи го како придонес кон просперитеот на автомобилската култура, при што остана посветена на врвниот моторспорт во услови на груби економски промени кои започнаа лани. Кога ги разгледувавме активностите за моторспортот на Тојота за следната година и натаму, од сеопфатен среднорочен аспект кој ја рефлектира актуелната економска реалност, одлучивме да се повлечеме од Формула 1. ТМЦ сака да ја изрази својата срдечна благодарност на сите возачи кои настапувале се до денес за Панасоник Тојота рејсинг, како и на сите вработени во Тојота моторспорт кои му помогнаа на тимот да ги оствари своите постигнувања. ТМЦ има намера да направи се најдобро за да најде решение за оние инволвирани страни кои ќе бидат под влијание на оваа одлука,- се вели во соопштението на матичната фабрика, со кое исто така се најавува производство на „возбудливи спортски автомобили од компакт класата со заден погон“, но и поддршка на настаните од моторспортот кои се лесни за луѓето да учествуваат во нив.

Во светското првенство сега ќе останат само три автомобилски фабрики, и тоа Ферари, Мерцедес и Рено. Екипата Тојота, која беше базирана во Келн, имаше 139 настапи во Формула 1 од 2002 до денес, но не забележа победа и покрај шпекулациите дека има најголем буџет од сите екипи, кој преоѓаше 300 милиони долари. Иронично, од идната сезона треба да стапи во сила новиот правилник со кој лимитирањата на буџетите стануваат реалност.

- Од комерцијален аспект овој тим има одлична иднина. Клучна забелешка е дали Формула 1 ќе продолжи да ја дава истата вредност и враќање на инвестицијата која што Тојота ја очекува. Доколку продолжи да биде врв на моторспортот и оригинален технолошки предизвик, тогаш можам да видам долга и јасна иднина за овој тим. Доколку спортот се стиши, или премногу стандардни компоненти бидат пропишани во системот, Формула 1 може да стане само уште една тркачка серија. Тоа ќе биде само можност за спонзорирање, и интересот ќе опадне рапидно,- изјави на почетокот на сезоната тимскиот претседател Џон Хаует, во кое се вели и дека со мерките на ФОТА сите тимови ќе ги прават истите нешта кои ги правеле и порано но со помалку ресурси, со што би се зачувал ДНК идентитетот на овој спорт.



Шпекулациите за тешката финансиска ситуација во Тојота и прогнозите на Јамашина беа објавени од Ф1 Алманах на 30 септември: http://www.f1almanah.com/#index.asp?vid=1192

f1almanah.com

Џенсон Батон, ја промени екипата

Новиот шампион во Формула1 натпреварувањето, Џенсон Батон, ја промени екипата.

Следната сезона ќе биде дел од британскиот дрим тим на Мекларен, во кој ќе му прави друштво на човекот од кој годинава ја презеде титулата, Луис Хамилтон.

Ниту спојувањето со Мерцедес, што значеше поголем буџет, не му помогна на Рос Браун да го задржи првакот во своите редови.

Трансферот на Батон Диречтно влијаеше врз судбината на најбрзиот во конк*ренцијата од 2007-та, Раиконен. Финецот кој го раскина договорот со Ферари, во неколку наврати јасно стави на знаење дека ќе вози за Мекларен или воопшто нема да биде дел од натпреварувањето.

Островската врска беше посилна, па Раиконен идната година веројатно ќе го гледаме во популарната трка „24 часа Ле Ман“.

Ne izdrza srce junacko...Shumaher se izvinuva na navivacite na Ferrari

Незнам како и ќе го прифатат неговото извинување во Ферари...но зашто баш во Мекларен

Ферари ветуваат дека ќе го победат Шумахер!

Михаел Шумахер може да зажали за заминувањето од тимот на Ферари, бидејќи Фернандо Алонсо е во совршена позиција да го совлада Германецот за светската титула повторно, вели шефот на Скудерија, Стефано Доменикали. Седумкратниот светски шампион, 41-годишниот Шумахер се враќа од пензија да се трка со новиот Мерцедес тим заминувајќи си од консултантската позиција во Ферари, кои го донесоа двократниот светски шампион Алонсо од Рено. Шпанецот го совлада Шумахер за титулите во 2005 и 2006, кога Шумахер возеше за Ферари, и Доменикали вели дека е сигурен дека новиот возач може да го повтори успехот.

"Да не заборавиме дека Фернандо е единствениот возач во формула 1 кој во својата кариера го совладал Михаел за светската титула. Фернандо има се што е потребно да го победи Шуми", изјави Доменикали на Врум фестивалот на Ферари во Мадона Ди Кампиљо.

Фановите на Ферари низ целиот свет беа вознемирени од заминувањето на Шумахер, посебно откако тој за малку ќе се вратеше во Ферари минатата сезона како привремена замена за повредениот Бразилец Фелипе Маса. Ниту Доменикали не го заборавил тоа.

"Секако, добро е да не се заборави дека тоа што тој го направи остави траг. Но, сега мораме да ја свртиме страницата. Мораме да му покажеме на Михаел дека ова е силен тим. Сакаме да победуваме. Помисливме на него минатата година бидејќи се работи за неверојатно силен возач. Но, Фернандо и Фелипе можат да го совладаат", додава Доменикали.

Ферари ќе го претстават својот болид на 28 јануари во седиштето во Маранело, по што ќе се започне со тестирањето во Валенсија на 1 февруари.

"Не верувам дека првите тестови во февруари ќе можеме да знаеме колку имаме конк*рентен болид. Ќе бидеме силни, но ќе треба да почекаме да видиме дали ќе победуваме", вели Доменикали.