ПРЕГОВОРИ ЗА ИМЕТО - 1

   Секако дека јазикот и нацијата се таргети на кои треба да се фокусираме затоашто битката за Името ја загубивме уште со прифаќањето на референцата и со самото  започнување на преговорите, а сега се води битка за идентитетот, кој исто како и Името се оспорувани и негирани.
Тоа што извесни дискутанти на трибината ги изјавија, за жал е нашата реалност, и не гледам баш никаква причина да бидеме бесни на нив, туку реално да ги согледаме работите и да го извлечеме најдоброто за нас во оваа позиција во која се наоѓаме. 
Името е договорено, промената ни е неминовна колку болно и да звучи, но идентитетот и јазикот не треба да претставуваат предмет на трговија!
Приказните од типот за барање за признавање на уставното име од страна на Обединетите Нации се само убави желби и можност која за нас е невозможна, затоашто доколку беше реална досега ќе се поднесеше. 
А инаку како поминува времето и преговориве течат, Македонија е во се понезавидна и полоша позиција, постојано трпиме порази и добиваме се полоша позиција во нив. Многу тешко да не речам невозможно е да извојуваш победа откако ќе бидеш предаден.
Брзоплетоста и непромисленоста со самиот чин на влегување во преговорите, како и петата колона во нашите политички структури не доведоа до позиција да добиваме, разгледуваме, дискутираме и одбиваме предлози  не само околу Името туку и околу идентитетот, кои патем се навредливи за секој нормален човек. Зарем од старт не беше јасно дека не е само Името проблем, туку и идентитетот? Тоа требаше да го знаат, а верувам дека и го знаеле од почеток сите оние "умни" глави кои ноншарлантно и така лесно не предадоа и преименуваа со онаа несреќна времена референца. 
Сега е време да оладиме малце и трезвено да размислиме како да извлечеме максимум од оваа незавидна ситуација и како да го сочуваме чист образот пред идните генерации македонци.

Внеси реплика	страница <1 40 414243 44 256 >
Tweet