Денес...

Изборот ќе започне во 21 часот, ќе бидат објавени резултатите од гласањето на изборот на најдобрите спортисти, што е во организација на Агенцијата за млади и спорт (АМС) и Сојузот на спортски федерации на Македонија.

Битката за главната награда во машка конкуренција ќе ја бијат капитенот на кошаркарската репрезентација Перо Антиќ, ракометниот ас Наумче Мојсоски, каратистот Дејан Недев и кикбоксерот Димитар Ѓорѓиев.

За најдобар женски спортист номинирани се каратистката Наташа Илиевска и кикбоксерките Гордана Цветковска Бошевска и Маја Михајловска. Пред објавувањето на овогодишните спортски лауреати ќе бидат доделени 500 стипендии на надежните млади спортисти.

Македонските кошаркарски репрезентативци, кои на Европското првенство во Литванија постигнаа историски успех со освојувањето на 4. место, доминираат во номинациите во повеќе категории.

Покрај Антиќ, кој се бори за главната награда, Владо Илиевски е номиниран во конкуренцијата за најдобар спортист во странство, репрезентациите во машка и во женска конкуренција се номинирани за екипните успеси, а Марин Докузовски е фаворит за наградата тренер на годината.