F1 Вести

Баричело знаел дека нешто не e в ред со амортизерот

„Им го пријавив на моите инженери проблемот со амортизерите уште по саботниот утрински тренинг“, открива возачот на Ф1 тимот Браун ГП, Рубенс Баричело.

Парче од амортизерот му предизвика сериозни повреди на неговиот сонародник Фелипе Маса од Ферари во текот на попладневниот квалификациски тренинг за Големата награда на Унгарија на Хунгароринг, откако дел отпадна од болидот на Баричело и удри во главата на Бразилецот, пробивајќи му ја кацигата.



Амортизерот е тежок околу 800 грама, што при брзина од над 200 км/ч може да тежи дури и неколку килограми. За среќа, заштитната кацига му го спаси животот на Маса.

После се, пристигна признанието на Баричело кое фрла нова светлина на несреќата.

„Вистина е дека проблем со амортизацијата почувствував во саботата, на третиот слободен тренинг. Се жалев на возилото, бидејќи чувствував дека на рамните делови од патеката, не е стабилен. Но, и покрај сите проверки не можевме да го отстраниме проблемот“, раскажа Баричело.

Состојбата на Маса кој сеуште е на интензивна нега во Воената болница во Будимпешта е се подобра. Бразилецот, според лекарите, е свесен и комуницира со лекарскиот персонал, успеава да ги придвижи екстремитетите. За сега се чини дека оштетување на мозокот нема да има, но тоа е се уште не е дефинитивно. Во текот на денот го очекува нова компјутерска томографија на главата, за да се провери неговата здравствена состојба.

Шумахер замена за Фелипе Маса ?!



Михаел Шумахер е пред сензационално враќање на Формула 1 патеките!?
Според италијанскиот весник „Газета дело Спорт“, Германецот може да се појави како замена за повредениот Фелипе Маса во еден од двата болида на Ферари оваа сезона. Докторите се уште не даваат реални шанси Маса во брзо време да се врати на патеките, па оттука Ферари веќе бара достојна замена.
Михаел Шумахер, повеќекратниот шампион, е прво име на списокот на првите луѓе на „црвените“, но не се знае дали Лука Ди Монтеѕемоло ќе успее да го намоли Германецот да го замени Маса. Шуми се откажа од Ф-1 во 2006 година, но работи се уште во тимот со кој освои 5 титули. Шуми има консултантски договор со Ферари кој му истекува годинава.
Менаџерот на Шумахер, Вили Вебер, вели дека овие пишувања на италијанските весници се несериозни. Тој потсети дека и Шумахер имаше тежок инцидент во јануари кога падна со мотор, па и тој не се чувствува добро. Но од Ферари не ја демантираа веста на италијанскиот весник

БМВ СЕ ЗБОГУВА СО ФОРМУЛА 1



Германската компанија со седиште во Минхен објави утрово (среда) дека на крајот од сезоната ќе го затвори својот тим во Формула 1. Одлуката била донесена вчера, на седница на одборот на директорите.

Поканата за итната прес конференција упатена до дописниците на главните светски агенции, била опишана како „разгледување на актуелниот развој на мото спортот“. Моментот за објавување на одлуката кореспондирал пред потпишувањето на фамозниот нов договор „Конкорд“, со кој се регулираат правата и обврските на учесниците во Формула 1 трките, а кој е предвидено да трае до 2012 година.

Одлуката била донесена базирајќи се фактите за актуелните постигнувања, но и поради ориентацијата на компанијата кон заштитата на околината, а Формула 1 не се вклопувала во тој имиџ.

- Ова беше тешка одлука за нас, но е логичен чекор во поглед на стратешкото прегрупирање. Премиум класата се повеќе ќе биде дефинирана во поглед на одржливоста и компатибилноста со природата. Тоа е поле на кое што ние сакаме да бидеме лидери. Континуирано ги прегледуваме сите проекти и иницијативи за да ги усогласиме со очекувањата за иднината. Во тој поглед, нашата кампања во Формула 1 станува помалку клучен промотер за нас,- се пренесува изјавата на Д-р Норберт Рејтофер, кој е претседавач на бордот.

- Ни беа потребни само три години за да се етаблираме како врвен тим во Формула 1. За несреќа, не бевме во можност да ги исполниме нашите очекувања за оваа сезона. Нашето искуство стекнато минативе десет години имаше големо влијание врз нашите развојни инженери. Мораме да им заблагодариме на трките за бројните иновации, како и за натпреварувачкиот дух кој не водеше и при производството на патничките автомобили,- гласи коментарот на Д-р Клаус Дрегер, член на бордот кој е одговорен за развој.

- Ние, вработените во Хинвил и Минхен, сите би сакале да продолжиме со нашата амбициозна кампања и да покажеме дека оваа сезона беше само расчекор, по успешните три сезони. Можам да разберам зошто е донесена оваа одлука, гледано од корпоративен аспект. Сега ќе се фокусираме на преостанатите трки и да го демонстрираме нашиот натпреварувачки дух освојувајќи добри резултати при збогувањето со Формула 1,- вели Д-р Марио Тајсен, кој е раководител на мотоспорт активностите во БМВ од 1999 година.

Баварската компанија влезе во Формула 1 како снабдувач со мотори на екипата Вилијамс, за во 2005 година да купи дел од акциите на швајцарскиот Заубер. На пресот било кажано дека во моментот не е позната бројката на отпуштања, бидејќи одлуката била донесена вчера.

- Ќе развиеме различни сценарија за да најдеме најдобри решенија за нашите вработени во Хинвил и Минхен. Свесни сме за одговорноста која треба да ја понесеме и ќе ги информираме луѓето штом имаме јасна позиција,- порача Драгер.

Од друга страна, најавено е дека БМВ ќе остане активно вклучен во останатите категории на мото спортот, како што се трките од светското првенство на туринг автомобили, трките на издржливост и серијата Формула БМВ наменета за младите возачи.

Шпекулациите поврзани со оваа шокантна вест одат во крајности, почнувајќи од тоа дека Роберт Кубица ќе го напушти тимот веднаш за да го замени Фелипе Маса во Ферари до крајот на сезоната, како и дека Тојота и Рено би можеле да го следат чекорот на БМВ.

iako ne sum za BMW sepak sum RAZOCARAN deka si odat

f1almanah.com

Едвам чекам да видам дали татица Шуми ќе им покаже на децава како се вози  Баш ме интересира дали е во добра форма како некогаш.

Батон: Шумахер е храбар возач



Актуелниот лидер во светскиот шампионат во Формула 1 Џенсон Батон го поздрави враќањето на Михаел Шумахер кој ќе го замени Фелипе Маса, но најави дека германецот нема шанси за победа.

40-годишниот Шумахер се пензионира од Формула 1 во 2006-та година и автоматски ја прифати понудата за советник во тимот на Ферари, но откако Фелипе Маса се здоби со тешката повреда на Хунгароринг се согласи да го замени бразилецот до крајот на сезоната.

И покрај тоа што Батон е среќен со враќањето на легендата на седумкратниот победник на Ф1-шампионатот, сепак верува дека неговиот статус нема да му помогне да го освои актуелното првенство.

„Има многу добри луѓе на стазата во моментов но да се има Михаел Шумахер како противник повторно ќе биде нешто специјално, и покрај тоа што малку е чудна ситуацијата поради причината која Михаел е тука.“ - изјави Батон.

„Но, морам да напоменам дека раководството на Ферари е многу среќно што токму во овој момент го имаше еден од најдобрите возачи во историјата на Формула 1 во својот тим кој ќе скокне во болидот и ќе стане компетитивен возач - а Михаел тоа и ќе биде.“

„Па, тешка позиција е за него, но среќен сум што тој го прифати предизвикот. Тоа е многу храбро од негова страна.“ - заврши Батон.

sportdenes.com

Ralf Schumacher, братот на 40 годишниот повратник во F1-Michael Schumacher тврди дека Шуми во Ферари ќе го засени СМРЗНАТИОТ Kimi Räikkönen уште со првата трка. Уште додава и дека:-"Михаел ќе експлодира на стазата...Кими е многу поспор од него. Беше поспор уште пред да се повлече Михаел во 2006-та, а во меѓувреме воопшто ништо и не се подобри".

За враќањето на Шумахер во Ф1  проговори и Bernie Ecclestone.
Тој смета дека враќањето на Шумахер е најдобрата вест на годината што се однесува до Ф1 посебно после сите оние лоши и не убави вести кои ги изнаслушавме оваа година.
-"Воодушевен сум од неговото враќање.Сигурен сум дека точно знае што прави затоа што сум сигурен дека ги има проценето сите околности максимално прецизно."



Јас само би додала- живи били па видели
 

Schumacher ke bidi podobar od Raikkonen