KINGDAVID напиша: ЕВАНГЕЛИЕ СПОРЕД МАТЕЈ Глава  7                         13 ”Влезете низ тесната врата, зашто широка е вратата и простран е патот, што водат кон пропаст, и мнозина се, кои влегуваат низ неа. 14 Зашто тесна е вратата и тесен е патот, што водат во живот, и малцина се кои го наоѓаат.”

И кога Го наречувате Татко Оној, Кој не гледајќи кој е кој, го суди според делата секој поединец, поминувајте го во страв времето на својот живот како придојденици, знаејќи дека не сте откупени со распадливи нешта, со сребро или со злато, од својот суетен живот што ви е предаден од вашите татковци.


1 Петрово 1:17-18

„Добар е Господ за оној, кој се надева во Него, за душата, која Го бара.“

(Плач Еремиин 3:25 )

Псалм: 34:8

Вкусете и видете колку е добар Господ: блажен е човекот, кој се надева на Него!

"И тројца се Кои сведочат на земјата: Духот и водата и
крвта, и овие три се согласни”." Јованово Послание (5:7-8)

Јован сведочеше за Него и велеше зборувајќи:

„Ова е Тој за Кого реков: Оној, Кој иде по мене, Тој е пред мене, бидејќи постоеше порано од мене!”
И од Неговата полнота ние сите примивме благодат врз благодат;
зашто Законот беше даден преку Мојсеј, а благодатта и вистината произлегоа од Исус Христос.
Бога никој никогаш не Го видел; Единородното Чедо, Кое е во крилото на Отецот - Го објави каков што вистински е!



Ев. Јован 1: 15-18


   

ЈАКОВ

Глава 1


19 Знајте го ова, возљубени браќа мои: секој човек да биде брз во слушањето, а бавен во зборувањето, бавен на гнев,

20 зашто човечкиот гнев не создава правда пред Бога.

21 Затоа отфрлете од себе: секаква нечистота, и последниот остаток на злобата, и примете го со кротост во вас насаденото Слово, кое може да ги спаси вашите души.