Што се тоа комуњари?

Platenik напиша: Македон напиша: Platenik напиша: Багимен, Незнам што е потрагично, дали кога 22-23 годишњаци го воспеваат онај систем или кога истиот го деградираат?! Денес младите луѓе располагаат со сите потребни податоци за да оценат дали тој систем бил успешен или неуспешен, праведен или неправеден, тоталитаристички или не. И секако, сосема се во право младите генерации што не гледаат благонаклоно на тој систем. Но, не се единствени, голем дел и од постарите го имаат истото гледиште. Особено оние кои живееле во педесеттите и шеесетите години на минатиот век. Во однос на терминот кој се употребува, тоа е погрден термин за протагонистите на минатиот систем и идеите кои произлегуваат од истиот. П.С. Zabegan исто така даде добар осврт на погрешната политичко-партиска употреба на тој термин кај нас, што за жал е мошне често присутна. Македон, Прашањето беше реторичко. И понатаму сметам дека некој кој не го живеел тој систем неможе да има јасна претстава за истиот, ма колку инофрмации да му стојат на располагање. Тоа важи и за двете групации, оние кои го критикуваат и оние кои го воспеваат. Преку информациите неможе некој да допре до етузијазмот, идеалот и се она што луѓето од права рака го доживувале. Информациите можат да бидат исти, но толкувањето на истите различни, кое пред се зависи од политичкото убедување на толкувачот и целта која сака да ја постигне. Со други зборови, субјективно. Кога згора ќе се додаде политичката коњуктура, тогаш сосема е јасно дека се создадени условите кои овозможуваат анатемисување на се што ќе се испречи на патот на демократскиот, односно капиталситчкиот начин на живеење и создавање. Тоа не се случува само во Македонија Таква е приородата на нештата кога две нешта, партии, тимови, па ако сакаш и два систем или концепти за развој на оптштеството ќе влезат во натпрева. Секој сака да победи. Средствата не се бираат, важна е целта, важна е победата. По прашање на поимот комуњара се сложивме и мислам дека истото може да биде затворено. Поимот има идолошка позадина и се упатуваа на оние кои се протагонисти на предходниот систем, а последователно на тоа и на нивните наследници. Се извинувам ако се најде погоден, што ја споменав таа возрасна група. Кога го пишував тоа, го пишував генерално не алудирајќи на ниту еден челн на форумов. Мислам дека веќе еднаш ти реков дека ти, на твоите кревки години, располагаш со информации, со кои некои луѓе нема да се стекнат дури и во текот на целиот нивен живот. Значи материјалот е тука, но за да се искористи материјалот правилно потребно е време и искуство. Колку како индивидуи можеме да бидеме објективни и без политичко влијание ги обработиме располживите информации е прашање за кое сеуште се бара идржан одговор. Ради тој пуст субјективизам, честопати и искуството не е доволно.

Platenik, во право си кога говориш дека не може да се доловат чувствата, ентузијазмот, идеалот, верувањето, независно колку со информации и да се располага, затоа што тоа се субјективни чувства и се тешко доловливи за светот, се додека оној кој чувствува јасно не ги претстави, иако ниту тогаш тоа не може да се доживее и почувствува.
Но, настаните, дејствијата и последиците од сето тоа можат лесно да се дознаат. Ние навистина не може да дознаеме точно како се чувствувале оние кои се бореле за воспоставување на тој систем, ниту оние кои се бореле против тоа, но може да дознаеме кои методи ги применувале едните и другите и како тие методи влијаеле врз животот на луѓето.

Не грижи се, воопшто не се најдов погоден од она што го напиша и знам дека истото се однесуваше на генералната клима и начин на размислување во Македонија и светот.

Морам да признаам дека сум почестен од она што го кажува за мене еден од оние чии пишувања со особен интерес ги следам и читам, особено кога станува збор за политиката и случувањата во светот.

Целосно се согласувам дека времето е значаен фактор кога говориме за објективно проучување на нештата. Токму затоа и сметам дека луѓе кои не живееле во определени системи можат да дадат значаен допринос,затоа што истите не се обременети од идеолошките и политичките размислувања на сопственото време и можат да пристапат кон истражувањата кои се потребни во однос на вакви теми.