Ако дојде крај на светот, манекенката Наоми Кемпбел нема за што да се грижи.

Таа изгради еколошка куќа на островот Садир или познат како островот на Клеопатра во Турција, во облик на окото на египетскиот бог Хорус.

Куќата има 25 соби, неколку сали за забави, постојан проток на светлина и преубаво природно окружување.

Градбата сама си ја осигурува струјата и водата, така што Наоми нема за што да се грижи ако дојде до еколошка или нуклеарна катастрофа.

Собите се прилично осветлени особено заради стаклото со кое е прекриена куќата.

Стакленикот во текот на зимата ќе обезбедува доволно топлина, а во летните денови ќе биде приклучуван на вентилационен систем.

Станот на Френк Синатра со поглед на „Ист ривер“

Славниот пејач и актер Френк Синатра во периодот меѓу 1961 и 1972 година со неговата тогашна сопруга, актерката Миа Фароу, живееле во Њујорк во двоспратен пентхаус од 278 квадратни метри.
Потоа, Синатра го продаде станот на својот стоматолог, кој во него живеел до 2008 година, и благодарение токму на него, просторот не е променет сите овие години, па затоа сега можеме да видиме фотографии од оригиналниот ентериер.
Станот се состои од четири спални соби и шест купатила, а висината на таванот достигнува 5,5 метри. Има две огромни тераси со поглед на „Ист ривер“.
Меѓу личностите што биле гости на познатите забави и вечерите што Синатра ги приредувал во овој пентхаус се Џон Кенеди, Мерилин Монро и Енди Ворхол.
Декор на ентериерот неодамна беше реновиран и сега можеме да видиме модернизирани скалила, мермерен камин и современ мебел.

Алиша Кис е млада ѕвезда која потекнува од сиромашна средина во Њујорк, но со текот на времето успеа да си дозволи вакво совршенство. Таа е уште еден доказ дека соништата се остваруваат!

Денес, таа ужива во својата слава и луксузот кој успехот и го носи. Затоа нејзината куќа од соништата вреди 18 милиони долари, сместена е на 25 илјади метри квадратни и важи за една од најубавите во Њу Џерси.

Поседува околу 30 простории, девет бањи, седум спални соби, затворен базен, билјард сала, куглана, студио за снимање, тениски терен, спа центар... А покрај тоа и посебен апартман со големина на еден просечен стан, само за гости.

Интересно е дека оваа куќа порано беше во рацете на Еди Марги, но од неодамна Алиша е новиот сопственик кој ја преуреди оваа вила во раскошен стил.

Низ неколку фотографии прошетајте низ нејзиното најголемо богатство...

Луксузната куќа на Брус Вилис во Беверли Хилс

Се продава хациендата во шпански стил на актерот Брус Вилис во вредност од 22 милиони долари. Таа ги има сите погодности на класична холивудска хациенда , вклучувајќи 11 спални, 11 бањи, тениско игралиште, внатрешен двор, формална библиотека, неколку камини, и простран двор со базен. Погледнете:

Ѕирнете во куќата на Мајкл Џордан

Куќата на Мајкл Џордан се наоѓа во едно предградие на Чикаго, Илиноис , а во моментов се продава за 29 миони евра.Џордан живеел тука речиси 20 години. Прекрасната куќа  располага со 9 спални соби и 15 бањи. Изградена е во 1995 година за неговите потреби. Бидејќи веќе 20 месеци стои на пазарот без потенцијален купувач , куќата ќе биде предложена на аукција на 22 ноември.

За учевство на аукцијата неопходен е  депозит од 250 000 долари.

Со локација на 30 минути од Чикаго, внатре има се, од тениско игралиште , игралиште за кошарка , базен, гаража за повеќе автомобили… Џордан има повеќе куќи:  во Северна Каролина, Флорида и Јута , па вели дека оваа  во Чикаго повеќе не му била потребна…

Ѕирнете во вилата на Бијонсе и Џеј Зи

Дека Бијонсе и Џеј Зи се едни од клучните движечки фигури во светот на шоу-бизнисот, и со самото тоа едни од најбогатите луѓе на денешницата не е никаков новитет. Сепак, она што е последна вест за оваа актуелна двојка е дека тие во август изнајмија раскошна вила во Хемптом за 400.000 долари.

Вилата во која ова славно семејство помина еден месец е проценета на 43.5 милиони долари.

„Песочниот дворец“, како што уште и се нарекува, содржи девет спални соби и 11 купатила распоредени во нејзиниот главен дел, додека постои и посебна, гостинска куќа.

Таа се наоѓа на имот од 12.5 хектари, и во неа има куглана, кошаркарски терен, спа центар, рампа за скејтборд, ди-џеј кабина и караоке бина. Потоа има девет камини, базен и гаража во која можат да се стават осум автомобили.

Се звучи како да би можело да биде вредно за неверојатните 400.000 долари кирија, што за Бијонсе и Џеј Зи не претставуваат никаков проблем.