Спектакуларни апсења, борба против криминалот

Видни имиња од политичкиот врв се инволвирани во аферата „Змиско око“ и шемата на земање пари од патарините, тврдат 72 обвинети во процесот.

Тие ја повикуваат обвинителката Вилма Русковска да го даде 30 часовниот видео материјал на медиумите и ја прашуваат зошто 12 месеци премолчува и не покренува обвинение за функционерите кои се спомнуваат на материјалот.„Самите контролори, сега главни сведоци во акцијата Змиско око, дека некои пари завршувале за одредени политичари и одредени кампањи“, изјави Стефан Кирков, Координативно тело на обвинетите.

„Во теков на постапкава, се додека немаме званична пресуда добиена од судиката, овие лица само ќе ги именуваме вака, а доколку обвинителството и судиката си продолжат со оваа хајка и си дадат пресуда која нема да биде добра, тие лица ќе мораме јавно пред целата македонска јавност да ги кажеме“, вели Кирков.

Обвинетите прашуваат зошто апсењето било селективно. Од 130 снимани, обвинети се само 72. Нејасно е зошто тие што најмногу се снимани како незаконски земаат пари, сега се главни сведоци.После апсењето биле вратени на патарините, но зачудува, според обвинетите што се уште таму работат, иако во неколку наврати биле фатени повторно со фалсификувани карти.За обвинетите врв на конструкцијата е и што снимениот видео материјал што сега е доказ, е сниман незаконски, без налог.