Плејбој зајачицата од Македонија, Александра Накова сакала по секоја цена да си замине од "Преживеан", па ја исценирала тепачката со Станија за продуцентите на реалното шоу да ја испратат дома, но покрај неа, и српската старлета беше присилена да се спакува и да си оди од Костарика.

"Го смисливме тоа за да ме исфрлат, но поради мене беше исфрлена и Станија. Од договорот знаев дека единствен начин да излезам од шоуто е доколку на некого му нанесам физичка повреда.

Се молев уште следниот ден да ме исфрлат, дури и размислував да си ја скршам ногата... Потоа ми падна на памет да се степам со некој", открива Александра за "Блиц".

Таа дополнува дека логичен избор била српската старлета затоа што најдобро се сложувала со неа.

"Таа ми беше како сестра. И реков да ме навреди за да почнеме да се расправаме и да ме предизвика да ја удрам со цел да ме исфрлат бидејќи не можев повеќе да издржам таму.

Навистина бевме многу блиски и таа се согласи на тоа, но за жал и Станија ја исфрлија заедно со мене.

Тоа не го очекувавме и многу ми е жал поради тоа што Станија сакаше да остане да се бори до самиот крај", објаснува македонскиот фотомодел.
 
Иако Александра вели дека Станија не и забележала и дека тие дури и планираат да почнат да живеат заедно во Белград, српската старлета вели дека таа била најголемата жртва на овогодинешниот "Преживеан".

"Неправедно сум дисквалификувана. Александра прва ми се нафрли и ја исфрлија, но никој не очекуваше дека следниот ден ќе дојдат по мене и ќе ме дисквалификуваат.

Сепак, тоа го направија за мое добро и благодарна сум и на продукцијата што ме тргна од оној пекол", изјави Станија Добројевиќ, која од Америка се враќа во Србија следната недела.
 
Потврда дека девојките се исфрлени објави и ТВ Прва, на која што се емитува "Преживеан".

Вечерашната епизода ќе го донесе и долгоочекуваното обединување. Иако Марко вети дека доколку победува до крајот во сите борби во обединетото племе ќе го земе Радован, сепак политичарот го избра Невен.