F1 Вести

Мозли го сака Тод за наследник?



Претседателот на ФИА, Макс Мозли, призна дека Жан Тод може да го наследи на раководната позиција во Париз, иако екипите не го поддржуваат. Меѓу можните кандидати се спомнува и претседателот на сенатот на федерацијата, Мишел Боери, кој е претседател на федерациојата на Монако и кој го презеде договарањето меѓу ФИА и ФОТА по првично постигнатиот договор. Од друга страна, потпретседателот на ФИА, Херман Томчик изјавил во германскиот печат дека нема да се кандидира.

- Не можам да го видам Боери дека е заинтересиран за таа позиција. Тој исто така е доста стар. Не можам да го исклучам Жан Тод. Доколку има повеќе од едне кандидат, ќе дадам моја препорака,- изјави 69-годишниот Мозли, кој ја водеше организацијата во тек на четири мандати.

ФОРМУЛА 1 - МОЗЛИ СО НАВРЕДИ ЗА МОНТЕЅЕМОЛО, ВО ФОТА ОСТАНУВААТ МИРНИ

             Дали кризата се враќа во Ф1?



Мирот пристигна во средата, но по се изгледа објавувањето беше предвремено - во формула 1 повторно се подготвуваат за "војна". Од една страна Макс Мозли постојано се заканува да го раскине договорот со осумте тима членови на Асоцијацијата на Ф1 тимови (ФОТА) доколку лидерот на ФОТА, претседателот на Ферари, Лука Ди Монтеѕемоло не ги повлече коментарите за него. Претседателот на ФИА е лут што ФОТА објави дека ја добила војната и дека Мозли ветил дека ќе си замине.

"Во моторспорт светот никој не го сфаќа сериозно Ди Монтеѕемоло. На него се гледа како што велат Италијанците 'бела фигура', или стилот пред фактите. Тој е претседател на Фиат, но сериозната индивидуа која ја води компанијата е Серџо Маркионе и не верувам дека тој внимава многу на Лука", вели Мозли во последното интервју за Дејли Мејл.

Според Мозли лут е и Берни Еклстоун, неговиот добар пријател.

"Берни го започна животот продавајќи автомобили, и една од неговите реченици е: 'кога ќе го продадеш автомобилот, престани да зборуваш'. Лука направи нешто уште полошо, не само што не престана да зборува, туку почна да зборува глупости", додава Мозли.

Тој вели дека има голем притисок од членовите на ФИА да се кандидира за уште еден мандат во октомври, иако од ФОТА објавија дека дел од договорот е неговото заминување во историјата.

"Тие направија грешка што танцуваа на мојот гроб пред да бидам закопан. Не е добро тие да велат дека сум готов, кога стојам тука пред вас. Сега имам притисок да останам на позицијата, но не го сакам тоа бидејќи сум малку престар. Кога почнав бев доволно стар да бидам татко на помладите Ф1 возачи, а сега сум доволно стар да бидам дедо на тие кои возат", вели Мозли.

Претседателот на Ферари, Ди Монтеѕемоло пак повика на крај на политичките борби, велејќи дека е уморен од препукување.

"Задоволен сум од договорот и знам дека фановите се веќе лути на оваа серија соопштенија за јавноста, нејасни правила и правила кои се менуваат на шест месеци. Ни треба стабилност, мир, транспарентност. Сите ја сакаме Ф1, но сакаме Ф1 која секогаш е екстремна во однос на технологијата и возачите. Сега треба да сопрат сите полемики, бидејќи мораме да го сочуваме спортот", вели Монтеѕемоло избегнувајќи одговор на прашањето дали ќе му се извини на Мозли.

Шефот на Ред Бул, Кристијан Хорнер вели дека отварањето на старите рани ќе донесе нова војна со ФИА, која би била "катастрофа".

"Сега да се влегува во нова конфузија и контроверза би било катастрофално за нас, за ФИА и за формула 1. Мозли има завршено фантастична работа во безбедноста во формула 1 и тоа мора да се цени. Се надевам дека пактот нема да се растури", вели Хорнер.

Ферари веќе се фокусира на следната година?

Од Ферари најавија дека по лошиот старт на сезоната 2009, може да го прекратат развојот на Ф60 болидот за да се концентрираат на развојот на болидот за 2010. По осум од седумнаесет трки во календарот, актуелните шампиони кај конструктори се 4. во генерален пласман со неверојатни 79 поени помалку од лидерите Браун ГП. Како Хонда, тимот кој подоцна стана Браун, во 2007 и 2008 се откажа прерано за да се фокусира на следните сезони, сега и Ферари размислуваат за таква опција.

"Сигурен сум дека можеме да ги подобриме перформансите во следните трки, но тешко е, а можеби и невозможно да се сврти сезоната сега, посебно бидејќи немаме тестирање. За несреќа оваа година се фокусиравме на изградба на болид околу КЕРС системот и започнавме со сиви зони во правилата. Тоа ни се врати како бумеранг", вели претседателот на Ферари, Лука Ди Монтеѕемоло.


Mosley i Ecclestone se za vo BARDOVCI

Браун го има најскапиот болид во историјата



Поранешниот тест возач на Хонда, Александер Вурц, изнесе неверојатни тврдења во интервју за магазинот Ауто, мотор унд шпорт, вклучувајќи го тука и податокот дека била потрошена половина милијарда евра за развој на болидот за 2009 година.

Екипата која за 2008 година имаше оправдување за слабите резултати поради лошото калибрирање на возушниот тунел, па добиле погрешни резултати за унапредување на болидот, според Вурц имала на располагање дури пет возушни тунели! Тие го „изеле“ и најголемиот дел од буџетот, бидејќи болидот бил анализиран во три развојни правци, од кои што два се покажале како погрешни.
Хонда била шокирана од развојот на глобалната економска криза и решила да го затвори тимот, кој потоа му беше даден на тимскиот шеф Рос Браун преку менаџерски откуп.

Почнувањето од „нула“, значеше дека новиот сопственик ќе мора самиот да најде буџет за да го издржува тимот, што пак резултираше со 170 откази во март, веднаш по првата победа во Австралија.

- Браун го има веројатно најскапиот болид, а има најмал оперативен буџет,- вели Вурц.

Во интервјуто австрискиот пилот му дава на Себастијан Фетел оценка „10 од 10“, но вели дека тој нема да има лесна работа до крајот на сезоната. Проценката на Вурц е дека според перформансите, Браун и Ред Бул се изедначени, па за победите во трките ќе одлучува конфигурацијата на патеката, во смисла која од двете екипи има болид што повеќе одговара на некој автодром.

За Ред Бул е познато дека има добра аеродинамика, што му дава предност во брзите свиоци. Браун, поради својот речиси уникатен концепт со двојниот дифузер, генерира поголема потисна сила, која генерално повеќе им е потребна на болидите кога возат на бавните патеки, што се виде и на трката во Монако, кога Ред Бул беше засенет дури и од Ферари. Во кратки црти, Хокенхајм, Хунгароринг и Валенсија на хартија би требало да се наклонети за Браун, додека Монца, Спа и Сузука би биле повеќе за Ред Бул. На крајот на сезоната се и трките во Сингапур, Бразил и Абу Даби, кои повторно би требало да бидат во корист на Браун, освен доколку развојот на Ред Бул не напредне до тоа ниво за да ја престигне конк*ренцијата убедливо.


f1almanah.com

Алонсо сигурно во Ферари, Кими размислува за рели трки?



Шпанските медиуми повторно ги кренаа шпекулациите дека има договор меѓу нивниот миленик Фернандо Алонсо и тимот на Ферари и дека деталите ќе бидат објавени на 11 септември на Италијанското ГП во Монца. Двократниот светски шампион, кој настапува во Рено, веќе подолго време е поврзуван со италијанскиот тим и не ја крие желбата да настапи во црвен болид, а традиционално во Монца се соопштуваат многу важни работи околу Ферари.

Шампионот од 2005 и 2006, по двете титули со Рено си замина за Мекларен, каде што имаше контроверзна сезона 2007 во која јавно не се согласуваше со британскиот колега Луис Хамилтон и со шефот Рон Денис, за на крајот да се врати во Рено, каде што очигледно не е задоволен од слабата форма на тимот. Покрај ова се верува дека тој има клаузула во својот договор со која може да си замине на крајот на сезоната.

Шпанскиот Диарио АС посочува дека Италијанското ГП е често сцена на комерцијални соопштенија од Ферари за следните сезони, а покрај трансферот на Алонсо би се случило и доаѓање на шпанската банка Сантандер како главен спонзор. Шпанците тврдат дека Алонсо ќе добие договор до 2014 година, но дека главното прашање е кој од двајцата сегашни возачи на Ферари, шампионот од 2007 Кими Раиконен и вицешампионот од минатата сезона Фелипе Маса е подготвен да си замине.



КИМИ СЕ ПОДГОТВУВА ЗА РЕЛИ ВРЦ ДЕБИ

Од друга страна Раиконен ќе дебитира во Рели ВРЦ шампионатот против возачи како Себастиен Леб и Мико Хирвонен на своето домашно Финско рели на крајот на јули. Шампионот од 2007 веќе се натпреваруваше на три релија оваа година, а сега ќе вози со Фиат Абарт Гранде Пунто и сонародникот Кај Линдстром како со-возач. Линдстром претходно беше со-возач на четирикратниот светски шампион Томи Макинен.

"Финското рели е едно од потешките. Релијата кои ги возевме со Кими беа помали, но сега се работи за супер-долго тридневно рели со голем интензитет. Имаме два дена да ги направиме забелешките за патеките, но Кими го прави тоа одлично. Многу е талентиран и сигурен сум дека нема да има проблеми", вели Лидстром.

Финското рели стартува во петокот по Унгарското ГП во Будимпешта на 26 јули. 29-годишниот Раиконен има настап на две локални релија во Финска и едно во Италија на стартот на годината. Тој има само 10 поени од осумте ГП трки оваа сезона.



ЗАУБЕР ГО САКАЛ БАТОН ВО 2002?

Џенсон Батон многу лесно можеше да се најде зад воланот на БМВ Заубер. Основачот на швајцарскиот тим, Петер Заубер во последната колумна за швајцарскиот Блик напомена дека се обидел да го земе Британецот на крајот на сезоната 2002.

"Батон влезе во 2000 во формула 1 како супер-талент. Но, некако потоа успеваше да најде вистински тим во погрешно време. Тогаш ѕвездата не сјаеше толку силно", вели Заубер, кој го продаде тимот од Хинвил на почетокот на 2005.

По две лоши сезони во Бенетон/Рено, шефот Флавио Бриаторе го "шутна" Батон за Фернандо Алонсо, и Британецот заврши во БАР на Дејвид Ричардс. Тој тим потоа стана Хонда, а сега Браун.

"На почетокот на 2002 се обидов да го донесам Батон во Швајцарија, но тоа не успеа. Ми се допаѓа бидејќи е навистина добро момче", признава Заубер.



ФОТА сака трка во Северна Америка

Асоцијацијата на Ф1 тимови (ФОТА) се обидува да добие трка во САД, откако спортот веќе две години нема Американско ГП на календарот. Според ФОТА, тркањето во САД е "апсолутно неопходно" за формула 1. Откако последен пат се тркаа во Индијанаполис во 2007, минатата година се одржа и последната трка во Монтреал за Канадското ГП, што значи дека оваа година Ф1 нема да патува во Северна Америка, клучен пазар за автомобилската индустрија.

"Трка во САД е апсолутно неопходна. Северна Америка за нас претставува дел од нашата историја со многу важни победи за Ферари во Себринг и Дејтона", вели претседателот на Ферари и ФОТА, Лука ди Монтеѕемоло.

Откако се вратија во САД во 2000, трката во Индијанаполис имаше серија проблеми. Во 2001 година тоа беше првото интернационално спортско натпреварување по терористичките напади, а во 2005 година таму се извозе една од најбизарните Ф1 трки, кога само шест болиди излегоа на патеката, откако Мишелин објави дека нивните гуми не се безбедни за трка.

"Се сеќавам на некои победи на Михаел Шумахер во Индијанаполис кои беа фантастични. Сакаме да се вратиме дека ги сакаме САД, и дека тоа е нашиот најголем пазар", додава Монтеѕемоло.



Роси: "Тоа се разговори за со кафе!"

Мото ГП светскиот шампион Валентино Роси повторно ги отфрли последните шпекулации кои го поврзуваат за трансфер во Ф1, како "разговори за со кафе", иако самиот беше цитиран дека би можел да вози трет болид на Ферари за две години. Роси стигна до јубилејните 100. победи во Асен минатиот викенд, по што посочи дека е можно во 2011 да направи трансфер во Ф1.

"Се работи за обичен разговор за со кафе, кој е направен за да се стимулира имагинацијата на фановите. За 2010 имам договор со Јамаха, а с$ уште не сум направил одлука за трансфер. С$ ова почна кога бев брз на некои приватни тренинзи, но едно нешто е да си солиден на тренинзите, а друго е да се натпреваруваш во формула 1", вели Роси, кој има и неколку настапи во Рели ВРЦ трки, последен пат во декември на Велшкото рели.

Ф1 ФЛЕШ

Марк Вебер ја пополнува тринеделната пауза во Ф1 календарот со нова авантура. Тој прво беше на супербајк трки, пред да оди на тренинг со австралискиот крикет тим предводен од неговиот сонародник и добар пријател Рики Понтинг. "Рики ме покани, така што се работеше за добра шанса да се видиме", вели возачот на Ред Бул, кој ќе го посети и Вимблдон. Дизајнерот на неговиот тим, Адријан Њуи, пак, минатиот викенд настапуваше на Бриткар трката во Спа-Франкоршамп.

Карлос Гарсија, шефот на Шпанската автомобилистичка федерација и член на Светскиот совет на ФИА, се сомнева во шпекулациите дека претседателот на ФИА, Макс Мозли, го подготвува поранешниот шеф на Ферари, Жан Тод како замена. "Доколку Макс не полудел повеќе отколку што мислев, нема да го поддржи Жан бидејќи сите знаеме од каде тој доаѓа. Не го поддржувам Макс до смрт, но Ди Монтеѕемоло претера. Нема да ме изненади Макс да остане уште за еден мандат", додава Гарсија.

Шефот на Ред Бул, Кристијан Хорнер, инсистира дека двајцата возачи Себастијан Фетел и Марк Вебер се еднакви во битката за титулата. По осум трки, Фетел има две победи и е трет во генерален пласман со само 3.5 поени пред Вебер на четвртото место. "Нема возач број 1 кај нас. На болидите се работи паралелно и така ќе остане до крајот на сезоната", вели Хорнер.

Рос Браун вели дека неговиот тим ќе мора да направи голем чекор напред во перформансите на Германското ГП за да се одбрани од предизвикот од Ред Бул. "Тие се блиску до нас цела сезона, така што мораме да пронајдеме екстра перформанси по Силверстоун. Дали сега имаме вистинска битка пред нас? Да, јас го кажував тоа цело време", вели шефот на Браун ГП.

Ф1 од 2011 во Бугарија?

Бугарија проживува вистинска автомото еуфорија. Откако нашиот источен сосед доби дозвола да го организира Светското првенство во рели и мотоциклизам, сега посакува да ги донесе и трките во Формула 1.

Претставници на бугарскиот автомото сојуз следната недела ќе имаат состанок со сопственикот на комерцијалните правата на Ф1, Берни Еклстоун, во Германија и ќе се обидат да го договорат доаѓањето на најелитната автомобилистичка трка во својата земја во 2011 година.

Од следната година во Бугарија ќе возат најдобрите светски рели тркачи, а со МотоГП е договорена петгодишна соработка со старт од 2012 година.

Претставникот на автомото сојузот на оваа балканска земја, Румен Петков, ќе разговара со Еклстоун на трката на Нирбургринг и се надева дека ќе успее да договори соработка со која Бугарија ќе се најде на календарот на Ф1 од 2011 до 2015 година, со можност на продолжување на соработката до 2020 година.

Подобро диктаторство отколку демократија?



Берни Еклстоун е мета на напад на еврејските здруженија откако во интервју за Тајмс изјави дека демократијата не е најдобро решение за сите ситуации, како и дека Адолф Хитлер бил добар пример за тоа како една работа треба да биде завршена!

Промотерот на Формула 1 од својот пријател Макс Мозли (како претседател на ФИА) ги откупи правата за емитување на спортот во следните 99 години, при што се знае дека овој е син на Сер Освалд Мозли, претседателот на Фашистичката странка на Британија пред Втората светска војна. Еклстоун во интервјуто застанал во одбрана на Мозли, тврдејќи дека никој нема право да го осудува за приватниот сексуален живот, кој излезе на виделина кога еден таблоид од Англија објави слики од него и пет проститутки во униформи од нацистички логор.

Сепак, кога се појави скандалот тој побара Мозли да даде оставка, по што нивните односи се заладија. Имајќи предвид дека во октомври ќе се спроведат избори за наследник на Мозли (доколку се повлече како што најави), очигледно е дека Берни сега настојува да биде што е можно поласкав кога е во прашање неговиот пријател, па дури би сакал да го види и како премиер.

- Луѓето можат да прават што сакаат. Го знам Макс повеќе од 40 години и немав идеја дека е инволвиран во ваква работа. Поточно, му реков „Бев поканет на сите твои состаноци, но заборави да ме поканиш на овој“. Преферирам силни лидери. Маргарет Тачер носеше одлуки во од и ја вршеше работата. Таа беше една од оние кои ја изградија оваа земја пополека. Сега ја пуштивме да оди надолу. Овие момци, Гордон и Тони (актуелниот и поранешниот премиер, н.з.) се трудат да ги задоволат сите, постојано. Макс би бил супер лидер. Мислам дека неговиот бекграунд нема да биде проблем,- тврди Еклстоун, но натаму разврзува на други политички теми. – Политичарите се често загрижени за изборите. Направивме грозна работа кога ја поддржавме идејата да се тргне Садам Хусеин, бидејќи тој беше единствениот што можеше да ја контролира таа земја. Исто е и со Талибанците. Одиме во земји каде што немаме поим за нивната култура. Американците во Босна веројатно мислеле дека тоа е град во Мајами. Има луѓе во Африка кои се прегладнети, но ние седиме и не правиме ништо, а се инволвираме во работи кои треба да ги оставиме на страна.

На прашањето дали има омилен диктатор, Еклстоун не се двоумел многу, иако му биле понудени имињата како Сталин и Мусолини.

- Меги (Тачер, н.з.) си замина... На м,ногу начини, иако е страшно да се каже, надвор од фактот дека Хитлер се занел и продолжил да прави нешта за кои немам идеја дали ги сакал или не, тој беше некој што можеше да командува многу луѓе кои беа способни да ја завршат работата. На крајот, се загубил и не бил многу добар диктатор. Или знаел што се случува и инсистирал на тоа, или само продолжил покрај тоа, но и во двата случаи не бил диктатор.

Од друга страна, Берни ги осудил расистичките испади во Шпанија против Луис Хамилтон.

- Ако уште еднаш направат нешто, ќе одам и ќе ги најдам, а потоа ќе ги натерам да дојдат и да се сретнат со Луис,- тврди 78-годишниот Еклстоун, кој го оправдува возачот на Мекларен што поради даночни причини заминал во Швајцарија. – Ако работиш напорно, те оданочуваат повеќе. Би сакал да се ослободам од тоа. Има доста работни места ако луѓето ги сакаат. Овие луѓе се гребатори,- тврди седокосиот бизнисмен.

Тој исто така целиот свој бизнис го имаше регистирано на сопругата Славица, поради помали даночни зафаќања, но со неа се разведе во март. Тој тврди дека биле среќни, иако таа тврдела дека поради работата го запоставил семејството. Во интервјуто открива дека ќерките Петра и Тамара го повикувале секој ден за да прашаат дали се храни, а тој тврди дека знаел да приготвува само салати. Но, од друга страна, открива дека го сака редот. – Мора сите конзерви во фрижидерот да ми бидат подредени. Ако сликата не е остра, мора да ја изострам,- открива Еклстоун, кој предвидиува дека Јужна Америка и Азија ќе ја засенат европската економија. – Европа ќе има економија како земјите од Третиот свет, особено Британија. Во Јужна Америка и Азија работењето е прашање на морал. Овде се сакаат бесплатно. Би требало да ја водиме земјата како бизнис, а не како социјална грижа,- завршува Берни, откривајќи дека одбил да биде дел од аристократијата со тоа што не ја прифатитил титулата „Командир на Британската империја“.


f1almanah.com