Дајте една добра вест

ВО ТЕТОВСКО

Вратница ќе добие нова црква

Недалеку од тетовското село Вратница, во месноста Честодубје, се возобновуваат храм на Македонската православна црква и црковно-народни традиции, стари околу 1.500 години. На просторот каде што постоел верски објект, изграден во 5 или 6 век, сега се гради црквата "Светите Константин и Елена" и секоја година на 3 јуни се одбележува истоимениот празник со големи народни собири, со богослужби и сечење на славските колачи.
И за денес претпладне се најавени свечена литургија и доаѓања на голем број жители од Вратница, нејзини иселени жители во Америка и во Европа, како и други православни верници од регионот и од земјата.
"'Светите Константин и Елена' започна да се возобновува врз темелите на стариот храм во 2000 година. Досега се потрошени околу 100 илјади евра. За целосно завршување на сите предвидени работи ќе бидат потребни уште околу 20 илјади евра", вели Живе Кировски, член на Црковно-народниот одбор во селото. Сега се изработуваат фрескоживописот и иконостасот. Осветување на црквата е предвидено за 3 јуни 2012 година. Се планира изградба и на конак, камбанарија и на други објекти во комплексот на црквата на 2 и пол хектари

Македонското вино се пробива на рускиот пазар

Еден од ретките производители кај нас кој речиси целото вино го пласира на бившите советски простори вели дека пласманот и цената се добри но недостасува количина.

На огромниот руски пазар со сегашната застапеност неможе ниту да се слушне за македонското вино како препознатлив бренд бидејќи количините се мали а винарниците не организирани.

Но оние што еднаш го пробале повторно го бараат по маркетите.

Лазов многу вложил во винарницата но вели дека тука нема да застане. Според него бизнисот е интересен. И во време на најголемата винска криза тој сепак наоѓа пласман и добро заработува.

До крајот на годинава планира да го прошири капацитетот но и да изгради објект за практикување на селскиот туризам.

Регистрираните деведесеттина винарници кај нас се доказ дека производството на вино како и винскиот туризам се атрактивен бизнис.