Корпи колачи полнети со мармалад

Состојки

• 250 гр зејтин
• 500 гр брашно
• 1 лажица шеќер
• 1 прашок за пециво
• 125 гр бело вино
• по потреба/желба мармалад

Подготовка

Посни, едноставни, вкусни колачиња.

Го замесуваме тестото, го расукуваме и вадиме со кругови или пак ако имате модла на цвет користете ја таа. Јас имав модли на срце, вадев од него, па ги спојував, ама правев и со кругови. Тестото ставајте го во модла за мафини. Печеме на 230 степени да поцрвенат.
Откако ќе се изладат се полнат со мармалад и врз нив ставаме шеќер во прав.
Убави се да отстојат околу 2 часа пред да се јадат.

Дополнителни фотографии

Колач - мраморни коцки

Божиќни елки

Состојки

• Тесто
• 1 1/2 чаша за млеко интегрално пченично брашно
• 1 чаша за млеко бело брашно
• 1 лажиче сода бикарбона
• 1 лажиче цимет
• 1 лажиче сол
• 250 гр. путер
• 3/4 чаша за млеко прав шеќер
• 1 јајце
• Глазура
• 2 лажици сок од лимон
• 1 чаша прав шеќер

Подготовка

Во еден сад измешајте ги брашната, содата, циметот и солта.
Во друг сад измешајте го путерот, кој предходно треба да се стопи и шеќерот, додека не се добие кремава хомогена смеса.
Сматете го јајцето и додадете го на путерот.
Потоа двете смеси се соединуваат и се замесува тесто.
Откако убвао ќе се измеси се става во најлонска фолија и се остава најмалку еден час во фрижидер.
Потоа се расукува кора со дебелина од 3мм, се сечат триаголници-елки.
Се редат во тепсија и се печат во загреана рерна, 12 минути, на 200°.

Во меѓувреме се припрема глазурата ( се мешаат шеќерот со сокот од лимон, додека не се соеднинат) и се нанесува на оладени колачиња.

Колачињава ги правевме со ќерка ми, додадовме и рендано чоколадо по нејзина желба, ви препорачувам да ги припремите и вие за празнициве што доаѓаат, одлично време поминато со најмалите........ ( чистењето потоа...не се споменува)

Дополнителни фотографии

Нанаимо барс

Состојки

• -подлога-
• 125 гр путер
• 70 гр шеќер
• 5 лажици какао
• 1 јајце
• 165 гр мелени плазма бисквити
• 100 гр кокос
• 100 гр ситно сецкани потпечени бадеми
• -крем слој-
• 100 гр путер
• 80 мл слатка павлака
• 1 пак. прашок за пудинг од ванила
• 200 гр шеќер во прав
• -глазура-
• 150 гр чоколадо
• 50 гр путер

Подготовка

Нанаимо барс е популарен канадски десерт, кој името го добил по градчето Нанаимо во Бритиш Колумбија, а покасно неговата популарност се проширила и на целиот северноамерички континент. Настанал во почетокот на педесетите години, но со тек на време претрпувал незначителни измени по количината на составот. Во 1986 год. градоначалникот на Нанаимо распишува конкурс за да се изгласа најдобриот рецепт за Нанаимо барс. Победува рецептот на Џојс Хардкастл, кој се прогласува за најорогинален рецепт за овој десерт.

Растопете ги путерот, шеќерот и какаото. Додадете го јајцето, предходно разматено и мешајте додека не се згусти смесата. Тргнете го садот од оган и вмешајте ги бисквитите, кокосот и бадемите. Истурете ја смесата во калап 20х20 и убаво набијте и израмнете.

За крем делот, убаво изматете го путерот и шеќерот. Постепено додавајте ја слатката павлака и на крај прашокот за пудинг. Матете некои 5 мин., односно додека смесата на стани кремасто воздушеста. Потоа, премачкајте ја врз подлогата и убаво израмнете. Оставете кратко време во фрижидер да се здрви, а во меѓувреме растопете го путерот со чоколадото. Премачкајте одозгора колку можите побрзо и повторно вратете го колачот во фрижидер убаво да стегни.
Исечете на мали правоаглести парчиња и ... уживајте!

*** Со овој рецепт, во оваа прилика, би сакала на сите со најубави желби да ви ја честитам Новата 2014 година, а во меѓувреме нека ви се весели Божиќните празници! Уживајте и бидете така цела година!

Медена пита