Јаболка, рум, цимет, тиква...некои од аромите на есента кои ако ги искористите по наша препорака, ќе може да уживате во прекрасни и сочни залчиња.

Чоко мафин со лeшник

Потребно е:

100g маргарин, 200g шеќер, кесичка ванилин шеќер, 2 јајца, 50g топено црно чоколадо, 200ml млеко, 100g брашно, 100g какао, 50g пудинг од чоколадо, половина прашок за печиво, лажичка сода бикарбона, 2 лажици цимет, 70g сечкани лешници

Подготовка:

Изматете го маргаринот со шеќерот и ванилиниот шеќер. Додадете едно јајце, па откако смесата ќе се соедини додадете го и другото. Истурете ја истопената чоколада, а потоа додавајте ги и какаото, млекото, пудингот во прав, со постојано мешање. На крај додадете ги прашокот за печиво, сода бикарбона и цимет. Во калап за мафини ставете хартиени корпици и наполнете ги до половина. Останатата половина наполнете ја со кршени лешници и печете на 180 степени околу 20 минути.

Колач со вишни и бадеми

Потребно е:

За тесто: 200g путер, 200g шеќер, ванилин шеќер, јајце, прстофат сол, 500g брашно, прашок за пециво, цимет по желба

За фил: 150g вишни, 100g сечкани бадеми, 2-3 лажици џем од сливи

Подготовка:

Во длабок сад ставете го брашното со прашокот за печиво, обичниот и ванилиниот шеќер, солта, циметот и полека додавајте го растопениот путер. Со миксер направете ронливо тесто. Во длабок плех, премачкан со масло, истурете го тестото. Премачкајте го со џем, наредете ги вишните без семки и сечканите бадеми. Можете да го печете како колач или пак да го замотате во вид на ролат. Печете околу 25 минути на 200 степени.

Коцки со рум

Потребно е:

За бисквит: 200g шеќер во прав, јајце, 50g маргарин, 40g мед, 300g брашно, прашок за печиво, 2dl млеко

За прелив: 250g шеќер, 200g маргарин, 50g какао, 5 лажици вода, ½ dl рум, 200g кокос

Подготовка:

Растопете го маргаринот, па додајте го медот. Изматете го јајцето, додадете ја течноста од мед и маргарин, млеко, брашно и прашок за печиво. Во намачкан плех истурете ја смесата и печете на 180 степени околу 25 минути. Потоа растопете ги сите состојки за прелив, па измачкајте ги испечените коцки со него. На крај извалкајте ги во кокос.

За сите љубители на слаткиот спој од костени и чоколадо, имаме едно вкусно изненадување. За да го подготвите потребен ви е најмногу 1 час, а ќе можете да уживате во него во студените зимски денови.

Потребно ви е:

• 250g сенаменско брашно
• 120g квалитетно какао во прав
• 50g чоколадо за готвење
• 1 лажица прашак за печиво
• 2 лажици сода-бикарбона
• 230g шеќер
• 2 лажици екстракт од ванила
• 260g пире од костени
• 2 јајца
• 230 ml млеко
• 230ml кафе, по можност еспресо
  
  

Подготовка:

1. Со малку масло премачкате го калапот за торта во кој ќе ја печете смесата и загрејте ја рерната на 180 степени.

2. Посипете го брашното, какаото во прав, прашакот за печиво и содата во голем сад. Додајте го и шеќерот, екстрактот од ванила, пирето од костен, јајцата и растопеното чоколадо. Прелијте со млеко и мешајте додека смесата не се соедини. На крај додадете го кафето.

3. Мешавината истурете ја во калапот и печете на средна температура околу 40-50 минути. За да проверите дали тортата е готова, боцнете ја со метално стапче во средината. Доколку стапчето е чисто откако ќе го повлечете, тогаш тортата е подготвена за сервирање.

4. Оладете ја тортата околу 5-10 минути, а потоа превртете ја на голема чинија. Посипете со какао или цимет, додајте уште малку екстракт од ванила и декорирајте по желба.

Нема некој што не се заљубил во вкусот на бајадерите. Верувале или не, домашно подготвените бајадери се исто толку добри.

Доколку имате желба да подготвите вкусен десерт, во прилог се инструкциите:

Што ви е потребно?

Состојки за внатрешната смеса

• 500 гр шеќер
• 500 гр мелени бисквити
• 200 гр мелени ореви
• 300 гр путер
• 170 мл млеко
• 100 гр црно чоколадо
• 100 гр бело чоколадо

Состојки за глазурата:

• 100 гр црно чоколадо
• 2 мали лажички маргарин
• 1 лажица масло

Како се подготвува:

Млекото, шеќерот и путерот се ставаат во тенџере на оган за да зовријат. Штом почне смесата да врие, садот се тргнува на страна.
Во врелата течност се додаваат бисквитите и оревите и добро се мешаат сите заедно.
Смесата се дели на 2 дела.

Во едниот се додава белото стопено чоколадо, а во другиот црното чоколадо.

Земете плех и прво истурете ја црната смеса со дебелина од прилика 1цм, а потоа ставете ја и белата смеса.

Оставете на кратко да отстојат во фрижидер. Во меѓувреме, подгответе ја глазурата – маргаринот, темното чоколадо и маслото се топат на пареа додека да добијат течна форма.

Прелијте го колачот со глазурата и оставете ги да се изладат заедно.

Сечете на парченца по желба!

Уживајте во омилениот десерт!

Суфле тортата е идеален начин да уживате во вкусот на темната, ако сте зависник од овој сладок порок.

Затоа што за подготовка на оваа торта се потребни само 30 минути, е еднa од најлесните и најсочни чоколадни задоволства.

Потребно ви е:

• 300g чоколада за готвење
• 50g какао
• 10 јајца
• 300g шеќер
• Лажичка цимет
• 1 ванилин шеќер
• 500g путер
• Шеќер во прав или чоколадна глазура (за фил)
• Слатка павлака или сладолед за декорација
• Јагоди и малини како додаток
  
  

Подготовка:

На пареа, на тивок оган растопете го путерот, чоколадото и циметот.

Во посебен сад одвојте ги жолчките и белките. Од белките направете цврст крем, а жолчките изматете ги со шеќерот за да добиете жолт крем.

Оладеното чоколадо истурете го во смесата со жолчки, а потоа постепено додавајте ја пената од белки.

Добиената смеса истурете ја во калап за печење, премачкан со путер и печете на 175 степени половина час.

Откако тортата ќе се олади посипете ја со топено чоколадо, шеќер во прав или цимет. Декорирајте со неколку малини и јагоди, сладолед или шлаг пена.

Ако сакате да бидете креативни, додадете ликер или рум по желба.

Ова слатко - солено чоколадно задоволство вообичаено го купуваме од продавница. Но, сега може и сами да го подготвите дома. Вкусот е речиси идентичен како и оригиналното чоколадо.

Потребни состојки:

• 1 маргарин + 80 гр за глазурата
• 300 гр шеќер
• 100 гр чоколадо + 100 гр за глазурата
• 3 јајца
• 300 гр бисквити
• 300 гр кикирики
• 2-3 капки масло
  
  

Фил:

Во поголема чинија искршете  300 гр бисквити и додајте 300 гр мелени кикирики. Кикириките пред  да ги сомелете пропржете ги во тепсија додека не добијат малку заруменета боја.

Стопете го маргаринот, 300 гр шеќер, 100 гр чоколадо и додајте ги 3-те јајца. Сето тоа варете го и полека мешајте додека не добиете хомогена смеса и нормална густина.

Двете смеси соединете ги во една чинија и сипете ја измешаната смеса рамномерно во подмачкана тепсија.

Глазура:

Во едно подлабоко тенџере стопете 80 гр маргарин додека не зоврие. Кога ќе зоврие тргнете го од оган и додајте 100 гр искршена чоколада и 2-3 капки масло. Мешајте додека чоколадото не се стопи.

Прелијте ја глазурата врз претходно ставената смеса во тепсија.

Оставете го колачот да се излади и зацврсти на собна температура, а потоа пресечете го на правоаголни коцки.

Шарени божиќни ѕвезди

Состојки

• 250гр. брашно
• на врв на нож прашок за печиво
• 100гр. шеќер
• 1 пакетче ванилин шеќер
• на врв на нож мелен цимет
• на врв на нож мелено каранфилче
• на врв на нож мелен кардамом
• на врв на нож мелен анис
• 1 јајце
• 125гр. путер омекнат
• Глазура
• 100гр. чоколадо за готвење
• 1 лажиче зејтин
• шарени шеќерни перли

Подготовка

Сите состојки за тестото заедно со зачините ставете ги во еден длабок сад и изматете ги со миксер со спиралните маталки. На крај измесете ја смесата со раце за да добиете мазно тесто.
Работната површина набрашнете ја и развлечете тенка кора од тестото. Со модлици во две различни големини вадете ѕвезди (ист број од двете форми). Ставајте ги во плех на хартија за печење и печете ги 8-10 минути на 180° во претходно загреана рерна. Откако ќе се испечат оставете ги убаво да се оладат.
За тоа време подгответе ја глазурата. Чоколадото искршете го на коцки, па заедно со зејтинот ставете го на пареа да се стопи.
Големите ѕвезди премачкајте ги со глазурата и одозгора ставете ги малите ѕвезди така да се гледаат аглите од големите ѕвезди кои ќе ги наросите со шеќерните шарени перли.
Оставете ги да се стегне чоколадната глазура па потоа послужете.
Затворени убаво во кутија можат да траат 3-4 недели.

Дополнителни фотографии