Црното чоколадо е добро за видот

Консумирањето на црно чоколадо позитивно влијае на видот, покажа најновата студија која што беше спроведена на британскиот универзитет Ридинг.

Авторите на студијата го тестирале видот на 30 мажи и жени на возраст меѓу 18 и 35 години, неколку часа откако изеле чоколадо со нормална големина.

Тестот бил направен два пати, првиот пат учесниците во истражувањето јаделе црно чоколадо, а вториот пат бело. Разликата меѓу овие две чоколади е во количината на флавонол, природна состојка која се наоѓа во какаото.

Оваа состојка ја има уште во грејпфрутот, црното вино, зелениот чај и јаболката. За да ги избегнат неточните резултати, научниците на испитаниците им ја мереле маста во крвта по внесувањето на чоколадото во организмот. Откако ќе го изеле црното чоколадо, учесниците во студијата покажале најдобри резултати на тестовите за проверка на видот и менталните способности.

Научниците тврдат дека резултатите од истражувањето се вакви, бидејќи флавонолот, кого во белото чоколадо го има само во траги, го подобрува дотокот на крв во мозокот и во мрежницата на окото. Во претходните студии, научниците открија дека црното чоколадо го намалува холестеролот и добро влијае на тромбоцитите, а какаото може да биде важен дел од здравата исхрана за луѓето со кардиоваскуларни болести.

5 митови за чоколадото

Многу ретко се случува чоколадото само од себе да е причинител на главоболка.

Мит 1. Чоколадото предизвикува проблеми со варењето на храната.
Вистината: Чоколадото не е тешка храна. Истражувањата покажуваат дека порција од 200gr чоколадо се задржува во стомакот во просек околу 1 час. Тоа е многу малку во споредба со времето што е потребно за варење на многу други храни. Но, ако јадете неконтролирано, без разлика дали чоколадо или нешто друго, ќе имате проблеми со варењето.

Мит 2. Црното чоколадо содржи помалку калории.
Вистината: Млечното и црното чоколадо содржат горе-долу исто калории – околу 560kcal/100gr. Сепак тие се разликуваат по нивниот состав. Млечното чоколадо содржи повеќе калциум (200-220mg/100gr) во споредба со црното (60-100mg/100gr). Црното чоколадо се добива со додавање на масти и шеќер кон какаото. Ова е чоколадо во чиј состав нема млеко како додаток. Млечното чоколадо е чоколадо со млеко во прав.

Доколку се јаде умерено, чоколадото не предизвикуваа дебелеење.

Мит 3. Чоколадото предизвикува мигрена.
Вистината: Чоколадото содржи тирамин и фенилетиламин. Тие можат да предизвикаат мигрена, но се застапени во ниска концентрација во чоколадото. Затоа, многу ретко се случува чоколадото само од себе да е причинител на главоболка.

Мит 4. Чоколадото со повеќе какао е подобро.
Вистината: Дали чоколадото со повеќе какао е повкусно или не, тоа зависи од индивидуалните преференции на секој човек. Ако чоколадото содржи повеќе какао, тогаш тоа има и повеќе масти. Доколку чоколадото има помалку какао во својот состав, тоа содржи повеќе шеќер. Едно чоколадо кое содржи 60% какао има само неколку калории повеќе, од чоколадото кое содржи 80% какао.

Мит 5. Чоколадото дебелее.
Вистината: Факт е дека чоколадото е високо калорична храна, но сепак истражувањата покажуваат дека луѓето кои имаат проблеми со тежината не се чоколадохолици. Доколку се јаде умерено, чоколадото не предизвикуваа дебелеење.

2 во 1 – чоколадо што се бори против брчки