F1 Вести

Возачите со поддршка за Ферари во битката со ФИА


Возачите застанаа на страната на Ферари, а не на претседателот на ФИА, Макс Мозли, кој посочи дека спортот ќе преживее и без Ферари. Моќните тимови се вклучени во битка за моќ со ФИА околу контроверзите со воведувањето на ограничен буџет од 2010.

“Без Ферари нема формула 1 повеќе”, вели Џанкарло Физикела од тимот на Форс Индија.

Двократниот Ф1 шампион Фернандо Алонсо исто така изјави дека да се размислува за модерната Ф1 без италијанскиот тим е “невозможно”, додека актуелниот шампион Луис Хамилтон исто така вели дека “не може да замисли таква ситуација”. Фелипе Маса од Ферари вели дека не сака да се постави во “средина” на дебатата, но призна дека не му се допаѓа политиката во Ф1.

“Би било подобро да имаме подобар спорт. Со помалку политика и повеќе спорт”, вели Бразилецот.

Розберг специјалист за петоците

Џенсон Батон на Браун и Нико Розберг на Вилијамс се двајцата возачи кои имаа најдобри пласмани на првите два тренизи возени на европска почва годинава.

Нико Розберг покажа дека е најрасположениот возач во петоците, но за жал перформансите не успева да ги валоризира и во официјалните наптревари, односно во трката. Ова му е 5 пласман на првото место во вкупно 10 возени петочни сесии сезонава, и со исклучок на Кина, на секоја трка бил прв барем на еден од петочните тренинзи.

Во секој случај, првиот тренинг помина во доминација на Браун, односно нивниот возач Џенсон Батон, кој немаше посериозни проблеми да постави време од 1:21.799 и беше единствениот кој возеше под минута и 22 секунди. Претходно, долго време на врвот беше Јарно Трули, кој на крајот излезе како второпласиран. Добра трка најавија возачите на БМВ Заубер, кои ги зазедоа 3-то и 4-то место. Победникот од Кина, Себастијан Фетел е 13-то пласиран, додека вториот болид на Браун, возен од Рубенс Баричело е 10-ти. Од, условно кажано, фаворитите, Фелипе Маса го има најдобриот пласман - 9-то место, додека Кими Раиконен со 11-то место го заокружи тренингот на Ферари. Мекларен, пак, со Луис Хамилтон и Хеики Ковалаинен ги зазема само 14-то и 19-то место.

Во втората сесија, тимот на Вилијамс покажа најголема брзина и покрај Розберг, второпласиран беше вториот возач, Казуки Накаџима. Јапонецот доцнеше речиси две десетинки од реперот кој го постави неговиот колега, 1:21.588, кој притоа е резултат на денот, односно најдобро постигнување во двете сесии заедно. Сепак, со механички проблем, Розберг мораше да застане при крајот на сесијата.

Силно трето место имаше возачот на Рено, Фернандо Алонсо, додека 4-ти беше Рубенс Баричело. Џенсон Батон и Себастијан Фетел финалните активности во петок ги завршија како 6-ти и 7-ми. Ферари и Мекларен, веќе стандардизирани во средината на поредокот, имаа слаби постигнувања. Кими Раиконен беше 10-ти, а од 13-та до 15-та позиција се пласираа Луис Хамилтон, Хеики Ковалаинен и Фелипе Маса. Единствен возач без време во втората сесија беше Адријан Зутил, кој поради проблем со горивото не се појави на патеката.

Марк Вебер доби казна од 6 400 евра, поради пребрзо возење низ боксот. Зачудувачки е што максималната брзина дозволена во боксот е 60 км/ч, а Австралијанецот во втората сесија успеал да ја пречекори за дури половина од вредноста, при што возел 91,5 км/ч.

Генерално, сите возачи се задоволни од подобрувањата на нивните болиди, со што утре се очекува поизедначена квалификациска сесија, споредена со претходните четири трки.

Интересно е што болидите на Рено не беа опремени со КЕРС, а претходно беше најавено дека овој уред ќе се користи. Рено реши да ги следи стапките на БМВ Заубер, и да ја стопира употребата на КЕРС, фокусирајќи се на негова надоградба.

Тојота и Раиконен најавија откажување во знак на протест!

Тимот на Тојота нема да влезе во формула 1 шампионатот следната сезона доколку новите правила на ФИА не се променат, вели претседателот на тимот Џон Хаует.
"Ако ништо не се промени, нема да поднесеме барање за влез во 2010 до крајниот рок на 29 мај. Но, мислам дека не сме единствени во ова мислење", вели Хаует.
Хаует е потпретседател на Асоцијацијата на Ф1 тимови (ФОТА), кои луто реагираа на обидот од 2010 да се воведе доброволен ограничен буџет од 40 милиони фунти. Предходно на сличен начин реагираа и тимовите на Ферари и на БМВ, бидејќи тимовите со ограничен буџет ќе имаат значајна техничка слобода во споредба со тие кои ќе сакаат да трошат колку што сакаат.
"Тоа е двоен шампионат и мораш да одиш на ограничен буџет. Но, не се работи само за буџетот туку за вредноста на формула 1. Со ограничен буџет значи мораме да отпуштиме многу луѓе", вели Хаует.
Светскиот шампион од 2007 година, асот на Ферари Кими Раиконен исто така најави дека ќе се откаже од спортот ако се случи ограничување на буџетот.
"Ова веќе не е формула 1! Задоволен сум во Ферари, имам договор за следната година, но таква формула 1 не прави смисла за мене", вели Раиконен.


Изменето од Iron Man - 12.Мај.2009 во 21:09

Двократниот светски шампион Фернандо Алонсо го обвини својот неуспех и економската криза за празните седишта на Шпанското ГП. Организаторите очекуваа 100.000 фанови на патеката Каталуња, помалку од рекордните 140.700 од 2007 година, но и од минатогодишните 132.600 фанови. "Мислам дека кризата има ефект, а можеби не е добро да го кажам тоа, тоа е и поради тоа што не победуваме. Да бевме во добра форма трибините ќе беа полни", вели Алонсо.

Иако плановите на УСГПЕ за влез во формула 1 од следната сезона се познати, Берни Еклстоун најавува дека има два американски тима кои се борат за место. Шпекулациите велат дека ИндиКар тимовите Пенске и Андрети Грин се заинтресирани за трансфер од другата страна на Атлантикот. "Има два американски тимови. Тоа е супер, што има нови лица", вели Еклстоун.

Хамилтон во дебела сенка на Батон

Водечкиот во Шампионатот на Ф1- по пет трки има 32 поена повеќе од бранителот на титулата

Двајцата британски возачи во Формула 1 продолжија со заземањето спротивни краишта од спектрумот минатиот викенд кога Џенсон Батон додаде уште еден плус во својот старт од соништата додека Луис Хамилтон остана да се бори со кошмарот што изгледа како да нема крај за него сезонава. Браун ГП беше доминантен и во неделната трка во Барселона, па ако беше прифатен планот на Берни Еклстоун за доделување медали по урнек на олимпијадите Батон ќе беше на добар пат да ја обезбеди титулата пред паузата во август. Во петтата трка сезонава, Големата награда на Шпанија, 28-годишникот ја забележа својата четврта. Дури и според сегашниот систем на бодување, големи се шансите шампионатот да биде решен доста пред ноемвриското финале во Абу Даби.

Батон повторно освои повеќе поени во еден викенд од бранителот на титулата Хамилтон од Мекларен, кој заврши деветти. И покрај тоа што доби само половина од поените за својата победа во прекинатата трка поради дожд во Малезија, Британецот води кај возачите со 41 поен, 14 повеќе од тимскиот колега Рубенс Барикело, а Хамилтон е седми со само девет бода. Батон сам има освоено само 1,5 поен помалку од Ферари, Мекларен, Рено, БМВ Заубер, Вилијамс, Торо росо и Форс Индија заедно! Браун ГП, пак, има повеќе поени (68) од второпласираниот Ред бул (38,5) и Тојота (26,5) заедно.

„Сонот ни се оствари во досегашниот тек на сезоната“, изјави Батон по втората еден-два победа на Браун годинава. „Дури и кога изгледа тешко, способни сме да победиме. Кога оди - оди, нели? Така беше и лани. Кога тргна лошо, заврши навистина лошо. Навистина се чувствувам како да сум на врвот на светот во моментов“.

Првата трка во Европа сезонава малку придонесе за зголемување на самодовербата на страдалничката елита, која од своите претходни височини годинава тресна на земја. Браун е недофатлив, а Ред бул се' уште му е најблизок гонител. Шампионот Ферари покажа знаци на напредок, но и понатаму го мачи непостојаноста. Мекларен го нема никаде.

„Што да правам? Го оставив срцето на патеката, како и секогаш“, слегнува со рамената Хамилтон. „Едноставно, болидот не е добар. Срамота е што не ми дадоа болид со кој ќе можев да ја бранам титулата. Тој е толку лош. Безнадежен. Во моментов е сигурно дека немаме болид за освојување на првенството, иако тимот работи напорно и моралот е на високо ниво“.

Пешкирот практично го фрли во рингот и вицешампионот Фелипе Маса од Ферари, изјавувајќи дека Браун и Батон отидоа премногу напред за да бидат достигнати од Бразилецот и од неговиот тим, но тимскиот шеф на Мекларен, Мартин Витмарш, не прифаќа дека играта заврши.

„Ова беше многу тежок викенд, но има и некои позитивни страни“, изјави тој. „Ние ќе продолжиме да притискаме. Ние сме борци, ние сме возачи и ќе продолжиме да се бориме“.

Ред Бул би се повлекле од Ф1, и Бриаторе се заканува



Тимот на Ред Бул е вториот во само два дена кој најавува можно заминување од формула 1 доколку не се случи промена на регулативите за 2010. Со опција на ограничен буџет од 40 милиони фунти, се појавува можност на две "паралелни" серии во Ф1 и тоа не наиде на добар одзив кај тимовите. Тојота јавно објавија дека е можно да се откажат од формула 1 во текот на Шпанското ГП, а сега тоа го вели и Дитрих Матешиц, австрискиот магнат зад тимовите на Ред Бул и Торо Росо.
"Ако предвидените правила за 2010 останат непроменети, ние нема да бидеме во формула 1 шампионатот. Тимовите кои се со производители нема да учествуваат и од сегашните тимови ќе останат само два-три", вели Матешиц.
Рено не се приклучува на заканата за бојкот, но шефот на тимот, Флавио Бриаторе, јасно посочи дека е против ограничениот буџет. Засега само Вилијамс, Браун ГП и Форс Индија ги поднесоа документите до ФИА.
"Со 20 или 25 милиони евра не смееш да можеш да водиш Ф1 тим. Ако го овозможиме тоа, тогаш брендот Ф1 нема да значи ништо. Тоа е како на улица со ексклузивни продавници да отвориш евтина продавница. Без големите имиња, а Ферари е едно од нив, Ф1 не вреди ништо", вели 59-годишниот Бриаторе.