Оскари 2014-та година

Анастеа напиша: За вкусовите нели не се расправа. А мене Оскарите одамна не ми се мерило за квалитетот на еден филм. Чекам коментар од Пантер, одамна го нема на темава.

Анастеа

Ќе дадам коментар како автор на темава, редно е да го кажам моето сумарно мислење за најпрестижната манифестација на планетарно ниво во филмската индустрија - оскарот.

Генерално сум задоволен од тоа како поминаа оскарите, со одредени забелешки и мали изнанадувања кои не ги очекував.

И во претходното мое мислење кое го напишав на темава предвидов дека оскарот ќе го добие филмот 12 Години Робство на режисерот Стив Меквин, сосема заслужено. Филмот го има тој стил, приказна која ги има ги поседува сите карактеристики, одлики, кои одат во прилог да го добие најважниот оскар - за најдобар филм. Сметав и бев сигурен дека трката во оваа категорија ќе се води помеѓу него и мојот фаворит Американски измамници, тие два филма беа најсериозни кандидати во трката за оскар во оваа најпрестижна, најзначајна категорија.

Изненадување за мене беше освојувањето на оскарот за најдобар актер од страна на Метју Меконахи, не дека Меконахи не го заслужи, апсолутно го заслужи, тука нема дискусија, позитивно изненади оваа година со улогата и во филмот на Џеф Николс  Mud каде исто така го демонстрираше својот талент на високо ниво, овие неколку години се потврди, се докажа како актер од премиум класата каде дојде до израз неговиот талент, квалитет кој го поседува а кој беше потиснат предходните години со неговите улоги во комедии и романтични драми - комедии. Но сепак морам да нагласам да потенцирам дека мои фаворити беа Бејл, Леонарно и Читал, многу неправеден е односот кој членовите на филмската академија го имаат кон Лео и  после толку номинации, одлично одиграни улоги, сеуште не се одважија да му го доделат толку очекуваниот оскар кој потполно го заслужи. А и тоа што сите почнаа да се мајтапат на негова сметка откако не го доби оскарот за кој беше сигурен и убеден дека ќе му биде доделен од академијата, е многу неправедно. Но тоа е, и со голем број други актери, актерки се случило истото да и покрај огромниот број номинации и феноменално одиграни улоги не ја добијат златната статуетка, огромни неправди се случуваат но тоа е тоа. Лео е одличен актер ова само ќе му биде мотив повеќе во иднина да даде се од себе и конечно да го освои толку посакуваниот заслужен оскар, имам чуство дека оскарот ќе го добие за филм кој ќе биде режиран од Скорсезе, можеби грешам, тоа ќе го потврди или демантира иднината.

Истото како со Леонардо се случи и со Ејми после 5 номинации академијата не и го додели оскарот кој убедливо го заслужи. Ејми е одлична актерка, има врвен талент кој во најскоро време ќе го валоризира со златна статуетка.  Кејт Бланшет заслужено го доби оскарот за исклучителниот перформанс во филмот Тажната Џасмин на феноменалниот Вуди Ален.

Лупита Најонг заслужено го освои оскарот за споредна женска улога за извонредниот перформанс во филмот 12 години робство - има потенцијал кај неа во иднина да добие повеќе номинации и оскари.

Алфонсо Куарон го доби оскарот за најдобра режија - честитки и за него иако сметам дека најмалку од сите останати негови конК*ренти номинирани во оваа категорија го заслужи.

Златната статуетка за најдобар актер во споредна машка улога замина во рацете на Џаред Лето тој беше мој фаворит во оваа категорија и како што  претходно кажав ја предвидов неговата победа. Тој заедно со Меконахи беа дебитанти на оскарите ова им беше прва номинација која и двајцата ја крунисаа со оскар, тоа ми е малку нелогично бидејќи актери кои имаат по 5-6 номинации не добиваат оскар додека некои со 1 номинација се закитуваат со златна статуетка.

Фрозен го освои оскарот за најдобар анимиран филм како што и предвидов

Исто така и мојот фаворит La grande bellezza (2013) го освои оскарот за најдобар странски филм

Гравити се закити со најголем број оскари но во техничките категории за кои и беше супериорен во однос на другите.

Да сублимирам генерално оскарите поминаа во добра атмосвера, водителката беше добра, сум задоволен во глобала, со мали забелешки на кои укажав, честитки за победниците и голем поттик - мотив - стимул за тие кои не добија осакар а го заслужија, уште повеќе да работат и да дадат се од себе во наредниве години да се закитат и да ја крунисаат својата работа - труд  изразена во импресивни перформанси со златната статуетка оскарот.