Не постои поубав период за патување од пролетта. Особено за прошетка низ најубавите градови на Балканот. Постои некоја посебна магија во воздухот во ова годишно време.
Започнете го патувањето со градот кој е вистински бисер на Медитеранот...градот кој ве остава без здив со својата исклучителна природна убавина - Дубровник. Ќе се создаде пред вас како чисто изненадување, како глетка која не може да се спореди, како причина која најдобро ќе го оправда вашето патување. Затворен во своите ѕидини во него ќе најдете свет кој го сакате, цврст и познат, полн со богатства.
Прошетка по Страдун - центарот на сите случувања, тесните улички и продавнички, тврдината – ќе се сретнете со сите убавини на неговото урбано јадро, со векови учени вештини на ѕидање, резбање, вајање.
Емоции на тацна – добра чаша вино во комбинација со совршен поглед на кристалното Јадранско море, проткаени со звуците на уличните музичари. Над Дубровник има доволно ѕвезди за секоја ваша желба, месечина за секој ваш копнеж.
Бројните музеи и галерии, филмските и музичките фестивали се само дел од културните настани кои ги нуди овој прекрасен град.
Завршете го денот со крстарење околу стариот град, уживајте во магијата на зајдисонцето, останете маѓепсани од комплетната „доза“ убавина која ја нуди идеалниот град на Јадранот.
Продолжете го патувањето со уште малку „храна“ за вашиот дух. Од Дубровник - кон Мостар и Меѓугорје. Меѓугорје е еден од најпознатите Римокатолички храмови во светот. Местото стана симбол за чудесното појавување на духот на Пресвета Богородица, кои започнаа во 1981 година, по што почна да се развива верскиот туризам.
Од тогаш, ова место, во близина на Мостар, стана една од најпосетените туристички центри во Босна и Херцеговина, која годишно ја посетуваат околу еден милион верници од целиот свет. Светилиштето во Меѓугорје се уште го има задржано неговиот оригинален шарм, каде што верниците го наоѓаат својот мир во верата.
Во срцето на југоисточна Европа, градот кој со децении ја раскажува својата приказна и сведочи за една богата традиција и култура. Приказната за градот на Миљацка започнува овде. Сараево е град кој е посебен по многу нешта и со сигурност ќе ве освои на прв поглед. Луѓето се ведри, љубезни, добри, насмеани. Целата топлина и љубов ја споделуваат со своите гости.
Седнете на утринско кафе со локум или чај во Башчаршија – почувствувајте ја традицијата и културата на Сараево во центарот на овој неверојатен град.
Стариот дел од градот, црквите, џамиите, музеите и прекрасните кафулиња се задолжителни при посетата на Сараево.
Облакодерот Аваз е највисоката градба која нуди спектакуларна глетка на градот и можност да уживате во неповторлив поглед.
Сараево има многу што да понуди и раскаже. А, ќе имате и вие откако ќе успеете да ги средите впечатоците од сите убавини.
Патувањето од соништата ви е на дофат – искористете ги Велигденските празници за да креирате нови спомени.
Опции за темата
Опции за коментарот
Благодарам(0)
stigma04 напиша:
