Стотици војници и граѓани ранети во граѓанската војна во Грција се погребани во Катланово. На ова место во 1948 години имало и болница. Тука со камиони биле носени ранетите војници од Грција.

Докторот Мајсторовиќ во тешки услови со уште неколку лекари ги спасувал ранетите војници. Дел од преживеаните денеска зборуваат за деновите поминати во болницата.

„Тоа беше ужас. Сите луѓе што доаѓаа, со тие коли, со тие камиони, плачејќи, викајќи во камионите од болки, сакати“, вели Стојан Трпчевски.

„Сите умрени кој кај ќе стигне, покрај реката, подоле тука некаде, им ги копале гробовите, поздравите што беа, и ги погребувале“, вели Христо Ивановски.

Дека овде постои гробница тврдат и работниците кои ја граделе канализацијата на хотелот. При копањето на канали тука наоѓале коски од луѓе.

„Илјадници. Најдовме и две женски глави. Археолозите кажуваа дека се жени, и тоа млади“, рече Младен Ничков.

Децата бегалци од граѓанската војна во Грција денеска го посетија Катланово. Со панихида им одадоа почит на своите сограгани кои починале од тешките рани во граѓанската војна во Грција. Тие се надеваат дека ќе можат повторно да отидат во своите домови.

„Борбата околу имотите е акција која трае, продолжува. Сигурно дека ќе ни треба, одреден период, меѓутоа се работи интензивно на таа проблематика. Немаме пречки од наша страна“, вели Ѓорѓи Доневски, претседател на Здружение на деца бегалци.

Во Катлановската болница биле лекувани околу седум илјади ранети Македонци и Грци. Тие овде стигнувале преку нелегални премини и низ мински полиња. 250 умреле, а околу 2,5 илјади биле оперирани од кои повеќето останале тешки инвалиди. Освен во Катланово ранетите од граѓанската војна во Грција се носеле и во болницата во Јесеново.

Овчарани-Μελίτη-Ovcarani 20/07/09 ,Расчекорено,Ραστσεκορενο

Sesteovo-Σιδηροχωρι-Шештеово-Костур-Καστορια 19/07/09

Oркестар "Македонски мерак" од Егејска Македонија