Министерство за образование

Минатата година на 92 вработени од вкупно 236 им се исплатени 14,2 млн. денари за зголемен обем на работа

Жаклина Хаџи-Зафирова

Ексминистерот за образование и наука Сулејман Рушити незаконски одобрил исплата на милионски суми за хонорари за вработени во Министерството како надоместоци за работи кои спаѓаат во описот на нивните работни задачи, покажа новиот извештај на Државниот завод за ревизија, кој ја скенираше работата на МОН за 2007 година. По најразлични основи, минатата година на 92 од вкупно 236 вработени во Министерството им се исплатени 14,2 милиони денари за зголемен обем на работа, или фантастични 230.000 евра.

Најскандалозниот пример на нерационалното трошење на средствата ревизорите го наведуваат со исплатата на 3 милиони денари кои вработени во Министерството ги добиле за подготвување план-листа за распределба на вработените во канцеларии, организациско разместување и обезбедување непречена работа, потоа изготвување согласност за вработување, работна група за организирање и имплементирање вонредни активности во вонредни услови. Како нереално преценување на трудот и крајно неконтролирано трошење средства ревизорите ги оцениле и исплатите за изработка на решенија за распоредување на вработените на работни места, за навремено и успешно извршени работни задачи и преглед на пријавите на волонтерите во Министерството.

Надоместоци во вкупен износ од 2,3 милиони денари им биле поделени на членови на комисијата која работела на сместување во студентски домови, доделување стипендии и кредити, но и надвор од неа. Вработените од Одделението за финансии добиле 2 милиона денари за дополнителни активности на посебните сметки за проекти, потоа за изготвување збирна завршна сметка, за систематизирање податоци за пресметка на плати и за исплата на плати за осум наставници во странство. А, за истите овие работи, Министерството ангажирало лице по договор на дело на кое му биле исплатени 310 илјади денари.

За подготовка на закони, правилници и планови, исплатени се 1,6 милиони денари, иако во Министерството постои Сектор за нормативно правни работи, чија надлежност се и наведените работи. Додека 5 милиони денари ексминистерот одобрил за учество во комисија за оцена на исполнетоста на условите за почеток на работа на факултети и студиски програми, потоа учество во комисија за јавни набавки и други слични активности кои спаѓаат во редовни работни обврски на вработените од овие области. Голем дел од овие исплати се извршени само со потпис од министерот, а одобрението за негово користење не и' бил даден на увид на ревизијата.

Ревизорите утврдиле дека вкупниот годишен износ на надоместоци по вработен се движи од 800 до 1.26 милиони денари по лице. Најголем дел од износите за надоместоци, односно околу 70 отсто се исплатени на вкупно 25 вработени. Посебен бисер во извештајот што го наведуваат ревизорите е случајот со раководителот на Секторот за финансиско-сметководствени услуги, кој е вработен во Министерството од мај 2007 година, а за осум месеци работа примил надоместок за зголемен обем на работа во висина од 108 просечни месечни плати, додека за истиот временски период примал, исто така, нето-плата во вкупен износ од 244 илјади денари. Вкупниот износ што го примил овој раководител како хонорар за 2007 година е 1,26 милиони денари, а по него на листата следува раководител на Секторот за поддршка на министерот, кој бил награден со сума од 961 илјада денари. На листа на вработени со најголеми хонорари се и помошник- раководителот на Секторот за нормативно-правни работи, раководителот за високо образование, раководителот за ученички и студентски стандард, кои исто така примале надоместоци и од посебните сметки со кои располага Министерството, а се работи за суми од 896 илјади денари до 1,7 милион денари.

..da ne se macime da pogoduvame...da gi navedat so ime i prezime...

da gi znaeme zasluznite gragjani vo nasheto obrazovanie... ne za drugo ..da znaeme kade odat parite koi gi nema...pa decata seushte sedat so vintijagi oti za mazut nema pari...parno nema...grealki ne se dozvoleni oti nema pari za struja... tehnicki personal za odrzuvanje higiena nema... edna cistacka cisti celo shkolo... nema honorarci oti nikoj ne im isplakja dnevnici...