ПРЕГОВОРИ ЗА ИМЕТО - 1

 

Се извинувам..квалификациите искажани овде повеќе се однесуваат на политичкото раководство во тоа време..а кое со лажни и наместени Избори се престави пред „светот„  како преставник на вољата на Македонскиот (осиромашен) Народ.

пс

Сега ...тогаш што некои спиеја..очекувајќи друг некој да ни ги реши проблемите..се покажа како непродуктивно но и решение со многу лоши и непоправливи сега-засега последици по нас...

 

Понижување е други да ни наметнуваат име

Киро Глигоров, поранешен претседател на Македонија


Кои беа досегашните грешки на македонското раководство во врска со овој проблем?

Одредени пропусти имало, но не би ги именувал како грешки. Република Македонија е мала и млада држава, со млада дипломатија. Наметнатиот спор од Грција е сам по себе асиметричен, како што се асиметрични и бројни други аспекти меѓу двете земји, ако се има предвид моќта со сите нејзини компоненти, но и значењето на оспореното прашање за едната или за другата страна. Покрај тоа, асиметрично е и влијанието кај трети земји и во меѓународните организации, особено во оние каде што се попречува зачленувањето на Македонија. Сепак, асиметријата во однос на правото и правдата оди во македонска полза.

Ве обвинуваат дека самоволно сте го смениле името на државата во ФИРОМ и дека се' уште земјава трпи последици токму поради тоа?

Не спомнувате кој ме обвинува за да можам конкретно да го адресирам мојот коментар. Но, и вака, за безлично формулираните обвинувања, можам да кажам дека се целосно неосновани и тенденциозни. Прво, факт е дека јас како претседател и одговорен политичар никогаш „самоволно“ не сум носел политички одлуки, туку секогаш во договор и координација со надлежните функционери од македонското раководство. Второ, ниту јас ниту кој било друг од македонското раководство не го сменил името на нашата земја. Тоа е и останува Република Македонија. За тоа име се изјаснија и огромното мнозинство македонски граѓани на распишаниот референдум за независност. Трето, никогаш не сум потпишал ниту прифатил акт во кој не стои уставното име на нашата земја - Република Македонија. Не само што барањето за прием во ООН е поднесено под уставното, историско и единствено име, туку и со мое писмо до генералниот секретар на ОН по приемот на земјава јасно е ставено до знаење дека за Република Македонија не е прифатливо привременото обраќање кон нашата земја во системот на ООН. И четврто, јас никогаш не сум употребувал ниту, пак, некогаш ќе употребам некакви скратеници за својата земја. Одговорноста за преземањето туѓи навредливи скратеници кај нас лежи кај други и од нив треба да се бара коментар и одговорност. Факт е дека дури и во официјалните документи на ОН нигде не се употребува никаква скратеница за нашата земја. 

 

 

 

http://www.youtube.com/watch?v=Tbx_mxVl4lk&NR=1

 Кај нас непотребно се дава лична нота на француската поддршка на грчките позиции, а никој не се обидел да ги согледа заднината и францускиот интерес за таквата поддршка.

Имено, францускиот концепт за граѓанска држава во која доминантно место зазема поединецот, односно државјанинот, а не колективитетите, претставува основа за поддршка на грчкото актуелно негирање дека постојат етнички малцинства на територијата на Грција. Тоа значи дека оспорувањето од Грција содржи и разлика во концепти за градењето и функционирањето на современата држава.

Прво, дека Грција флагрантно ја прекрши Привремената спогодба од 1995 година, се разбира под услов, во што лично не верувам, актуелното македонско раководство да одбило покана под утврдената референца со резолуциите на ОН. И второ, чинам дека е направен пропуст уште пред Самитот во Бук*решт од наша страна јасно да се стави до знаење дека грчкото противење за членство на Република Македонија во НАТО не само што би претставувало грубо кршење на Привремената спогодба туку таквиот грчки однос Република Македонија би го сметала за непријателски акт.