Фан клуб Ливерпул

Зошто Ливерпул нема да ја освои Лигата на Европа

   Зошто Ливерпул нема да ја освои Лигата на Европа
Реномето и квалитет на Ливерпул значително опаднаа во последните две сезони. Пред само четири години „црвените“ беа еден од најквалитетните тимови во Европа и играа главна улога и во Премиерлигата и во Лигата на шампионите. Овие што никогаш не чекорат сами, низ историјата покажаа дека се најсилниот англиски тим во европските натпреварувања и не за џабе дури пет пати ја освојуваа Лигата на шампионите (КЕШ). Сепак, оваа сезона не само што се далеку од најелитното европско натпреварување, туку и трофејот во Лигата на Европа изгледа недостижен.

Ваквото мислење произлегува пред сè од синоќешниот натпревар на Ливерпул против Спарта Прага во рамките на елиминациската фаза на второто по ранг европско натпреварување. На првиот натпревар во главниот град на Чешка, „црвените“ и Спарта одиграа 0-0, а синоќа на „Енфилд“, Дирк Кајт му обезбеди на Кени Далглиш минимум уште два европски натпревари. Токму играта против многу послабиот противник не дава никаква надеж дека овој тим може до трофејот во Лигата на Европа. Без Џерард во тимот Ливерпул изгледаше многу хаотично, безопасно, а неговата неизмерна радост по постигнувањето на голот кажува многу. Оваа сезона „црвените“ се радуваат на работи што во минатото беа навика, а тоа се победите.

Џо Кол и Давид Нгог на овој натпревар покажаа дека со квалитетот не заслужуваат да го носат светиот дрес на Ливерпул, а тука би ги вметнале и Кристијан Поулсен и Лукас Леива, кои комплетно разочараа. Преодна оцена вчера заслужија само Меирелеш и Кајт. Далглиш сигурно со нетрпение го очекува враќањето на Енди Керол на терените по повредата на бутниот мускул, кој ќе биде големо засилување и во никој случај не може да биде полош од Давид Нгог, кој, патем, на 14 натпревари нема постигнато гол. Трансфер-листата на Ливерпул на крајот од сезоната треба да ги содржи гореспоменатите имиња.

Ливерпул во осминафиналето за противник ја доби Брага. Португалскиот тим е поквалитетен тим од Спарта Прага, но со Керол и Џерард во тимот, Далглиш може да ја премости и оваа пречка. Според прикажаното, четвртфиналето би требало да биде крајната дестинација во ЛЕ. Со малку среќа и со расположен Џерард како во 2005 година можеби и полуфинале, но никако и титула. За такво нешто во Ливерпул би требало да се променат многу работи. Засега можностите се толку. 

Изменето од емил - 25.Февруари.2011 во 15:53

Фан клуб Ливерпул

Зошто Ливерпул нема да ја освои Лигата на Европа

Нов договор за Далглиш

Даунинг ново засилување за Ливерпул

Внеси реплика	страница <1 23
Tweet