F1 Вести

Pa ne bi rekla deka e za nisto, ama ne mi e jasno sepak zasto da ja otkazat trkata.

Лауда и Баричело имаат билет за Вирџин Галактик


Сопственикот на компанијата Вирџин, Ричард Бренсон, откри дека Ники Лауда посетува тренинг за астронаут со идеја да го вози шатлот со кој ќе се превезуваат патници во вселената, што е отелотворување на идејата која неговата фирма ја нуди како хедонистичко задоволство од највисок туристички ранг. Меѓу патниците ќе биде и Рубенс Баричело, актуелниот возач на Браун Мерцедес.

- Рубенс купи билет за вселената, а Ники тренира да биде астронаут,- откри Бренсон во Бахреин.

- Сум бил пилот долги години, летав со Боинг и со Ер-бас, па мојот единствен сон е да пилотирам со вселенски брод. Отсекогаш сум го сакал тоа, но беше невозможно, бидејќи само Американците го прават тоа. Кога го видов овој проект, бев првиот што тропна на вратата,- откри Лауда, кој по трите титули во Формула 1 ја лансираше компанијата за прекуокеански летови, Лауда Ер, што подоцна беше купена од Аустриан Ерлајнс.

- За мене е задоволство да бидам инволвиран во Вирџин Галактик, бидејќи од дете имав јасни чувства дека сакам да одам во вселената. Станав тркачки возач, што значи дека возам брзи коли, но сакам да видам како е таму горе. Кога го видов ова, прашав дали можам да бидам дел од него, па Ричард ми овозможи да бидам онаку каде што многумина сакаат да бидат,- изјави Рубенс Баричело.
Инаку, компанијата Вирџин во Бахреин настапуваше токму со логоата на нивната фирма која нуди вселенски услуги. Сопственикот Бренсон, изјави дека дале понуда Вирџин да биде и насловен спонзор на тимот, но бидејќи преговарале и други екипи, зделката се уште не е сигурна, а тие би се повлекле истиот момент кога би дошол некој друг и би понудил многу пари за тој брендинг.

ФОРМУЛА 1 - ВОЈНАТА СКУДЕРИЈА-ФИА НА НОВО НИВО

МОЗЛИ: "ФОРМУЛА 1 МОЖЕ И БЕЗ ФЕРАРИ"

Формула 1 може да преживее и без Ферари, доколку најстариот, најуспешниот и најпознатиот формула 1 тим си замине поради воведувањето на ограничување на буџетот, вели претседателот на ФИА, Макс Мозли. Во саботното интервју за Финеншл Тајмс, Мозли признава дека е вклучен во борба за моќ која планира да ја добие.
Тој јасно кажува дека нема да се откаже од тоа во 2010 да им дозволи на тимовите да се натпреваруваат со изборен ограничен буџет од 40 милиони фунти, во замена за поголема техничка слобода во однос на тимовите за неограничен буџет.
Овој потег, кој Мозли го опишува како "најголем развој во моето време во спортот", беше пречекан со оптимизам од можните нови независни тимови, но претседателот на Ферари, Лука ди Монтеѕемоло, прати писмо до Мозли во кое предупредува дека формула 1 на две нивоа ќе биде "не-фер". Монтеѕемоло дури предупреди дека постојаното учество на Ферари во Ф1 не може да биде гарантирано.
"Јас лично имам многу страст и Ферари имаат многу страст, но ова не е приказна без крај", објаснува Монтеѕемоло.
Ферари се во Ф1 од првата трка во 1950 година, и заедно со Монако ГП се "симболот" на спортот. Тие беа шампиони осум пати во последните 10 години. Но, за Мозли тоа не е проблем.
"Спортот може да преживее без Ферари. Ќе биде многу, многу тажно да ги загубиме Ферари бидејќи тоа е италијанскиот национален тим", вели Мозли.
Тој додава дека има "елементи во сегашните тимови", кои сметаат дека треба да го водат спортот место ФИА или Берни Еклстоун, кој го претставува носителот на комеријалните права ЦВЦ.
"Последно нешто што сакаат е да има нови тимови кои ќе бидат еднакви со нив. Тоа се работи во позадината. Има елементи кои го водат спортот и јас би сакал да осигурам тоа да бидам јас", вели Мозли.
Британецот додава дека влогот е преголем за да се шпекулира со "колапс на Ф1" поради желбите на најмоќниот формула 1 тим, но смета дека Лука ди Монтеѕемоло едноставно не ги знае фактите.
"Се надевам дека с$ ќе се смени. Тој ќе оди пред својот борд и ќе каже дека сака да оди во војна со ФИА бидејќи сака да троши 100 милиони фунти повеќе од ограничувањето. Тогаш бордот ќе одговори: 'зошто ти не можеш да трошиш 40 милиони фунти како другите'", оценува Мозли.
Според него пораката која ја добива од бордовите на два-три големи производители е дека тие ќе се обврзат на долгорочна иднина на спортот ако се намалат трошоците.
"Кризата с$ уште го нема погодено спортот. Очигледно ја загубивме Хонда, но вистинските проблеми ќе дојдат кога ќе завршат сегашните спонзорски договори. Во моментов тука се ИНГ, РБС, Алианц и другите големи спонзори кои ќе се повлечеа оваа година да немаа обврзувачки договори. Верувам дека Формула 1 Менаџментот (ФОМ) на Берни Еклстоун нема да може да им даде многу пари на тимовите по оваа сезона", додава Мозли.
Од Ферари, пак, сакаа да ги отфрлат шпекулациите дека се пред откажување од спортот по писмото на Монтеѕемоло.
"Ние веруваме дека спортот мора да ги задржи своите принципи и да остане на врвот за развојот и спортот да биде и техничко натпреварување", велат од Скудерија.

Целосно преуредениот Ф60 болид на Ферари дебитираше на патеката Ваирано во петокот. Новиот пакет е 15 килограми полесен од оригиналната верзија и тестираше брзина на рамнина со Марк Хене зад воланот. Со намалената тежина, Ферари ќе можат да го користат Системот за поврат на кинетичка енергија (КЕРС), и би добиле неколку десетинки по круг. Италијанскиот им веќе потврди дека новиот аеродинамички пакет ќе вклучува и ткн. "двоен дифузер".
*
Рон Денис веќе не е дел од Ф1 тимот на Мекларен, но, сепак, сака да види неговиот тим да биде конк*рентен оваа сезона по проблематичниот старт на сезоната. "Луис секогаш бил одличен возач и секогаш ќе биде, но Мекларен мора да му дадат опрема за да победува. Сите инженери, дизајнери и механичари работат на тоа. Сега ги гледам Ф1 трките од далечина, но се надевам дека тимот ќе биде далеку подобар во следните трки", вели Денис.
*
БМВ Заубер тимот признава дека стартот на 2009 не задоволува, но шефот на тимот, Марио Тајзен, вели дека со подобрувањата за Шпанското ГП ќе се намали разликата. "Шпанското ГП го одбележува стартот на европската сезона по 4 трки на страна и е старт на вториот дел од шампионатот. Болидот не е доволно брз и имаме само еден подиум на Ник Хајдфелд во Малезија, и затоа сега е потребно да се направи нешто повеќе во Барселона", вели Хајдфелд.
*
Марк Вебер вели дека е изненаден што последниот пад на Михаел Шумахер не го натерал Германецот да се откаже од трките на мотоцикли. Иако немаше сериозни повреди, седумкратниот Ф1 шампион Шумахер падна толку силно на тестирањето во февруари, што го откажа учеството на првата трка на Германскиот Супербајк Шампионат. Како и Шуми, и возачот на Ред Бул, Вебер е добар пријател со петкратниот 500сс шампион Мик Дуан. "Тие машини се неверојатни, но не би сакал да се тркам на нив. Мик ме предупреди дека додека не го погодиш вистинското, паѓаш најмалку 10 пати. Ако си млад и тоа е дел од работата го прифаќам, но кога си постар тоа не е препорачано. Михаел би требало да послуша", вели Вебер.

ФИА реши повторно да го актуелизира проблемот со одлучувањето на шампионатот. Иако предсезонското воведување на новото правило и неговото повлекување за само неколку дена се претвори во фијаско, федерацајата не се откажува од примена на истото. Воведувањето на правилото ќе значи дека победата на една трка ќе има многу поголемо значење кога е во прашање одлуката за титулата кај возачите, односно шампион би бил тој што има највеќе победи во сезоната. Иако за мнозинството инсајдери и вљубеници во споротот ова е “нонсенс”, ФИА брза да го примени правилото од 2010, откако овогодинешниот обид помина катастрофално кај натпреварувачите. Во комбинација не влегуваат и алтернативните решенија, како што се зголемување на бодовната вредност на победата или намалување на истата за второто и третото место, поради фактот што предлогот со најмногу победи е фаворит на Берни Еклстоун.

Сепак, неутрална забелешка во моментов е дека во оваа фаза од шампионатот, многу поинтересно е да се бројат победите, 3:1 за Џенсон Батон во дуелот со Себастијан Фетел, наспроти бодовната состојба во генералниот пласман, која е 31-18 во корист на Британецот. За потсетување, Рубенс Баричело е второпласиран на табелата со 19 бода, но без победа.

Уште една забелешка од страна на ФИА е дека, поради забраната за долевање гориво догодина, возачите што ќе се квалификуваат за третата сесија, ќе можат да возат празни, но да долеат гориво во Парк Ферме пред почетокот на трката, што би резултирало со поголема и потесна борба за пол-позицијата.

Во моментов нема официјален став од ФОТА или пак од било кој тимски шеф. Ставот веројатно ќе биде истакнат по седницата на 6-ти мај.

БРАУН НЕМА ДА ГИ ДОБИЕ ПАРИТЕ НА ХОНДА


Тимот на Браун нема да добие пари од комерцијалните права кои Еклстоун и ФОМ треба да ги исплати на Хонда за 2008, потврди Еклстоун. Прв за овој проблем се јави шефот на Рено, Флавио Бриаторе, кој исто така е на чело на "комерцијалниот дел" на Асоцијацијата на Ф1 тимови (ФОТА), кој изјави дека парите кои треба да ги добие Хонда треба да се поделат кај другите тимови бидејќи Браун е сосема нов тим. Според Индепендент се работи за сума од околу 20 милиони фунти.
На новите Ф1 тимови не им се достапни парите од комерцијалните права веднаш, но пред да се договори откупот на тимот од Рос Браун, се известуваше дека сегашните тимови се согласуваат новите сопственици на Хонда да ги добијат парите. Но, ФИА оцени дека Браун не е само преименуван тим, туку целосно нов натпреварувач.
"Парите на Хонда нема да бидат платени на Браун, а можеби нема да бидат платени воопшто. Ние можеме да си ги задржиме ако другите не се согласат", вели Еклстоун и додава дека тој бил против менувањето на името на тимот во Браун ГП бидејќи "тоа не е добро име и не значи ништо на публиката".

Батон знае дека сега почнува "вистинската битка"


Џенсон Батон признава дека стартот на европската сезона носи поголем предзивик отколку првите четири трки од сезоната надвор од Европа. Англичанецот моментално води во генерален пласман со 12 поени разлика откако победи на три трки, а на четвртата беше трет, но сега знае дека Браун ГП ќе мора да направи нешто посебно да остане во битката и во Шпанија овој викенд. Браун ГП тимот се враќа на добро место за нив откако доминираа на тестирањето пред стартот на сезоната во Барселона.
"Иако тимот комплетираше само четири дена тестирање во март оваа година, знаеме с$ за патеката и се чувствуваме удобно пред стартот на европската сезона. За тука ти треба болид со добра надолна сила и имаме среќа што имаме таков болид. Ова може да биде тешка патека за претекнување, така што мораме да бидеме добри на квалификациите и на првиот круг. Минатата недела бевме на мала прослава во фабриката и видов колку сите напорно работат на развојот на болидот. Знам дека во Барселона ќе н$ очекува вистинска битка", вели Батон.
Со 31 поен од можни 35, првите четири трки од сезоната беа речиси совршени за Батон, додека неговиот колега Рубенс Баричело е втор во генерален пласман, а тимот на Браун ГП води со 22.5 поени во пласман на конструктори. Но, Рос Браун не се опушта.
"Тимот направи неверојатен подвиг со тоа што воопшто имавме болиди на првата трка во Мелбурн, а успехот кој го остваривме е вистинска награда за сите. Кратката пауза ни дозволи да работиме напорно бидејќи знаеме дека конк*ренцијата сега е посилна од таа трка во Австралија", вели Браун.