1. Забавен парк Allou!

Ако сте љубител на забавни паркови, брзи страшни возења на тобогани и гужва, упатете се во овој забавен парк сместен во областа Renti. Можете да се обидете да освоите играчка од плиш, да ја испитате својата храброст на тобоганите, или едноставно да одморите и да уживате со хот-дог или сладолед ...

2. Планетариум

Можете да го посетите планетариумот “Old Faliro“ којшто се смета за еден од најдобро опремените – што секако ќе ви овозможи да уживате во глетките на небесните тела што сте се прашувале како изгледаат!

3. Зоолошка градина Attica (Attiko Zoologiko Parko)

Зоолошката е сместена на многу згодна локација, во близина на аеродромот, така што ќе можете лесно да ја најдете. Ако патувате со деца и се прашувате што да правите во Атина – дефинитивно морате да ги однесете во зоолошката градина! Овде има многу пријателски настроени животни, а она што никако не смеете да го пропуштите се секако – делфините!

4. Copa Copana

Ако ја посетувате Атина летно време никако не пропуштајте го забавниот воден парк Copa Copana. Е сега, ако ја посетувате Атина зиме, посетете ја пак – ова место зимно време се претворува во лизгалиште каде што можете одлично да се забавувате. Copacopana се наоѓа во областа нарешена Haidari, во западниот дел на Атина, на патот за Коринт.

5. Village Cinema

Овој синџир на кино сали го има на повеќе локации во Атина и нуди забава со сите најнови 3Д филмови. Ако не ви се гледа филм, можете да играте билјард, да каснете нешто од богатата понуда на разни ресторани за брза храна, или да си купите некој сувенир!

6. Казино Parnitha

Ако сте љубители на ваков вид на забава, паркирајте ја колата пред казиното, влесете внатре и уживајте ... Ви посакуваме среќа! Во секој случај можете и да прошетате наоколу и да уживате во природата и чистиот воздух бидејќи казиното е сместено на врвот на рид, или планина ...

7. Посетете ги историските знаменитости

Никако не смеете да ја посетите Атина, а да не го видите Акропол, Музејот на Акропол, остатоците од храмот на Зевс, и сите останати добро познати историски локации во Атина. Дури и да не сте љубители на овој вид на „шетање“, никако не се откажувајте од идејата, бидејќи Атина има многу историски знаменитости, така што можеби нешто и навистина ќе ви се допадне!

8. Диско

Атина има многу богат ноќен живот, така што љубителите на забава, излегување, танцување и сл. имаат одлична понуда од која можат да избираат според свој вкус. Посебно се препорачуваат летните клубови коишто се наредени по целата област од Faliro до Varkiza, а од зимните клубови посетителите посебно го издвојуваат Dekko.

9. Шопинг

Сите туристи кои ја посетуваат Атина завршуваат пазарувајќи на улицата Ermou, која секако е убава улица, со многу продавници, но прилично скапи. Може да се најде нешто на попуст во познатите продавници како Stradivarius, Mango, Zara и H&M, но ако сакате нешто поразлично, како на пример Miss Sixty, Diesel, Replay, Guess или дури и дизајнерски брендови како D&G, Cavalli и т.н., не очекувајте добра понуда овде. Посетете го шопинг центарот Arthur Glen Shopping Village (веднаш до зоолошката градина Attica Zoo) каде што има попусти во текот на целата година.

10. Храна

Атина има одлична храна, и овде не се мисли на интернационални јадења, туку на домашната грчка храна, која туристите многу ја сакаат. Има многу убави мали таверни во Plaka и Gazi кои вреди да се посетат навечер, посебно оние кои имаат жива музика. Љубителите на риба можат да вкусат одлична риба, за ручек или вечера, во Piraiki (на Пиреја).