F1 Вести

Алонсо и Хамилтон против системот, се јави и Шуми!

Новите правила за одредување на титулата во формула 1, одобрени од ФИА оваа недела не се пречекани најдобро меѓу формула 1 возачите. Актуелниот шампион Луис Хамилтон за германскиот Билд изјавува кратко "не ми се допаѓа", додека со него се согласи и неговиот поранешен клупски колега, двократниот шампион Фернандо Алонсо, кој сега вози за Рено.

Прво се појави идејата на Берни Еклстоун наместо поени да се доделуваат медали за првите три места на секоја трка, а ФИА наместо да го послуша советот од Асоцијацијата на Ф1 тимови (ФОТА), за 12-8-6 систем на бодување, го остави стариот 10-8-6 систем, но титулата сигурно оди кај возачот кој ќе има најмногу победи.

"Не ја сфаќам потребата постојано да се менуваат правилата на нашиот спорт. Мислам дека ваквите одлуки само ќе ги збунат фановите. Формула 1 се развива во последните 50 години поради тимовите, спонзорите, возачите, но пред се поради фановите низ целиот свет - и ФИА не ги слуша нив. Загрижен сум не само поради одлуките кои ќе влијаат на новата сезона, туку и за тие правила кои ќе го сменат спортот следните неколку години", вели Алонсо.

И ШУМАХЕР ШОКИРАН ОД ФИА

Се јави и седумкратниот светски шампион, Михаел Шумахер, кој новите правила на ФИА ги нарече "неверојатни". Шуми се повлече од Ф1 по крајот на сезоната 2006 со неверојатни 91 ГП победи и седум светски титули.

"Не можам да замислам како овие промени ќе и помогнат на формула 1, посебно со новиот систем по кој треба да се пронајде шампионот. Каква смисла има на крајот да има шампион со помалку поени од второпласираниот,  и покрај тоа што сметам дека победите треба да важат повеќе. Формула 1 мора да остане врвот на мотоспортот, да се покаже натпреварувачкиот дух и највисоката технологија. Патот на кој сме тргнале не е добар", вели Шумахер.

Останува стариот ситем на бодување, сепак

Jasno kako i sekoja godina.







"Не сум арогантен"

Луис Хамилтон вели дека е подготвен да почне ново поглавје во неговата кариера, откако лани драматично ја освои титулата. Откако круната му избега за еден поен во дебитантската сезона, возачот на Мекларен се врати да ја освои титулата со само еден поен предност пред Фелипе Маса во Ферари, откако на последната трка, во последниот круг, на последната кривина успеа да стигне до потребното петто место. 24-годишниот Британец признава дека сега е далеку поопуштен, но дека мисли на 2009.

"Се чувствувам како огромна тежина да ми е крената од моите рамења, а сега сакам да освојам нови титули, да бидам попостојан иако во 2007 имав 9 подиуми во првите 9 трки, што беше навистина посебно. Задоволен сум од тоа што го направив, но сега почнуваме нешто ново. Веќе сум подобар од лани, физички, ментално и во смисла на баланс во мојот живот", вели Хамилтон.

Англичанецот признава дека може да биде потешко да се освои овогодишната титула откако неговиот МП4/24 болид беше меѓу побавните за време на тестирањето.

"Сфаќам дека минатата година имав голема шанса, со одличен болид и одличен тим зад себе. Знам дека тоа не може да го имаш секоја сезона. Некои освојуваат една, некои две или три титули. Не знам колку јас ќе освојам, но самодовербата не ми недостасува. Возењето на болидите ќе биде потешко оваа година со новото крило и КЕРС контролите, но притисокот од страна ќе биде помал", додава Хамилтон.

ЈАС НЕ СУМ АРОГАНТЕН

Хамилтон често е обвинуван дека е арогантен од своите колеги во формула 1. Дури и ривалот за титулата од лани, Фелипе Маса изјави дека сите возачи навивале за него во Интерлагос бидејќи тој ги "почитува сите". Британецот иако признава дека "сите правиме грешки", инсистира дека не е арогантен.

"Не сакам никогаш повеќе да слушнам такво нешто. Мислам дека новинарите знаат дека не сум арогантен. Знам каде сум и што можам да направам. Но, јас ќе ги преземам критиките и ќе сфатам зошто се вели тоа. Сите правиме грешки и можеби имало моменти кога сум звучел арогантен. Морам да го прифатам тоа. Морам да го корегирам", вели Хамилтон.

Неговите критичари се исто толку гласни како неговите фанови, но Хамилтон вели дека е задоволен.

"Не добивам стрес од кого било. Работите се добри, спознорите се задоволни, шефовите се задоволни. Ја сакам оваа работа и многу е кул", вели Хамилтон.

ayritonsenna напиша: samo da ne e Milenko komentator:))

Триумф на Батон на трката за ГН на Австралија

Џејсон Батон возачот на Браун ГП е победник на првата трка во новата сезона во формула 1 што се возеше на патеката во Мелбурн парк. Батон од самиот старт водеше и стигна до првото место на подиумот.

Одличниот викенд за дебитантскиот тим на Браун ГП го надоплни Рубенс Баричело со втората позиција. До оваа позиција дојде откако Роберт Кубица и Себастијан Фетел имаа судар на три круга до крајот.

Трет на подиумот се искачи Јарно Трули од Тојота. Светскиот шампион Луис Хамилтон стигна до четвртото место, а разочараа возачите на Ферари Филипе Маса остана без пласман, а Кими Раиконен заостана три круга.

Следната трка се вози на 5 април во Сепанг за ГН на Малезија.

"Нема да се предадам до крај!"

Светскиот шампион Луис Хамилтон вели дека неговиот скок од 18. место на стартот во Мелбурн до пласман на подиумот го научил значајна лекција - никогаш да не се предава. Британецот заврши четврти со својот Мекларен во трка во која Браун ГП тимот доминираше, но потоа го доби третото место откако Италијанецот Јарно Трули во Тојота беше дисквалификуван поради претекнување под сигурносно возило.

"Јас сум борец и не сум се предал предвреме во ниту еден дел од мојата кариера - надвор и на патеките. Минатиот викенд беше исто. Одев до максимум во секој круг, секогаш ја гледав разликата и работев со тимот преку радиото обидувајќи се да најдеме начин да бидеме побрзи. Ова беше фантастичен резултат за мене, но и одлично завршена работа од страна на тимот - стратегијата беше совршена, информациите од боксот секогаш точни и се одеше како што треба", вели Хамилтон.

Прашан што научил од Австралиското ГП, Британецот вели дека лекцијата е јасна - никогаш да не се откаже.

"Научив, никогаш, никогаш, никогаш да не се предаваш. Во Бразил минатата година покажавме дека ќе се бориме до крај и повторно го покажавме тоа во Мелбурн. Јас никогаш не се предавам кога сум во боксот и сакам да бидам што е можно понапред. Во Мелбурн дознавме кои тимови завршија најдобра работа во текот на зимата. Морам да признаам дека ги почитувам Рос Браун и сите членови на неговиот тим", вели Хамилтон.

Како и сите коментатори, и Хамилтон признава дека болидот на Мекларен беше бавен во Австралија, но останува оптимист дека Мекларен лесно можат да се вратат во игра.

"Не сме заборавиле како да победуваме. Ние сме првокласен тим и иако се уште не сме ми најдобрите, се што имаме во Мекларен технолошкиот центар ни овозможува да се надеваме многу бргу на вистински кам-бек. Сите од тие кои ја прават стратегијата, до механичарите знаат што е потребно да се победи на една трка и во шампионатот", вели Хамилтон.

ВИТМАРШ: "ВАКА СЕ ГРАДИ КАРАКТЕРОТ"

Новиот шеф на Мекларен, Мартин Витмарш, пак, го исфали Хамилтон велејќи дека во Австралија покажал зошто е светски шампион. Дури и Трули да биде вратен на третото место, нема сомнеж дека Британецот беше во форма на Алберт Парк.

"Навистина е тешко кога доаѓаш на трка како светски шампион и си во ситуација да не си доволно конк*рентен. Имавме проблеми со откажувањето на менувачот и затоа Луис стартуваше од последното место, но имаше одличен старт, што е неверојатно бидејќи тој не е навикнат да стартува од дното. Исто така не верувам дека е навикнат на таблите на кои пишува 15. или 14. место. За да успее во тоа што го направи е потребна огромна дисциплина. Очекувавме дека можеме да одиме напред ако има излегување на сигурносното возило или инциденти", вели Витмарш.

Витмарш, кој го замени Рон Денис на позицијата шеф на Мекларен од 1 март, вели дека во тимот не е се така црно.

"Од позиција во која бевме пред неколку недели во Барселона ќе бевме пресреќни ако освоевме и еден поен овој викенд, така што третото место е навистина добро. Тимот се фокусираше и направи прогрес, но не доволно за победа. Но, ова е градење карактер за Луис и шанса да покаже што умее", вели Витмарш.

Поради обилните врнежи прекината трката во Малезија, Батон победник

Поради лошите временски услови и обилните врнежи трката за Големата награда на Малезија е прекината 24 круга пред крајот. Џенсон Батон кој беше водечки е прогласен за победник, но ќе добие само пола бодови.

Условите на стазата во Сепанг не дозволија трката за Големата награда на Малезија да заврши. 24 круга пред крајот на трката, истата е прекината поради обилните дождови, кои до толку ја намалија видливоста да беше неможно да се продолжи со натпреварувањето.

Во моментите на прекинот во водство беше Џенсон Батон од Браун ГП, пред Ник Хајдфил од БМВ Заубер и Тимо Глок од Тојота. Таков е и конечниот пласман.

Бидејќи не е извозено 75 отсто од трката, на возачите ќе им бидат доделени половина од предвидените бодови. Така Батон наместо 10 ќе добие пет бода, Хајдфил наместо осум четири бода, а Глок наместо шест - три. Денеска бодови уште освоија и Јарно Трули (Тојота) - 2,5 бода, Рубенс Барикело (Браун ГП) - 2 бода, Марк Вебер (Ред Бул) - 1,5 бод, Луис Хамилтон (Мекларен) - 1 бод и Нико Розберг (Вилијамс) - 0,5 бода.

До моментите на прекинот, трката беше многу интересна од причина што дождот ги натера возачите повеќе пати да влезат во бокс, така до израз дојде подобрата снаодливост на екипата. Интересно е дека Ферари повторно остана без бодови, додека Мекалрен освои само еден бод.

За Батон ова е втора победа сезонава, славеше и на отворањето на трката за Големата награда на Австралија во Мелбурн.

Така, по две трки од новата сезона во Формула 1 шампионатот во генералниот пласман лидер е Џенсон Батон (Браун ГП) со 15 бодови, втор е неговиот клупски колега Рубенс Баричело со 10 бода, а трет Јарно Трули (Тојота) со 8,5 бода. Тимо Глок (Тојота) е четврти со 8 бода, досега по 4 бода освоија Ник Хајдфилд (БМВ Заубер) и Фернандо Алонсо (Рено). Актуелниот шампион Луис Хамитон (Мекларен Мерцедес) со 1 освоен бод е на 10-та позиција во генералниот пласман, додека пилотите на Ферари (Раиконен и Маса) сеуште немаат освоено бодови.

Следната трка од Ф1 шампионатот на програмата е на 19 април, а ќе се вози за Големата награда на Кина.