Што сакаат девојките...

Колку и да ја сакате својата партнерка и понекогаш ви е тешко да и погледнете на вистината во очи, мора да знаете дека сите жени од време на време лажат. Тоа не се злобни лаги, туку понекогаш тие сакаат да се заштитат себеси или можеби вас.

Сите жени во одредени ситуации лажат, а ни вашето ангелче не е исклучок. Мотивите за лага се различни, исто како и самите лаги. Меѓутоа, постојат 5 најчести лаги кон кои се наклонети сите жени.

1. Не сум лута на тебе

Но таа е и тоа како лута. Немојте да мислите дека туку-така ќе се извлечете. Тоа е една од најчестите женски лаги во врските. Станува збор за фраза која на жените им пружа емотивна заштита откако (не)намерно сте ја повредиле. На пример, доколку го заборавите нејзиниот роденден, нејзе тоа ќе ја повреди.

Иако вие тоа не го доживувате како голема работа, нејзе и е многу важно и нема толку лесно да премине преку тоа. Ќе се прави дека се е во ред, но доколку внимателно анализирате, ситниците ќе ја издадат. Таа лаже за да не помислите дека е премногу чувствителна или злобна. Сепак, кога најмалку ќе се надевате, ќе ве нападне затоа што лутината ќе тлее во неа.

2. Не ми пречи ако одиш во стриптиз-бар со момците

Ја добивте нејзината дозвола за вистинско машко излегување кое вклучува и посета на стриптиз-бар па сега на сите им се фалите дека имате супер девојка. Хмм, размислете уште еднаш... Ако нешто звучи премногу добро за да биде вистинито, тогаш веројатно и не е вистинито. На ниту една жена не и е убаво кога нејзиното момче оди да гледа други голи жени.

Оваа лага е слична на претходната. Со неа жените сакаат да создадат слика дека не им е битно и дека не се љубоморни. Вистината е сосема спротивна-жените се исклучително борбено настроени кога се во прашање нивните момчиња, а посебно кога станува збор за многу сексуални ситуации. Освен тоа, жените сакаат да се во центарот на вниманието и тоа што сте ги одбрале пријателите наместо нејзе, не ја весели ни малку.

3. Во моментов не сум подготвена за врска

Оваа изјава во најголемиот број случаи е лажна. Можеби е кажана со најдобра намера, но сепак е лага. Со неа вообичаено одат и извинувања како: “Само што излегов од една лоша врска” или “Моменално сум сконцентрирана на кариерата”.

Меѓутоа, вистината е многу едноставна-ако слободната жена е барем малку заинтересирана за вас, ќе најде време за да се види со вас. Оваа честа лага проследена со многу извинувања служи за таа да се извлече од непријатна ситуација. Не сака да ве повреди па затоа ви кажува одоколу. Во позадината на оваа лага, всушност се крие-не сум зантересирана.

4. Не ми пречи што јас вечерва ќе ја платам сметката

Не е вистина. Иако таа лага не може да се примени на сите жени, голем дел од нив сеуште очекува дека мажот ќе ја плати сметката по заедничката вечера, посебно доколку тој го иницирал излегувањето. Доколку и дозволите да плати, таа веднаш ќе помисли дека сте неучтив.

Доколку сте ја повикале жената на состанок, би требало барем да се понудите да ја платите сметката. Доколку таа гласно протестира, оставете ја да плати.

Но, доколку нејзиниот протест е благ и го прави тоа од чиста култура, секако дека вие треба да ја платите сметката затоа што во спротивно излегувањето брзо ќе се заврши, а истото се однесува и на врската.

5. Ова беше неверојатно!

Оваа лага спаѓа во сексуалната категорија. Кога жената е во врска со маж, целосно е сконцентрирана на него и честопати е убедена дека тој е вистинскиот. Токму поради тоа, жените често им го кажуваат на мажите она што мислат дека тие сакаат да го слушнат.

На пример, не е реткост жената да одглуми оргазам за нејзиниот маж да биде задоволен со себе бидејќи е добар во кревет. Постојат уште неколку чести сексуални лаги: “Сексот со тебе е најдобриот во мојот живот” или “Ти го имаш најголемиот пенис кој досега сум го видела”. Ова се добронамерни лаги кои служат за подигнување на вашето себепочитување, но на крајот тие се сепак лаги.