Лесен десерт: Секс во тавче

Вкусен десерт кој иако има неколку слоја фил се приготвува многу лесно. Благодарение на кората и крем сирењето многу наликува на cheese cake и едноставно се топи во вашата уста. Се нарекува „Секс во тавче“ поради богатиот кремаст вкус на кој не може да останете рамнодушни.

Потребни состојки за кората:

200 грама сецкани ореви

3 големи лажици шеќер

100 грама стопен путер

200 грама брашно

Потребни состојки за филот со крем сирење:

400 грама крем сирење

200 грама шеќер во прав

200 грама изматена хопла

Темен фил:

1 пудинг од чоколадо приготвен по упатството

Светол фил:

1 пудинг од ванила приготвен по упатството

Најгорен слој:

300 мл изматена хопла

Рендано чоколадо

Начин на пригодување:

Најпрвин загрејте ја рерната на температура од 180 степени. Изберете правоаголен сад за печење со димензии 30 на 15 см. Премачкајте го садот со путер или пак едноставно обложете го со хартија за печење.

Убаво измешајте ги сите состојки кои ви се потребни за кората, а потоа содржината која што сте ја добиле рамномерно натапкајте ја во садот. Печете од 15 до 20 минути во зависност од тоа како ви пече рерната. Откако сте ја испекле кората оставете ја малку да се олади и во меѓувреме започнете со подготовка на филовите.

Во пластичен сад измешајте ги крем сирењето, шеќерот во прав и изматената хопла. Вклучете го миксерот и матете додека не добиете лесна и пенеста смеса. На страна пригответе ги двата пудинга по упатството.

Откако сте ја оладиле кората врз неа нанесете го рамномерно филмот од крем сирење. Врз него ставете го пудингот од чоколадо, па потоа пудингот од ванила. За најгорниот слој изматете ја хоплата и украсете со ренданото чоколадо.

Совет плус: редете ги филовите во подлабок сад и служете го десертот ладен 

Вкусна и домашна чоколадна алва

Постојано дома се туфкаме и размислуваме што да си направиме нешто вкусно и благо, но сепак да биде брзо и лесно. Ние ви нудиме интересен и брз рецепт за домашна чоколадна алва, која секогаш може да ја задоволи вашата желба за благо.

Потребни состојки:

1 шолја (за кафе) вода

2 шолји масло

6 шолји брашно

6 шолји шеќер

1 шолја чоколадо во прав или какао

По желба можете да додадете лешници, ореви и бадеми

Подготовка:

Во подлабок сад ставете го маслото, водата и шеќерот и потоа оставете ги да се варат. Брашното измешајте го со чоколадото во прав, или какаото. Кога шеќерот ќе се стопи и смесата ќе зоврие, додадете го брашното со какаото и полека мешајте.

Мешајте неколку минути додека смесата не се изедначи. Додадете ги лешниците или пак останатото јаткасто овошје и тргнете ја смесата од оган.

Кога малку ќе се излади, алвата исечете ја на коцки. Декорирањето го оставаме на вашата фантазија.

Пријатен апетит.

Рецепт: Тарт со Нутела и лешници

Доколку сте љубители на Нутела (а таквите ги има многу), овој колач ќе ги надмине дури и вашите големи очекувања. Комбинацијата на чоколадо, лешници и нутела навистина е тешко да се погреши, па затоа овој колач ќе стане вашиот омилен десерт. Рецептот е едноставен и се приготвува лесно. Да почнеме.

Потребни состојки

Тесто:

- 140 гр. путер на собна температура;
- 75 гр. шеќер во прав;
- 1 кесичка ванилин шеќер;
- 50 гр. бланширани и мелени бадеми;
- малку сол;
- 1 јајце;
- 245 гр. брашно.

Фил:

- 200 гр. Нутела;
- 140 гр. чоколадо;
- 200 гр. путер;
- 1 јајце;
- 2 жолчки;
- 2 лажици шеќер во прав;
- 140 гр. лешници, исецкани на парчиња.

Подготовка

Со миксер матете го путерот и полека додадете му го најпрво шеќерот, потоа бадемите, солта, шеќерот во прав и јајцето. Матете со миксерот со умерена брзина и полека додадете го и брашното. Изматете уште малку, обликувајте ја смесата во форма на топка и ставете ја во фрижидер да отстои најмалку два часа.

Обложете го калапот со хартија за печење и во него распоредете го тестото. Избоцкајте го со виљушка и печете го 25 минути на 180 степени.

Извадете го тестото од рерна и оставете го да се олади. Откога ќе стане млако, премачкајте го со Нутела.

Посебно растопете го путерот, а посебно чоколадото, на пареа. Во стопеното, но не врело чоколадо, измешајте го со лажица најпрво целото јајце, а потоа една по една жолчка. Додадете го шеќерот и на крај растопениот путер. Смесата полијте ја врз тестото премачкано со Нутела и одозгора попрскајте ги сецканите лешници.

Печете ја тортата на 190 степени, околу 12 минути. Готовата торта чувајте ја на собна температура. Уживајте!

Рецепт за наједноставен колач кој секогаш успева

Доколку сте во потрага за наједноставен рецепт кој гарантира успешна изведба ви претставуваме еден нешто интересно кое е идеално за почетници, но и за оние кои дома сакаат да имаат нешто благо.

Потребни состојки:

8 јајца

10 лажички шеќер

1 ванилин шеќер

5-6 лажици вода

1 лажица масло

10 лажици брашно

1 прашок за пециво

Подготовка:

1. Одвојте ги белките и изматете ги додека не добиете компактна смеса која личи на шлаг. Потоа изматете ги жолчките и ванилиниот шеќер додека не добиете пенеста смеса.

2. Потоа мешајќи ја смесата додадете лажица по лажица вода, потоа постепено постепено во жолчките додадете ги белките кои ги изматевте претходно. На крај додадете го брашното и прашокот за пециво постепено со лажица со непрестано мешање додека смесата не се соедини.

3. Тестото излијте го во кружен калап за торта обложен со мрсна хартија за печење и печете во загреана рерна на 180 степени додека не добиете златно кафена боја.

4. Оставете тестото да се излади и декорирајте со овошје, шлаг, чоколадо...

Совети: Тестото за торта се најважнен сегмент на секоја рецепт, бидејќи од неа зависи обликот и големината на тортата. "За успешно тесто“ тајната лежи во температурата на печката, која мора да е загреана до максимум пред печење, а потоа да се прилагоди на саканата температура.

Пријатен апетит!

Вкусно летно задоволство: Пита од вишни

Сезоната на вишни полека изминува и веќе ретко можат да се најдат на зелените пазари. Сепак, многумина од нас имаат замрзнато некое кило во домашниот фрижидер, или пак купуваат замрзнати вишни во некој од маркетите во градот. Поради тоа овој викенд решивме да ви понудиме интересен рецепт кој секако ќе ве озвежи, но и заблажи во овие летни денови.

Потребни состојки:

250 гр. маргарин, 5 лажици шеќер, 1 лажица рум, 2 лажици млеко, 250 гр. брашно, рендана кора од лимон, 400 гр. исчистени вишни, 150 гр. шеќер, ½ кесичка цимет.

Подготовка:

Изматете го маргаринот со шеќер во прав, додадете рум и млеко, измешајте со брашно и рачно измесете. Тестото се дели на два дела и според тавата се растегнува (округла тава со пречник од 25 см). Намрсената тава се посипува со брашно и се става половина од тестото. Над него се ставаат вишните, се наросуваат со брашно, потоа со шеќер (150 гр.) и со цимет. Потоа се става вториот дел од тестото и со прсти се притискаат ивиците за да се спојат двете теста. Се пече триесеттина минути во добро загреана рерна. Питата се служи топла, а ако ја служите ладна, над неа ставете шлаг, подготвен според упатството на кесичката.

Пријатен апетит!

Состојки

• за кокос фил..
• 400гр. кокосово млеко(дома приготвено-види долу)
• 600гр. кравјо млеко
• 180гр. шеќер
• 7-8 лажици гриз
• 200гр. кокос
• 50гр. бело чоколадо
• 1 кесичка ванила шеќер
• за тесто..
• 3 јајца
• 150гр. шеќер
• 300гр. млеко
• 150гр. масло
• 250гр. брашно
• 1 лајче чоколадо во прав, цимет пола лајче
• 1 кесичка печиво
• глазура
• 100гр. чоколадо
• 1 лајца маргарин
• 6-7 лајци млеко
• 2 лајци шеќер
• 1 лајца какао

Подготовка

За кокос млекото најпрво во домашна верзија
500гр.вода + 100гр кокос водата и кокосот се варат 7-8 минути, се лади смесата, се префрлува во блендер, осема фина конзистенција да има, се блендира,  после се префрла во шерпа,  па низ газа се цеди убаво. Добиваме 400-450 гр.миризливо кокосово млеко, кое го користиме понатаму.

За подготовката на филот.
Добиеното кокосово млеко се става во подлабок сад, се дотура уште 600гр. млеко, се ставаат шеќерот и гризот, да се свари крем. Кога се тргне настрана се додава кокосот и чоколадото, нека се топи мешајќи.

За тестото
Се бијат белките со шеќер, кога ќе се добие густа бела смеса, се додаваат жолчките и сите продукти еден по еден. Добиваме темна смеса, која половина се истура во подмачкана 40 бр.правоаголна тава, ставаме да се печи на 180. Малку нека потпечи (јас некои 13 мин.го оставам) се вади од рерна и над него се става филот цел, па се тура најгоре втората половина од предвидената смеса за тесто. Се враќа во рерна да се допечи околу 20-тина мин.-зависно од рерната секако.

Се приготвува глазурата така што се топат шеќерот и млекото се додава какаото, да се промеша добро, без грутчиња, се додава на коцки чоколадото, но да не проврие туку се топи на тивко. На крај се додава маргаринот. Топла глазура се полева над кексот. Ладен се сечи по избор.