F1 Вести

Liderot vo generalen plasman i osvojuvac na pet F1
trki, Jenson Button ke ucestvuva na triatlonot vo London
ovaa godina za dobrotvorni celi. Anglicanecot od timot
na Braun ke pliva, trca i ke vozi velosiped za "Make a
Wish", fondacijata koja pomaga na deca so teski bolesti.
"Imav zadovolstvo da sretnam mnogu vakvi deca i bi sakal
da im pomognam. Vo poslednite nekolku godini ucestvuvam
na triatlon trki, taka sto nema da bide problem. Duri
uspeav dvajcata moi inzineri Sov i Bono da gi nateram
da bidat so mene", veli Button

Изменето од Iron Man - 17.Мај.2009 во 04:37

FOTA и FIA не се договорија – тимовите си одат!?




На вчерашниот состанок на организацијата на тимовите и Светската Автомобилистичка организација, не беше постигнат договор околу ограничениот буџет, кој FIA го наметнува за наредната сезона и кој во големо ги фаворизира помалите тимови.

Најгласен на состанокот беше Ферари, кој потоа на прес конференција изјави дека тие сега ќе ја тужат FIA во Франција за да спречат создавање на првенство во кое едни тимови ќе се фаворизираат повеќе, а едни помалку. Скоро сите тимови потсетија и дека доколку остане вака, тие нема да останат во првенството.

Изјава после состанокот имаше и контроверзниот Макс Мозли, кој во врска со откажувањето на тимовите рече: “Ќе бидам изненаден ако навистина го направат тоа, но кога ќе почнат да поставуваат барања, навистина е тешко да се преговара со нив”. Тој потврди и дека Ферари ќе ја турка работата на суд, а кажа и дека ќе ги сослушаат тимовите.
Сепак, претходно, неименувани извори од FIA изјавија дека организацијата нема намера да попушти во врска со донесувањето на новиот закон, што ги става во пат позиција – или ќе ги напуштат овие тимови или тие што требаше да влезат нема да дојдат.

Нико Розберг вели дека останува "отворен" за неговата иднина во формула 1, откако Германецот призна дека размислува за опциите за 2010. Возачот на Вилијамс пред стартот на сезоната најави дека ако неговиот тим нема добра форма оваа сезона ќе размисли дали да ја побара среќата на друго место. "Ја разгледувам мојата ситуација и се обидувам да видам кои се моите опции за следната година. Факт е дека се чувствувам добро во овој тим, тие ме поддржуваат и растеме заедно и би сакал да имам добро долгорочно решение", вели Розберг.

Шуми имал тежок судар во февруари, но се враќа на мотициклите






Швајцарскиот весник Блик објавува дека Михаел Шумахер бил посериозноп повреден при падот во февруари на тестирањето за германската Супербајк серија на Картахена патеката. Шумахер тогаш тврдеше дека бил во болница само како мерка на претпазливост, но Блик инсистира дека седумкратниот Ф1 шампион имал сериозен потрес на мозокот и две скршени ребра. 40-годишниот Германец беше на трката во Шпанија минатиот викенд и некои приметија дека тој не може целосно да ја сврти главата, што значи дека имал повреда и на рбетот. И покрај ова менаџерот на Шуми, Вили Вебер вели дека тој се враќа на две тркала.

"Михаел ќе почне со тестирањето набргу. Планира да ја стартува сезоната во германскиот Супербајк на 29 мај во Нирбургринг", вели Вебер.

Шефот на неговиот тим, Јенс Холцауер ги отфрли шпекулациите дека Шумахер се враќа предвреме.

"Тој возеше 20 години во формула 1. Ако кажува дека се е во ред, тогаш се е во ред", вели шефот на Холцауер Рејсинг.

По Ферари и Рено се заканува со повлекување!

Рено се последниот тим кој се закани дека ќе си замине од формула 1 доколку предлозите за воведување на доброволен ограничен буџет од 40 милиони фунти за 2010 останат. Во вторникот, Ферари и официјално најави повлекување од формула 1, како што претходно тоа го направија Тојота и Ред Бул.

"Ако одлуките кои се донесени од ФИА не се ревидираат, немаме избор освен да се повлечеме од Ф1 шампионатот на крајот на 2009", вели Флавио Бриаторе, шефот на Рено.

ФИА со предлогот за ограничен буџет сака да ги привлече новите тимови во спортот, а според планот тие кои ќе го прифатат ограничувањето од 40 милиони фунти ќе добијат далеку поголема техничка слобода во споредба со тие со неограничени буџети. Големите тимови сметаат дека така ефективно ќе се направи формула 1 на два дела. Според шпекулациите само воведувањето на флексибилни крила, кои сега се нелегални, би им донеле на тие со ограничен буџет болид побрз за 2 секунди по круг.

"Рено секогаш сметале дека формула 1 е врвот на мотоспортот и совршено место да се покаже техничката надмоќ. Остануваме посветени кон спортот, но не можеме да бидеме вклучени во шампионат кој работи со поинакви правила и затоа ќе мораме да се повлечеме на крајот на сезоната", вели претседателот на Рено Ф1 тимот, Бернар Реј во известувањето.

Ф1 СВЕТОТ НЕ Е УБЕДЕН ВО ИСКРЕНОСТА НА ФЕРАРИ

ФИА, Берни Еклстоун, експертите, новинарите и фановите не се убедени дека Ферари (и Рено) се сериозни во заканите за повлекувањето од формула 1.

"Јас не сум тој што треба да зборува за совршени бракови, но бракот Ферари-формула 1 е совршен. Толку е едноставно и тоа нема да се смени. Се надевам дека Ферари нема да решат да си одат и дека сите ќе останат смирени и ќе се најде решение", вели Еклстоун.

Техничкиот директор на ФИА, Тони Парнел вели дека ова е нова закана за "Армагедон".

"Секако дека сум оптимист. Кога и да се правеше некаква промена во формула 1, тимовите врескаа армагедон - дали се работеше за замрзнувањето на развојот на моторите, В10 на В8 мотори и така натаму... Секогаш се зборуваше дека Ф1 ќе се распадне. Затоа ние во ФИА не реагираме на хистеријата", вели Парнел.

Според анкетата на Газета Дело Спорт, дури 62.4% од фановите веруваат дека Ферари ќе бидат на стартот на новата сезона, додека британскиот Гвардијан вели дека 49.6% од фановите сметаат дека Ф1 може да преживее без Ферари.

МОЗЛИ ЌЕ СЕ СРЕТНЕ СО ФОТА ОВАА НЕДЕЛА

Портпаролот на ФИА во средата потврди дека претседателот на федерацијата, Макс Мозли се обврзал да се сретне со Асоцијацијата на Ф1 тимови (ФОТА) оваа недела, иако не посочи кога ќе се сретне тоа.

И покрај тоа што многумина не ги сфаќаат заканите на Ферари сериозно, шефот на Италијанскиот Олимписки Комитет (ЦОНИ), Џовани Петручи е зад Скудерија.

"Стоиме зад Ферари и нивните менаџери", вели Петручи.

Сер Френк Вилијамс призна дека тој нема да се приклучи кон заканите за бојкот пред новиот шампионат. Тојота и Ред Бул веќе предупредија дека ќе си заминат, слично како и Ферари и Рено, но помалите тимови како Вилијамс, Браун ГП и Форс Индија, чиј главен бизнис е формула 1 веќе се согласија за ограничен буџет со 40 милиони фунти. "Ние ќе се тркаме. Што друго ми останува?", вели Вилијамс.

Кими Раиконен повторно ќе оди на професионалено рели, негово трето оваа година. Светскиот шампион од 2007 влезе на две трки на Финскиот Шампионат во текот на зимата, возејќи Фиат Абарт Пунто подготвен од поранешниот шампион Томи Макинен. Возачот на Ферари, кој сега е 13. во генерален пласман со истиот автомобил ќе вози на Рели Дела Марка во Италија меѓу Монако ГП и Турското ГП