Врзуванките (attachments) се лоша работа.

Ај наздравје нека ви е ! 

Печатна грешка е... мислеше на 8. јануари, а не на 8. декември...

Мислам дека со последниве неколку постови забегуваме од темата, но сепак, би било добро во неколку постови да се продискутира и за ова прашање.

Ај што не верувам во бог - не верувам. Ама како да им верувам бре, како да ги почитувам поповиве, па макар тие биле и владици или и самиот архиепископ?
Ќе си земам за право да речам дека шлапаат, зборуваат без врска. Празна демагогија.
Просудете сами што треска „шефов“. Еве го извадокот од изјавата (од линкот што го даде Меси) на г.г. Стефан во однос на календарот:

г.г. Стефан напиша: Ова прашање е премногу апсолвирано во јавноста. Пред секој Божик се иницира. Ставот на Синодот е јасен и претставен – нема потреба од промената на календарот, од промената на досегашната наша црковна традиција, со која, се поврзани и многу настани од нашата национална историја. Кога ќе го празнуваме Илинден, ако го смениме каландарот? Затоа, повеќе ни е потребна духовната преобразба, отколку промената на календарот, вели поглаварот на МПЦ-ОА.

Ова прашање премногу било апсолвирано во јавноста!
Па добро бре, на кого му се обраќа овој? На кого му мачка очи? Дали јас сум толку неинформиран па незнам кога се случувале овие расправи за (не)промена на календарот или човеков навистина блада?
Или пак, сметајќи дека никој нема да го слушне и да размисли за тоа што тој рекол, а уште повеќе и да му се спротивстави, едноставно - лаже.
Кога се дискутирало по ова прашање? И каде?
Јас сум убеден дека некој посериозен пристап во разгледување на ова прашање немале ниту во САС (Светиот Архиерејски Синод), а не пак за ова да потегнат прашање каде ќе биде опфатена пошироката јавност.
И, вели, ставот на САС е јасен. Имаат ли донесено некаква одлука по однос на тоа прашање? Вистина ли е дека имаат донесено одлука за промена на календарот, ама таа сеуште стои во фиоките? Зошто не се објават тие одлуки?
Колку често се зборува за овој проблем кажува и самиот, кога вели дека ова прашање се иницира пред секој Божиќ. Ако ова разменување мислења само еднаш во годината за него претставува „премногу“ дискутирање, тогаш што треба да прави народецов? Секоја десета година да дебатира? Или и тоа е премногу? Ма, што воопшто има народот да дебатира. Негово е да си трае и да слуша што им велат „пресветлите“.
Неговата демагогија оди до таму што го поставува прашањето: „Кога ќе го славиме Илинден, ако го прифатиме новиот грегоријански календар?“ Размислува ли некој што всушност овој треска? Ами на кој датум денес се слави Илинден? Поточно, по кој календар денес го славиме 2 Август? По јулијанскиот или по грегоријанскиот? Незнам, јас мислев дека во моиве 50 години 2 Август (Илинден) сум го славел според грегоријанскиот календар, ама еве (според „очево“) изгледа цело време сум бил во заблуда. Навистина сум .
Ами што е со Петровден, Павловден ... тие се на 12 и 13 Јули според ... според ... хм ... според кој календар ги славиме и овие празници? По јулијанскиот?
Нели е демагогија и кога зборува за духовната преобразба?
За каква духовна преобразба ни’ зборува кога сеуште не’ тера да прифаќаме заостанати методи, да отфрламе новитети, посебно такви кои се потврдени дека се подобри, покорисни за човекот. Самиот тој повик на отфрлање на нешто ново, кое е спротивно на дотогаш воспоставеното, во принцип, потсвесно го убива нагонот кај човекот за нешто ново, за ососзнавање, за проширување на видиците ... што всушност е добро позната намера на црквата. Нив не им треба народ кој мисли, не им требаат новитети со кои ќе ги срушат нивните „учења“! Нив им треба покорен народ, кој молчешкум, со свиткана глава покорно ќе им служи. И кој ќе ги финансира, се разбира.

http://denesen.mk/web/2014/01/24/papata-francikso-inernetot-e-bozji-podarok/