ПРЕГОВОРИ ЗА ИМЕТО - 1

   Папуљас засега одбива контакти со Иванов  

 Евроинтеграцијата на Македонија не е можна без решение за името, изјави попладнево грчкиот претседател Каролос Папуљас по средбата со генералниот секретар на ОН Бан Ки-мун во Атина.

Добрососедските односи не се градат врз нерешени прашања, изјави Папуљас, кој според грчките медиуми ја добил поканата од претседателот Иванов да ја посети Македонија.
Грчкиот претседател вината за спорот ја префрли врз властите во Скопје, кои како што вели, сакаат да имаат ексклузивно право на името и на регионот Македонија.
Судејќи според острината на изјавите на Папуљас, грчкиот претседател и во иднина ќе ја игнорира Македонија, се до решавањето на спорот.
И Папуљас и премиерот Јоргос Папандреу го запознале Бан Ки-мун со грчката црвена линија во спорот - компромисното име да биде за севкупна употреба.
„Го информирав генералниот секретар на ОН за моите иницијативи за создавање на услови за решавање на кипарското прашање и прашањето на името со ФИРОМ“, рече Јоргос Папандреу, премиер на Грција.
Посредникот во разговорите Метју Нимиц е подготвен да ги продолжи разговорите меѓу двете страни, изјави Бан Ки-мун.
„Разговараме за спорот околу името меѓу Грција и ПЈРМ. Специјалниот пратеник Метју Нимиц е подготвен да ги продолжи разговорите штом двете страни ќе искажат подготвеност за тоа“, вели Бан Ки-мун.
Нема детали за посочените иницијативи на Папандреу. Првиот човек на светската организација, според грчките медиуми ја поздравил и подготвеноста на Атина да учествува во решавањето на повеќедеценискиот проблем на поделениот Кипар.
Бан Ки-мун во Атина учествува во работата на третиот глобален форум посветен на миграцијата и развој. 
http://www.a1.com.mk/vesti/default.aspx?vestID=115841 

Vinata e sekogas kaj politikata.

Внеси реплика	страница <1 220 221222223 224 256 >
Tweet