Како да ги откажеш цигарите?

Според: Е. Ј. Фолкенберг и др. по медицина Макфарланд од Вашингтон

Вие кои сакате добро здравје и подобар живот, внимателно проучете ги и со полна доверба прифатете ги советите и упатствата што ви ги препорачуваме.

ПРВ ДЕН

Основни упатства за првата вечер

Потрудете се да појдете на спиење порано отколку обично - еве зошто:

1. Доволно да ги одморите нервите. Утре ќе знаете зошто.

2. За да можете одморени да станете малку порано отколку обично.

Пред да појдете на спиење:

1. Прошетајте малку и при тоа дишете длабоко.

2. Искапете се добро, но не во премногу топла вода.

3. Ако имате обичај да испиете нешто топло, како на пример, млеко или лимонада, немојте да се лишите од тоа.

ДРУГИ ПИЈАЛАЦИ ВО КОИ ИМА АЛКОХОЛ НЕ СЕ ДОЗВОЛЕНИ. Алкохолните пијалаци во текот на овие пет дена целосно се забранети, зашто ја слабеат силата на волјата.

1. Повеќе пати повторете ја својата одлука: "Од денеска не пушам повеќе!“

Наместете го будилникот да ѕвони половина час порано отколку до сега!

Потребно ви е доволно време да:

1. Се туширате или барем добро да се измиете пред појадок. (Тоа е задолжително).

2. Испијте една или две чаши млака вода пред појадокот.

3. Појадокот треба да се состои од овошје. Во првите дваесет и четири часа овошјето и овошните сокови се ваша единствена храна.

Ваша прва мисла кога ќе се разбудите треба да биде:

"Синоќа одлучив, заради моето здравје и лично добро и доброто на моето семејство, да не пушам повеќе“.

Употребете ја силата на својата волја повторувајќи:

"Одлучив да прекинам со пушењето без оглед на искушенијата.“ Повторувајте го ова повеќе пати и потрудете се тоа навистина да стане ваша желба.

Појдете во кујната!

Испијте чаша млака вода или лимонада, а ако е можно и две.

Трудете се да не се задржувате во близината на ѓезвето за кафе!

Потоа во бањата!

Искапете се добро. Водата ги смирува нервите.

Ако се туширате, на крајот малку разладете ја водата.

Дали сте знаеле дека:

Многу луѓе тешко го победуваат пушењето поради храната што ја употребуваат. Некои намирници делуваат надразително и поттикнуваат желба за пушење.

Треба да избегнувате:

Бибер, мошне зачинета храна, сенф, оцет, пикантни сосови, јаки сирења и сите тешки, богати десерти.

Избегнувајте ги сите алкохолни пијалаци. Тие ја слабеат контролата на разумот над вашето однесување, а со тоа и вашата одлука да прекинете со пушењето.

Јадете доволно: Свежо овошје, овошни сокови богати со Ц витамин (портокали, домати, лимони, јаболка). На тој начин ги ОТСТРАНУВАТЕ ОСТАТОЦИТЕ НА НИКОТИНОТ од своето тело и ја миете секоја клетка, намалувајќи ја при тоа желбата за никотин.

Отстранете го ѓезвето во кое варите чај и кафе!

Зошто не чај и кафе? Затоа што и едното и другото се надразителни средства и можат да ја засилат вашата желба за пушење. Во многу дуќани може да се набави одлично био кафе.

А сега на појадок!

Во првите дваесет и четири часа само овошје и овошни сокови. Ако се чувствувате "изгладнети“, ви ја препорачуваме следната листа на јадења:

Овошен сок

1-2 варени јајца без бибер

Свежо или варено овошје

Црн пченичен леб

Време е да ви кажеме: За неколку дена заборавете на својата тежина. Вашата најважна грижа е да прекинете со пушењето. Контролата на тежината ќе дојде малку подоцна.
Веднаш по појадокот

1. Дишете длабоко и ритмички на свеж воз дух.

2. Ако е можно, прошетајте пет минути. Премногу едноставно, ќе си помислите? Не лажете се. Ова е неопходно по секој оброк.

Еве ве на работа...Внимавајте!

1. Имате многу работа и тоа ве прави нервозни. Напнатоста расте. Одненадеж ве опфаќа желба за пушење, а вие... немате цигара! Се сеќавате ли? Сте прекинале да пушите. Веднаш сторете го следното:

а) Користете ја силата на волјата повторувајќи: "Одлучив да не пушам.“

б) Помошно средство: Можат да ви помогнат малку слатки, ореви, суво овошје и сл. Затоа по малку од нив секогаш треба да имате со себе, бидејќи тие ќе помогнат да се намали желбата за пушење.

2. Пријателот ќе ви подаде кутија: "Дали сте за една цигара?“ Одговорете: "Не, благодарам. Одлучив да прекинам со пушењето!“ На тој начин зацврстете ја својата одлука. Сетете се само на операцијата од рак на белите дробови.

3. Во текот на работата помеѓу 8 и 12 часот испијте три чаши вода или сок.

Течноста ја намалува желбата за пушење.

На пладне: 1. Ако е можно избегнете го за време на ручекот друштвото што пуши.

2. Ако овошјето не ви е доволно како оброк, ви ја препорачуваме следната листа на јадења: Сендвич (Избегнувајте го масното и зачинетото месо), салата, овошје или свеж зеленчук (без јаки зачини), супа, благо зачинета и овошен сок.

Веднаш по ручекот

1. Десет минути прошетка на свеж воз дух. Во текот на прошетката, ако е можно, дишете длабоко.

2. Сосредоточете се на мислата: "Можеби е тешко, но токму сега ја совладувам навиката на пушењето.“

Вашето прво попладне

1. Попладневно земање на течности: Продолжете го чистењето на клетките во својот организам. Пијте вода или овошен сок во редовни интервали и секојпат бележете го тоа заради контрола.

Вие можете да ја намалите желбата за пушење:

1. Ако почнете ритмички да дишете. Кислородот ќе ви помогне да се смирите.

2. Повторете ја својата одлука: "Одлучив да не пушам.“

Сетете се дека:

Пушењето предизвикува рак на бели те дробови и бронхитис. Тоа е тесно поврзано со се поголемиот пораст на заболувања на срцето и крвните садови. Смртноста на пушачите е поголема за околу 80% во однос на непушачите.
Пушењето го намалува вистинското животно задоволство.

Во домот по работа

Избегнувајте го безделничењето (седењето без работа). Тоа сега е мошне опасно. Зафатете се со својот хоби, макар само за неколку минути.

Особено избегнувајте:

1. Столицата или фотелјата во која обично сте пушеле.

2. СИТЕ АЛКОХОЛНИ ПИЈАЛАЦИ. Малечката чашка алкохол може да ве на веде на пушење.

Денешната вечера се состои од:

Овошје - не заборавете колку е можно повеќе овошје. Но ако навистина тоа не ви е доволно, еве ја листата на јадења што ја пропишал диетичарот: Супа (не многу зачинета), салата (свежо сирење или свеж зеленчук - приготвен или во свежа состојба), црн леб или двопек, млеко или овошен сок.

Немојте да се задржувате долго кај трпезата

Изобилната храна и живиот разговор секогаш ве наведувале на пушење. Користете ја силата на својата волја. Станете и тргнете се од трпезата. Зашто вечерва не би пошле пеш на својот состанок?

А сега вечерва:

Вие имате важен состанок, важен за вас, за вашето семејство, за вашето идно здравје. Не дозволувајте ништо да ве спречи да не присуствувате на овој состанок.

Овој петдневен план е составен од пет алки.

Ако прекинете една, што ќе стане со другите?

Можеби денеска сте испушиле една или повеќе цигари. Што тогаш? Сте загубиле една битка, но тоа се уште не значи дека сте ја загубиле волјата. Што сега? Следете ги уште повнимателно упатствата на овој план. Вечерашниот состанок ќе ја засили вашата волја.

На крајот од денот

По состанокот

1. Прошетајте малку и дишете длабоко.

2. Истуширајте се добро, но не во премногу топла вода.

3. Навијте го будилникот да ве разбуди доволно рано за да имате време, без брзање, да се измиете и на мир да појадете.

Следниот викенд прочитајте го вториот ден од најдобриот петдневен план за одвикнување од пушењето