F1 Вести

Возачите зад ФОТА во спорот со ФИА



ГП возачите ја изразија својата поддршка за ставот на Асоцијацијата на Ф1 тимови (ФОТА) по разговорите во Истанбул пред неделната трка. Возачите и шефовите на осумте члена на ФОТА (од каде беа исклучени Вилијамс и Форс Индија) одржаа 25-минутен состанок во мотор-домот на Тојота пред можеби клучната политичка недела во формула 1. Ова дојде откако Асоцијацијата на ГП возачи (ГПДА) изрази загриженост за влијанието на ситуацијата на кариерата на членовите и фактот што возачите немаат многу влијание во донесувањето одлуки.
"Сите возачи имаат исто чувство - да ја следат ФОТА и да ја почитуваат работата на новите правила за сериозна иднина на Ф1. Тука разговаравме за правилата и за некои работи кои не ги прочитавме со весниците. За правилата, имаме иста визија со ФОТА", вели Јарно Трули од Тојота.
Трули додава дека возачите веруваат дека плановите за иднината не се добри изјавувајќи го ова пред петочниот краен рок кога ФИА ќе објави кои тимови ќе учествуваат во следниот шампионат.
"Мозли мора да сфати дека има некои работи кои не можат да се случат. Правилата за 2010 апсолутно не се добри бидејќи формула 1 мора да остане број 1 на светот, со силна технологија и со производители. Не можете само да донесете други тимови кои немаат идеја како треба да се натпреваруваш на така високо ниво", додава Трули.

БОЈКОТ ПО 12 ЈУНИ???



Светската автомобилистичка федерација се уште не реагирала откако пред десет дена екипите учеснички во Формула 1 поднесоа условена пријава за учество во шампионатот за 2010 година и натаму. Двата услова кои беа истакнати се потпишување на договор „Конкорд“ меѓу организаторите и учесниците, како и да нема измени во правилата во однос на 2009 година, со исклучок на предлозите кои ќе бидат доставени од нивна страна до ФИА. Најпроблематичен дел во предложените правила се лимитирањето на буџетите на 40 милиони фунти, како и техничката слобода за оние кои ќе го прифатат тој цензус, наспроти другите екипи кои би имале порестриктивна регулатива, но слобода во формирањето на буџетите.

Два нови детали излегоа на виделина во пресрет на трката за Големата награда на Турција, откако во петокот беше соопштено дека Форс Индија поднела самостојна апликација надвор од заедничката со ФОТА, поради комерцијалните обврски. Најпрвин, англискиот коментатор Мартин Брандл во својата колумна во еден британски весник објавил дека големите фабрики (Ферари, Мерцедес, БМВ, Тојота и Рено) се обврзале дека нема да ја растурат алијансата и во следните 30 дена нема да поднесат самостојни пријави до ФИА. Тоа секој од нив го гарантирал со сума од 50 милиони долари. Дополнително, утрото на денот од трката 16 возачи од осумте екипи кои останаа обединето во ФОТА (без Вилијамс и Форс Индија), имале состанок во моторхоумот на Тојота и донеле одлука да застанат во одбрана на позициите на своите екипи. Според одредени извори, дури било разговарано и за бојкот, што секако ќе зависи од реакцијата на ФИА. Подоцна на прес конференција, Марк Вебер, кој е еден од претседателите на возачката асоцијација, запрашан за ова мошне политички избегна да одговори конкретно.

- Ние целосно ја поддржуваме ФОТА во нејзините барања за подобро управување со спортот. Како возачи, наша определба е да возиме на најдобрите патеки во светот, за најдобрите тимови,- рече возачот на Ред Бул, со што меѓу редови се остава простор евентуалниот шпекулиран бојкот, кој би се случил како најлошо сценарио откако ФИА ќе открие кои имиња се на листата екипи за 2010 година.

Овој отворен конфликт речиси со сигурност ќе доведе и до импликации при есенските избори на ФИА, но Мозли не соопштува ни дали ќе се кандидира, очигледно чекајќи да види дали опозицијата ќе истакне противкандидат

Себастијан Фетел од екипата на Ред Бул ја освои пол позицијата во квалификациите за ГН Турција, возејќи еден круг за 1:28.316 (просечна брзина 217.591 км/ч). Според признанието на германскиот пилот, подобрените перформанси се должат на нови делови кои ги вградиле на болидот „во последна минута“. Бидејќи немале можност да поработат на штелувањето, не очекувале да бидат убедливи во квалификациите, но се покажа дека се функционира одлично. Возачите се двоумеа во изборот меѓу меките и тврдите гуми, што се покажа во случајот на Батон и Баричело од Браун Мерцедес (на второ и трето место), бидејќи временските услови беа како во петокот но имаше помалку ветер. Се очекуваше дека евентуално потоплото време ќе ги фаворизира потврдите гуми, но Фетел и Батон беа најбрзи на меките, додека за изненадување беше задолжен Баричело кој со тврдите гуми стигна до третото стратно место, само десетинка зад тимскиот колега, односно две десетинки за Фетел. Носителот на пол позицијата за својот избор рече дека не бил убеден во перформансите на потврдите гуми, бидејќи и двете опции биле премногу блиску. Во првата изјава Фетел дури и се збуни мислејќи дека ова му е прва пол позиција годинава, за потоа да признае дека онаа од трката Кина му била неочекувана, а за оваа работеле напорно.

Вториот возач на Ред Бул, Марк Вебер ја потврди формата на неговиот тимски колега со освојување на четвртата позиција, додека во третиот ред се Трули и Раиконен. Трикратниот победник Фелипе Маса ќе стартува од седмо место, пред Алонсо, додека првата десетка е надополнета со Розберг и Кубица во петтиот ред, при што разликата од првиот до десеттиот е само една секунда.

Фетел беше најбрз и во втората сесија кога болидите беа најлесни, возејќи повеќе од една секунда подобро време. Тогаш, меѓу првите десет не успеаја да влезат Хајдфелд, Накаџима, Глок, Ковалаинен и Зутил, при што дури 13 возачи беа во една секунда. Најслабо претставување во првата сесија од квалификациите имаа Хамилтон, Пике, Буеми, Физикела и Бурде, кои ќе стартуваат од 16 до 20 место.

Liderot vo generalen plasman, Jenson Button, ovaa nedela uzivase vo vrakjanjeto vo centarot na britanskiot
javen zivot. Vozacot na Brawn vo vtornikot navecer i ja dodeli na avstraliskata pop zvezda Kylie Minogue titulata
za "Zena na godinata" na dodeluvanjeto na nagradite na Glamour magazinot vo London.

Sefot na Red Bull Racing, Christian Horner e ubeden deka bitkata za titulata ne e zavrsena i pokraj golemata prednost na Brawn vo dvata sampionata.
Jenson Button so Brawn stigna do pet pobedi vo sest trki i ima 16 poeni prednost pred kolegata Rubens Barichello i 28 poeni povekje od Sebastian Vettel
vo Red Bull. Brawn vo megjuvreme vodat so 43.5 poeni pred Red Bull. "Brawn ima ogromna prednost vo plasman na konstruktori i golema kaj vozacite, no nie se
fokusirame od trka na trka. Slednite nekolku pateki ni odgovaraat na formata na nasiot bolid i imame dosta podobruvanja", veli Horner.

Тојота подготвени да си заминат



Од тимот на Тојота се упорни дека ќе останат дел од формула 1 шампионатот само ако контроверзниот предлог за ограничен доброволен буџет од 40 милиони фунти е отфрлен за 2010. Сите сегашни тимови поднесоа апликација за следната сезона по долгиот конфликт на линија ФИА-ФОТА околу иницијативите за намалување на трошоците, но сите тимови од Асоцијацијата на Ф1 тимови (ФОТА) јасно објавија дека нивното учество зависи од "задржувањето на сегашните регулативи за 2009, сменети според предлозите на ФОТА".

Тимовите исто така бараат нов Конкорд Договор, со кој се уредуваат односите ФИА-тимови-носител на комерцијални права, и тоа до 12 јуни, кога ФИА треба да ги објави успешните кандидати за пополнување на 26 стартни места следната сезона.

Досега, шест нови тимови - Продрајв, Лола, Тим УСФ1, Кампос Мета 1, Тим Суперфанд и Лајтспид ГП, поднесоа апликации за влез во шампионатот.

Потпретседателот на Тојота Моторспорт и во исто време потпретседател на ФОТА, Џон Хаует потврди дека ако има било какви "траги" од двоен систем на правила со технички ограничувања за тие кои нема да прифатат ограничен буџет, големиот јапонски тим и неколку ривали ќе побараат нова тркачка серија.

"Веруваме дека сите мораат да се натпреваруваат под исти правила. Не верувам дека некој има против новите тимови во формула 1, но во моментов нема да има разговори за ограничување на буџетот. Повеќето тимови сметаат дека ако овие услови не се исполнат, тогаш ќе мораме сериозно да размислиме за алтернативите", вели Англичанецот.

Има многу шпекулации дека тимот со седиште во Келн нема да продолжи на долги патеки во формула 1, прво поради тоа што немаат ниту една победа во 129 трки од Ф1 дебито во 2002 година, а потоа и поради глобалната економска криза.

Поизненадувачка е заканата на тимот на Ферари, од каде исто така велат дека се подготвени за заминување. Скудерија е единствениот Ф1 тим кој ја стартувал секоја сезона од воспоставувањето на Формула 1 Шампионатот во 1950 година.

"Не, апсолутно не", одговори шефот на тимот Стефано Доменикали на прашањето дали пријавувањето за шампионатот значи прифаќање на ограничен буџет. "Барањето за регулативите од 2009 значи дека нема да има ограничен буџет. Ако тоа не се исполни тогаш апликациите се неважечки".

Во меѓувреме несигурноста во формула 1 ги разубеди тимовите на РМЛ, Епсилон Еускади и иСпорт од влегување во спортот, додека Суперфанд тимот, предводен од поранешниот Ф1 возач Алекс Вурц, бара брзо објаснување на ситуацијата.

Паул Гасол влегува во F1



Екипата Кампос наводно веке се пријавила за натпреварување во следната сезона на Формула 1, искористувајќи ги “кавгите” на големите тимови со Меѓународната Автомобилска Федерација (FIA) околу лимираниот буџет.

Шпанскиот тим, предводен од бившиот возач на Минарди Адријан Кампос, наводно веќе осигурал пари за дебитанската сезона во F1 шампионатот, со голема помош од најдобриот кошаркар на “црвената фурија” Паул Гасол, но и од мексиканскиот бизнисмен Карлос Слим.

Играчот на Лос Анџелес Лејкерс, спрема пишуваната шпанска медија, одушевен влегол во нов проект, како што со своето име и авторитет, кои има во спортските кругови, би му помогнал на тимот да осигура уште спонзори.

Екипата Кампос, наводно веќе го решила и прашањето за возачкиот кадар. Станува збор за искусниот 38-годишен Педро Де Ла Роса, кој моментално тестира за Мекларен, дупло помладиот и поперспективен Мексиканецот Серхио Перез кој оваа сезона ќе се зајакнува во GP2 првенството.