СДСМ го организира АМАН?!
http://kurir.mk/makedonija/vesti/85185-FOTO-SDSM-go-organizira-AMAN

Членови на СДСМ се организатори на протестите на иницијативата АМАН која во јавноста стана позната по противењето на цената на струјата. Тие во повеќе наврати истакнуваа дека се непартиска иницијатива која политички не е организирана, иако одбиваа приклучување и обединување со останати граѓански здруженија и иницијативи.....ма ајде ова нема везе.



Изменето од Pavaroti - 20.Септември.2012 во 20:51

Изгледа во редакцијата на КУР-ИР( испуши радосно ) не им e јасно правилото број еден:
Kога парите се одлеваат од џепот нема сентименталност.




Изменето од Alekxandar - 22.Септември.2012 во 21:20

Никола Груевски објави некои бројки вчера.
По основ на ддв само, државата должи 150 милиони евра (прашањето е од каде ли ќе ги најде за да ги врати). Колку ли е само останатиот внатрешен долг. Пола милијарда, милијарда? Нека каже еднаш колку е долгот, нека ги обелодени бројките пред народот, па нели народот му го даде правото да ја води државата.. Нели се колнеа дека на секои 6 месеци ќе даваат отчет за сработеното и потрошеното..
Тие уште за Скопје 2014 не дале отчет зашто забегаа 150 % над предвиденото, а камоли за останатите работи...
За некои работи симнувам капа иако е рано за тоа додека не видам на дело, ама за останатово .....
Кога на сето тоа ќе се додаде и сумата на надворешниот долг државата испаѓа дека е позадолжена од било кога, и дека само со долгот за ддв таа комотно може да се прерангира во средно задолжени земји...
Лоша вест, многу лоша.

Ова е баш за НО КОМЕНТ...

Молчењето на Талат денеска го преведуваше преведувач

Талат Џафери измисли нов начин за комуникација со пратениците но и со јавноста. Молчеше, покажуваше пораки испишани на бели листови, а преведувачот од албански на македонски ги читаше.

Уште не донесен Министерството за правда најавува нов изборен законик. Во сегашниот биле вградени само дел, ама во наредниот Министерството ќе ги вметнело сите забелешки на ОБСЕ на кој се повикувала и опозицијата.

Меѓу нив и одвојување на државната од партиската функција, почитување на тајноста на гласот, правила за медиумско покривање на изборните кампањи.

Опозицијата ја повика власта измените да ги донесат со консензус, во спротивно ќе немало фер и демократски избори.

Паралелно со комисијата за политички систем, се одржуваше и онаа за труд и социјала, каде Талат Џафери измисли нов начин за комуникација со пратениците но и со јавноста. Молчеше, покажуваше пораки испишани на бели листови, а преведувачот од албански на македонски ги читаше.

Претседателката Цветанка Иванова побарала мислење од собраниските служби дали молчењето е говор. Одговорот стигна – тие не биле надлежни за тоа.


Коалиционово другарче убаво ги работи... А што е најтрагично па и најавува дека ако се изгласа законот ќе дојде до дестабилизација.. машала машала...
Туку ај ќе имам работа ако ништо друго...

Груевски фрли на маса изборни адути

Настапот на премиерот подгреа сомневањата дека се можни општи избори во март следната година

Александра М. Митевска



Премиерот Никола Груевски ги фрли на маса најсилните карти, во неделата попладне, кога се обиде да ги омекне стопанствениците, најавувајќи дека Владата ќе се задолжи за да го врати долгот кон фирмите, до февруари следната година. Исцрпниот говор на премиерот не им беше наменет само на бизнисмените. Тој зборуваше речиси еден и пол час, посочувајќи конкретни рокови и најавувајќи поволности и за пензионерите, социјално загрозените, за администрацијата... Сите тие ќе можат да ги почувствуваат новите владини чекори за кои зборуваше премиерот во почетокот на следната 2013 година, која во политичкиот календар е запишана како изборна година.

Познавачите на прилики се согласуваат дека ова не е обичен настап на Груевски и дека мерките што ги најави, всушност, се дел од неговите изборни ветувања. Средбата со стопанствениците беше помпезно изведена, а говорот на премиерот директно се пренесуваше преку националната телевизија.

На помалку од шест месеци пред редовните локални избори, македонскиот премиер им вети на стопанствениците враќање на ДДВ и плаќање на фактурите, на пензионерите повисоки пензии, на социјалните случаи зголемување на помошта од државата, а на чиновниците им порача да не стравуваат од отпуштање и намалување на платите.

„И покрај сериозните предизвици со кои се соочуваме, Владата ќе го реализира зголемувањето на пензиите и на социјалната помош од пет отсто, почнувајќи од март, додека зголемувањето на платите во јавниот сектор ќе се одложи за една година поради кризата. Во 2013 година нема да дозволиме масовни отпуштања од администрацијата, ниту намалување на платите, нема да се зголемат даноци, инфлацијата ќе биде ниска, субвенциите на земјоделците не само што нема да се намалуваат туку и ќе растат, банкарскиот сектор и денарот ќе останат стабилни“, рече Груевски.

Со тоа премиерот ги лоцираше целните групи што сака да ги придобие пред изборите. Станува збор за популација од повеќе стотици илјади гласачи, во која покрај бизнис-заедницата и вработените во приватниот сектор, влегуваат и околу 270 илјади пензионери, неколку десетици илјади социјалци и над 120 илјади адимистративци.

Според опозицискиот СДСМ, Македонија не може да оди напред со премиер и влада кои ја кријат вистинската состојба од народот и само даваат ветувања што не ги исполнуваат. После шест години, велат од СДСМ, народот веќе се умори од едни исти празни ветувања. „Обраќање на премиерот беше задоцнето, контрадикторно и неискрено“, оцени вчера Зоран Јовановски, потпретседател на СДСМ.

Од ВМРО-Народна партија, пак, оценија дека настапот на Груевски бил еуфоричен, и покрај тоа што најавил работи кои се тековна и законска работна обврска. „Владата ќе позајми пари од надвор не за патишта, брани, мостови туку за плати, пензии, долгови. Буквално, ја задолжуваат државата надворешно за да раздолжуваат дел од внатрешниот долг“, велат од партијата на поранешниот премиер Љупчо Георгиевски.

За поранешниот премиер Владо Бучковски, пак, нема дилеми дека Груевски во неделата даде едно од поголемите изборни ветувања. Секој потег на Груевски во изминатите шест години, според Бучковски, е пресметан и премиерот е во постојана кампања.

„Тој секогаш е чекор или два пред опозицијата. Свесен е дека бизнис-заедницата му е лута и дека повратот на ДДВ е голем проблем, па најави негово решавање. Груевски се обраќаше пред бизнис-елитата и сега мора да го исполни ветувањето. Владата ја има под контрола администрација, во постојана љубов е со синдикатите, а сега ќе се обиде да ги придобие и бизнисмените“, вели Бучковски.

Тој посочува дека роковите што ги спомена Груевски се совпаѓаат со локалните избори, но вели дека не се исклучени и предвремени парламентарни избори.

„Груевски можеби праќа порака дека заедно со локалните може да се реализираат и предвремени парламентарни избори, бидејќи ветувањата што ги даде излегуваат од опфатот на локалната власт“, вели Бучковски.

Локалните избори во редовен термин треба да се одржат во март следната година. Несогласувањата меѓу ВМРО-ДПМНЕ и ДУИ, пак, ја наметнаа можноста за нови предвремени парламентарни избори, како една од опциите за излез од владината криза. Всушност, идејата за локални и предвремени избори во пакет ја наметна опозицијата во почетокот на разногласијата во Владата, посочувајќи дека би било нелогично да има вонредни избори на неколку месеци пред редовните локални.

Во меѓувреме, во Собранието почна расправата за измените во Изборниот законик согласно со препораките на ОБСЕ-ОДИХР, кои, меѓу другото, советуваат во текот на кампањата партиската функција да се одвои од државната, односно државната функција, во тој период, да се извршува само на техничко ниво.

Хмммммм... интересно нели.. Пари се позајмуваат за да се исплатат пензионерите, платите на административците и да се покријат фирмите како не би настанал општ хаос од масовни отпуштања. Но тоа ми е некако изјаловено.. Зошто не вети премиерот дека пензиите ќе ги покачи во Октомври или Ноември кога всушност давачките на народот се во зенитот? Зошто баш Март?

http://kanal5.com.mk/default.aspx?mId=37&egId=13&eventId=96842

За Канал 5 од Њујорк Горан Момироски

http://www.time.mk/read/b62c98b5b6/1d1e1b8bd8/index.html

Гаф или непрофесионалност на дел од македонските новинари кои известуваат за посетата на шефот на државата Ѓорге Иванов и министерот за надворешни работи Никола Попоски на САД, е информацијата дека Иванов се сретнал со Обама?