Двокатни автобуси

Двокатните автобуси „пловат“ кон Скопје. Од пристаништето во Хонг Конг 68 – те новопроизведени автобуси тргнаа за Македонија.

Патешествието ќе трае еден месец. Двокатните автобуси ќе бидат испорачани на едно од грчките пристаништа кон средината на август, а потоа во неколку тури ќе бидат транспортирани во Македонија. Испораката треба да заврши до 25 август. Очекувањата се дека по скопските улици ќе почнат да сообраќаат од септември. 

Ова е само дел од набавката. До 2013 година во земјава треба да приситгнат уште 130 – тина вакви авотбуси, од кои 15 се отворени, наменети за панорамски разгледувања. Скопските автобуси нема да се возат никаде на друго место, дизајнирани се само за Скопје во ретро стил, како автобусите што се возеле пред педесетина години. Ги исполнуваат сите потребни стандарди, еколошки се, имаат автоматски управувана рампа за инвалидски и детски колички, целосно се климатизирани.

Автобусите се прозведени во фабриката Јутонг во Кина, најголемиот производител на автобуси во Азија.

Од големата набавка на автобуси за ЈСП, досега во земјава пристигна еден двокатен автобус, а ќе ги има вкупно 202, и уште 80 нови нископодни автобуси. Освен тоа ќе има и 16 минибуси, со што целосно ќе се обнови возниот парк на јвното претпријатие.