Овој појадок ќе ви стопли во студените зимски денови, а воедно и ќе ве расположи.

СОСТОЈКИ
• 2–3 средни компири
• 1,5 чаша пченкарно брашно
• 1 лажица сол
• 800 мл млака вода
• кајмак или сирење (препорачливо кајмак)

ПРИГОТВУВАЊЕ
Излупете ги компирите и пресечете ги на половина. Потоа, ставете ги во солена вода да се варат. Кога ќе провријат, ставете го пченкарното брашно.

Оставете го да врие уште 10 минути, потоа намалете го огнот и оставете да се крчка уште дваесетина минути.

Потоа, со дрвена лажица убаво промешајте, додека не се соединат компирот и брашното. По 10-тина минути, тргнете го садот од оган и оставете го да се стврдне. Во палентата додадете кајмак или рендано овчо сирење и сервирајте со јогурт или кисело млеко.

СОСТОЈКИ
• 1 мисирка од 4–5 кг
• неколку парчиња тенко исецкана димена сланина
• 1 главица кромид
• 1 праз
• малку лук
• сол
• вегета
• 1 дл масло за јадење
• 2–3 дл бело суво вино
• чаша пиво
• 2 ловорови листови

ПРИГОТВУВАЊЕ
Откако целосно ќе ја одмрзнете мисирката, премачкајте ја со вегета и толчен лук. Направете засеци по нејзината површина со помош на нож и наполнете ги засеците со сланина и лук. Потоа, мисирката ставете ја во огноотпорен сад, заедно со маслото, ловоровиот лист и белото вино. Оставете ја да отстои минимум 4 часа (пожелно е да ја оставите цела вечер) со повремено превртување, за  рамномерно да впие од виното од сите страни.

Внатре во мисирката ставете ја главицата кромид и исецканиот праз. Ставете ја да се пече во добро загреана рерна на 250℃. По 15-тина минути, намалете на 150℃ и оставете да се пече околу 4 часа.

Откако ќе испари целата течност, прелите ја со пиво и печете уште малку, односно додека не зарумени. Откако ќе ја извадите од рерната, пред да ја послужите можете да ги извадите кромидот и празот. Како прилог, најдобро би оделе печени компири.

Брзи солени колачи од јајца

 

Кога за кратко време сакате да приготвите нешто лесно и вкусно, ви предлагаме да направите мини солени колачи од јајца и зеленчуци, кои брзо ќе исчезнат од чиниите на вашата наредна домашна забава.

Овие колачи можете да ги наречете убаво оформен омлет, совршен и на изглед, и на вкус. Одлични се за детски роденденски забави и ви овозможуваат на едноставен начин да го натерате вашето дете да јаде брокули и други видови зеленчук.

Инструкции за приготвување

Варијации

Добрата страна на овие колачи е што секогаш можете да ги правите различни, во зависност од вашите желби или состојките кои ги имате во моментот. Освен понудената вегетаријанска варијанта, можете да го збогатите вкусот на солените колачи со свински врат, сланина, колбаси, чаен колбас или кулен.

Вкусни комбинации:

• Сланина и праз. Наместо зеленчуците, во смесата со јајца ставете ситно исечкани и пржени парчиња сланина и праз.
• Колбаси и печурки. Испржете колбаси и печурки, исечкајте ги и додајте по малку во секое колаче, наместо зеленчуците.

СОСТОЈКИ
• 8 компири со иста големина
• 200 гр шампињони или вргањ
• 100 гр кашкавал (едамер или друг погоден за топење)
• 1 главица кромид
• магдонос, лук, сол, бибер
• бешамел сос

ПРИГОТВУВАЊЕ
Излупете ги компирите и ставете ги да се варат. Кога ќе бидат малку омекнати (доволно за да можете да ги издлабите), исечете ги на половинина и на средина издлабете ги со лажица.

Во меѓувреме, исецкајте и издинстајте го кромидот, сѐ додека не добие златно-кафена боја. Потоа, додадете ги исецканите печурки.

Посебно направете бешамел сос со маргарин, брашно и млеко, или можете да ставите само хопла за готвење. Дури е уште топол бешамелот, додадете ги сите состојки. Со смесата наполнете ги компирите, зачинете по ваш вкус и ставете ги да се печат во огноотпорен сад.

Печете 20 минути, дури не добијат златеста боја.

СОСТОЈКИ (за 10 лица)
• 14 тенки парчиња пршута (околу 120 гр)
• 1.5 кг говедско филе
• свежи листови од босилек
• 150 гр песто

ПРИГОТВУВАЊЕ
Загрејте ја рерната на 200℃. Наредете 7 парчиња пршута во форма на правоаголник, а потоа и преостанатите парчиња во продолжение, за да можете да го обвиткате филето од говедско месо.

Целото говедско филе премачкајте го со песто и потоа месото ставете го врз пршутата. Превиткајте го со пршутата. Ставете го филето во сад и печете околу 45 минути. Кога ќе се испече, ставете го месото во сад и покријте го со алуминумска фолија. Оставете 10-тина минути. Потоа, сервирајте со листови свеж босилек.

Совет: не го препекувајте месото, затоа што ќе стане суво и тврдо.

СОСТОЈКИ
• 100 гр сува сла­нина
• 600 гр јуне­шко месо
• 150 гр кро­мид
• 400 гр пиперки
• 600 гр компири
• 100 мл бело вино

за мари­нада
• 5 големи лажици масло
• 1 мала лажица ким
• сол и бибер
• 1 мала лажица црвен пипер
• 1–2 мали лути пиперки
• 3 чешниња лук
• кора од лимон
• 1 лажица Вегета

ПОДГОТОВКА
Исе­чете го месото на коц­кички и под­го­твете ја мари­на­дата. Изме­шајте го маслото, згме­че­ниот лук, исче­ка­ниот ким (кој прет­ходно малку сте го навла­жниле), изрен­да­ната кора од лимон, меле­ниот црвен пипер, исеч­кана лута пиперка, малку сол и вегета.

Вака под­го­тве­ната мари­нада се меша со месото и се остава да отстои барем еден час. Доко­лку имате услови, нај­до­бро е да се остави да отстои преку цела ноќ.

Исеч­кајте го кро­ми­дот на тенки трка­лца, пипер­ките на пого­леми пар­ченца и излу­пе­ниот компир на кругчиња.

Земете огно­от­по­рен сад и на дното наре­дете тенки пар­чиња сува сла­нина. Потоа, распо­ре­дете дел од компи­рите и пипер­ките, малку посо­лете и ста­вете слој на мари­ни­рано месо. На крај ста­вете го кро­ми­дот. Пов­то­рете ја поста­пката оно­лку пати колку што имате материјал.

На кра­јот може да пре­ли­ете со масло и садот затво­рете го со покло­пец. Ста­вете го гула­шот во загре­ана рерна на 180℃ и печете околу час и половина.