Македонија се задолжи со 250 милиони евра кај Дојче банк

Буџетот е покус за 120 милиони евра, но за да се финансира дефицитот во буџетската каса oд 201 милион евра, Владата се задолжи за 250 милиони евра кај Дојче банк. Министерот за финансии, Зоран Ставрески објави дека овие пари ќе биле доволни за финансирање на целиот буџет, а Македонија ќе ги врати по пет години. Од ММФ, според Ставрески, немало потреба да се бара заем. 
- Со оваа финансиска понуда, целосно се заокружува конструкцијата на буџетот за 2012 и почетокот на 2013. Средствата се со каматна стапка од 6,8 отсто. Овие пари заедно со ребалансот ќе помогнат за подобрување на ликвидноста на буџетот и на вкупната економија- изјави Ставрески. 
Во меѓувреме, сите министерства ќе штеделе. Ќе се крати на ставките стоки и услуги, трансфери, дури и на капиталните трошоци. Од планираните 426 милиони евра за капитални расходи, ќе се скрати кај проектите кои побавно се реализирале и кои не се планирани да се изградат годинава.. 
Иако првично Владата очекуваше економијата да порасне за 4,5 отсто, сега ја ревидираше проекцијата на 2,5 проценти, ама буџетот не го корегираше, согласно намалената стапка на стопански раст, а со тоа и на намалените приливи од стопанството.

Така, ќе се вратат по 5 години ама од што, од каде??? Колку беа земени лани, околу 300 милиони од ММФ кои се изедоа околу избори, сега 250 за јадење без избори, па догодина пред локалните ќе се земат нови 200-300 милиони, и едно утро ко гром од ведро небо Сител ќе објави дека сме пред банкрот.