МУЗИЧКИ ВЕСТИ

 Со концертот на Биг Бендот на Штефан Шулце од Германија и изведбата на дела од македонски џез-композитори, како Илија Пејовски, Владимир Николов, Живојин Глишиќ, Кире Костов и Александар Пејовски, вечер во Македонската опера и балет свечено ќе биде отворено 33-тото издание на „Денови на македонската музика“ што ќе трае до 31 март.

Организатор на манифестацијата е Сојузот на композиторите на Македонија-СОКОМ, а покровители се претседателот на Република Македонија Ѓорге Иванов и Министерството за култура.

Биг Бендот, чиј основач е Шулце го сочинуваат 19 музичари. Штефан Шулце како композитор и пијанист комбинира елементи од џезот и новата музика. Студирал со Џон Тејлор, Пауло Алварес и Јоахим Улрих на Факултетот за музика во Келн. Шулце е добитник на повеќе награди и е основач на Штефан Шулце Биг Бенд, квинтетот Шулцинг и октетот Октопосе. Шулце имал настапи на Џез фестивалот во Монтро, Швајцарија и на Меѓународниот џез фестивал во Лима, Перу.

На 33-тото издание на „Денови на македонската музика“ ќе настапат ансамблот „Archaеus“ од Романија, а свој концерт ќе имаат и Македонската филхармонија, новиот лондонски камерен хор, Кокан Димушевски и гудачкиот квартет „Еквилибрум“.

На манифестацијата се предводени повеќе работилници, промоции на авторски компакт дискови и промоција на книгата „Есеи за македонската музика“ од Марко Коловски и една научна трибина „Заштита на музичкото културно наследство во Македонија“. На 29 март во Торонто, концерт ќе одржи камерниот гудачки оркестар на Харт Хаус, под диригентската палка на Оливер Балабурски, каде ќе бидат изведени три дела од македонски автори.

Традиционалните награди што ги доделува СОКОМ, „Панче Пешев“ за најдобро премиерно изведено дело на македонски автор во претходната година и „Георги Божиков“ за најдобра изведба на дело од македонски автор во претходната година и „Трајко Прокопиев“ за животно дело ќе бидат објавени денеска, а доделени на 25 март, пред почетокот на концертот на Македонската филхармонија.

Влезот на манифестацијата е слободен.

Песните на Мадона се најслушани песни во последната деценија, покажа последното британско истражување.

Кралицата на поп музиката се најде на врвот на листата, која е создадена според податоците колку пати песните биле емитувани во Британија, но и според бројот на јавни настапи во периодот од 2000-та до 2009-та година.

Познатиот бенд Beatles, кој претходно се имаше зацементирано на првото место, сега е поразен од Мадона со нејзините хитови, вклучувајќи ги Material Girl и Ray Of Light.

На третото место се најде Роби Вилјамс, а во топ 5 се најдоа и Queen и TAKE THAT.

Листата ја состави Телото за авторски права PPL кое при рангирањето зема предвид колку пати песните биле емитувани на радио и телевизиските станици, но и колку пати биле пуштани во пабовите, клубовите и продавниците.

Гласајте за македонски претставник на Балканските музички награди на кои учествуваат сите земји од Балканот и сите најпознати изведувачи.

На 9-ти мај во Метрополис Арена, ќе гостува Дејвид Гета, најпознатиот француски ди-џеј и продуцент и најбараниoт светски ди-џеj воопшто. Неговиот прв настап во Македонија е во организација на Октопуси Ентертејмент и Биг саунд, кои најавуваат спектакуларна забава.

Диџеј-от кој меѓу првите ја има претставено хаус музиката во Франција, денес постигна статус на една од најголемите ѕвезди во електронската музика. На сцената се има вклучено откако претходно и самиот организирал забави, а на своите клупски вечери во Франција канел диџеи како Дејвид Моралес, Дени Тенаглиа, Луи Вега и Френки Наклс.

Во 2001та Дејвид Гета го издаде својот дебитантски албум Just A Little More Love(2001), со истоимениот сингл кој се искачи на врвот на сите топ листи за електронска музика. Од него како хит се издвои и песната Love Don't Let Me Go. Со овој албумски проект Гета влезе во првата лига на француски, но и светски ди-џеи.

По одличниот комерцијален успех на првиот албум, Гета ги објави албумите Guetta Blaster(2004), Pop Life(2007) и One Love(2009), од кои произлегоа големите денс хитови кои како The World is Mine, Love is Gone, Baby When The Light и Delirious. Овие продукции се заслужни за подемот во неговата кариера и светската слава.

Според гласовите на британскиот магазин ДЈ Маг, тој е најдобро пласираниот хаус ди-џеј на минатогодишната топ 100 листа. Неговиот проект f**k Me I’m Famous стана светски познат бренд, под кој Гета редовно ги организира своите клупски настани. Минатата година беше номиниран за 5 Греми награди, а потврда за неговот комерцијален успех може да се сметаат бројните соработки кои ги оствари со поп ѕвезди како Akon, Black Eyed Pease, Britney Spears и Kelly Rowland.