Родителски авторитет кај децата

Сите родители посакуваат нивните деца да бидат среќни и успешни, меѓутоа има и такви кои ги форсираат децата да бидат натпросечни во се. Со таквото настојување родителите стануваат хиперактивни, со зголемена контрола над децата, од кои бараат да бидат совршени и да одат во совршени училишта, да бидат успешни спортисти и да уживаат во своите идеални критериуми. Многу стручни лица велат дека таквиот вид на родители поставуваат невозможни стандарди кои многу пати ги водат родителите и нивните деца до фрустрации.

Американскиот педијатар Џуди Голдстеин, вели дека повеќето родители, кои ги доведуваат децата кај неа, се високо образовани, имотни, а мајките мошне пожртвувани, но некои од нив се премногу обземени со контролата и сметаат дека баш нивното дете ќе стане следниот Моцарт, Пикасо или Бил Гејтс.

- Мајките кои остануваат дома со цел да ги воспитуваат децата се мошне често жени кои се откажале од својата професионална кариера , па сега таа иста контрола, која ја спроведувале во работниот свет, настојуваат да ја спроведат и врз своите деца. Тие сметаат дека имаат право на совршени деца кои секој чекор од својот развој го следат по идеално осмислен план.

Со цел да ги воспитаат своите совршени деца напоменува д-р Голдстеин, таквите родители се обидуваат да го контролираат секој момент од животот на детето, за да на крајот добијат идеални резултати.

На Менхетен постојат најмалку 60 различни к*рсеви за мали деца меѓу кои и к*рс за масажа!

Да не зборуваме за многубројните музички к*рсеви кои се наменети за возраст од четири месеци. Некои од нив нудат и разни к*рсеви за меѓународна музика. Ајде сега кажете ми, како може едно четиримесечно бебе да разликува музика од различни краеви на светот?! – вели д-р Голдстеин.

Психологот Џим Тејлор, стручњак на полето на детскиот развој и автор на книгата “Позитивен притисок: Како да воспитате успешно и среќно дете”, вели дека проблемот е во тоа што многу од родителите сметаат дека може да го забрзаат развојот на своето дете форсирајќи го во сите тие активности.

- Едноставно не постојат никакви научни докази дека развојот на Вашето дете може да се забрза на било кој начин. Се работи за мулти-милијардерска индустрија чија главна цел е да се создадат сите предуслови за детето да порасне неверојатно успешно. Многу од тие преамбициозни родители се плашат од тоа што другите ќе кажат, односно сметаат дека “ако не превземат нешто за своите деца, останатите ќе мислат дека попуштиле како родители”.

Ваквиот вид на воспитување, меѓутоа, не создава успешни деца туку личности кои стануваат перфекционисти.

- Децата перфекционисти, во суштина никогаш не стануваат многу успешни бидејќи нивната главна животна цел не е успех, туку одбегнување на разочарувањата. Ваквите деца стануваат меѓу десетте најдобри во одделението или во спортските екипи каде и остануваат во така наречената сигурносна зона. Меѓутоа, доколку сакате да успеете, морате нешто и да ризикувате, а кај ваквите деца ризикот значи и можност за неуспех и разочарување, од што и највеќе се плашат родителите.

Да гаите недостижни цели за своите деца, претставува исклучително голем товар за детето, напоменува Бетси Харт, авторка на книгата за родителите, која додава дека родителите би требало да ценат било каков успех на своето дете и да го храбрат за понатаму. Едниствен начин на кој ќе му помогнете на своето дете е да му помогнете во неговиот развој под нормални услови и без никакво брзање. Тоа ќе им донесе најголемо задоволство и среќа.