Величествениот султан на Канал 5

Хурем Султан од серијата Сулејман Величенствениот, турската глумица Мејрем Узерли, тргнува во поход кон Холивуд. Поточно, била забележана од американски агенти кои упорно се обидуваат да и најдат соодветна улога за да ја промовираат и во САД.

„Поласкана сум и среќна што ме забележале и надвор од Турција. Израснав во Германија и многу лошо зборував турски, но сепак ме одбраа за улогата на Хурем. Англискиот ми оди совршено, па со тоа сигурно нема да имам никакви проблеми во Холивуд“, изјавила Мејрем, додавајќи дека споредбите со Кејт Винслет и Дру Баримор и тоа како и одговараат.

Инаку, како што претходно беше објавено дека се здебелила 10 килограми за текот на празниците, сега се шпекулира дека ќе мора да плати казна од 20.000 евра заради договорот кој го потпишала. Во него било јасно наведено дека не смее во никој случај драстично да ја менува килажата или изгледот.

Бред Пит наскоро патува во Турција каде ќе сними неколку епизоди од популарната серија Сулејман Величествениот. Тој ќе има улога на балкански војсководец, а актерката Фехрие Евче која глумеше во „Кога лисјата паѓаат“ ќе му биде љубовна партнерка.

„Љубовта на војсководецот и неговата драга ќе биде толку силна, што ќе ја засени романсата на Сулејман и Хурем, која даде печат на веќе емитуваните епизоди“, открил извор за медиумите.

Бред ќе добива два милиони долари по епизода, а и понатаму не е познато во колку ќе се појави. Интересно е што неговите сцени со Фехрие изобилуваат со бакнежи и допири, па се верува дека Џоли ќе биде прилично љубоморна на овој ангажман на нејзиниот сопруг.