Инвестициски фондови

Со фонд од 60 милијарди долари, Eмирот од Катар го освојува светот

Денес, со над 60 милијарди долари, Катарскиот инвестициски фонд (Qatar Investment Authority) е еден од најголемите глобални инвеститори, кој инвестира во многу земји и во различни индустрии, акции, недвижности, хотели, обновливи извори на енергија, фудбалски клубови, инфраструктура. Фондот поседува 15,1% од Лондонската берза, 17% од Фолксваген (Volkswagen), 8,9% од Кредит Суис (Credit Suisse), 5,8% Барклис (Barclays). Сопственик е на англискиот трговски центар Хародс (Harrods), трговскиот синџир Кејнсбури (Сainsburys), на дел од Мирамакс филм (Miramax Film), а на почетокот од годинава го купи францускиот фудбалски клуб Париз Сент Жермен (Paris Saint Germain) и со 500 милиони евра влезе во новата најголема грчка банка Алфа Еуробанк. Но, инвестира и во држави. На почетокот од октомври Катарскиот фонд даде неповратен заем од 500 милиони долари за буџетот на Египет. Катар има инвестирано неколку стотици милиони евра во Бугарија и во Албанија.

Катарскиот инвестициски фонд е формиран во 2005 година од државата за да ја зацврсти економијата на Катар. Тој е само дополнување на политиката на државата да инвестира во повеќе области. Свесен дека изворите на нафта и гас не може да траат вечно, Eмирот го основал Катарскиот инвестициски фонд за да го зголеми богатството и да ја намали зависноста од природните ресурси. На почетокот сите приходи од извоз на нафта и гас се вложувале во овој Фонд, а потоа се инвестирале во профитабилни проекти низ целиот свет.

Дали нашиве ајдуци ќе успеат да лапнат некоја трошка од овој колач, времето ќе покаже.