Сведоци на времето што поминало..

Верувања како остатоци од една човечка присутност години уназад..

Кога испраќајат некого на пат, ако жлцне некој, од тија шчо испраќајат - било оти истиот човек ќа го испраќале и друг пат.

Дете набргу одбиено, ако го повратат пак да цица не било на арно - такво дете урочуело многу.

На некоја мајка шчо и умирајат децата да и затрајат, кога ќе роди не кажујат право. Ако е машко го кажујат девојче, ако е девојче - машко.

На жена што не и трајат децата, арно било кога ќе чуе некој оти родила да се фане за железо, та, како шчо трае железото така и децата да иј трајале.

Кога раѓа жена ако ја сети некој не било арно ќе се мачела ногу на раѓата. Да роди со лесно прават така: ако е жена ќе иде при неја и ќе ја чукне со полата на алишчата и ќе рече: „Госпот леснина да ти даде“, а ако е маж ќе му дадат да се напие вода од незин чевол.

На летен свети Јован (Иванден, 24 јуни) шчо да има алишча у куќа ги вадат надвор и ги спростираат на ортоми да постојат до ручок на сжнце та цела година да не ги јадат молци.

Кога оди рибар на риба не чинело да му се рече: „Со здравје“- оти не ќе можел да фане ич риба.

На Макавејте (првите седум дена от месец август ги викаат Макавеј) не чинело да се пере. На Макавејте календарџијте познавале за времето какво ќе биде и си правеле календарите.

На свети Јован Сечиглав (Отс. гл. на св. Ј. Крстител - 29 август) не чинело да се јаде и пие нишчо шчо е црвено.

Кога коле човек кокошка или друго пиле, ако се мачи многу и не може да умре бргу било оти на човекот му била тешка раката, а ако умре со лесно - му била лесна раката.

Тиква преноќевана не чинело да се јаде - оти оти ќе саскосал човекот шчо ја јаде (ќе се подуел).

Дрво кога ќе роди со севте, арно било да касне од него жена што раѓа секоја година та како шчо раѓала жената, така и дрвото ќе раѓало секоја година.

Дрво кога ќе роди со севте не чинело да касне од него со прво маж, - оти не ќе родело веќе.

Чорапи штом ќе се сплетат не чинело да се обујат непрани, оти нозете на човекот ќе му фаќале трпкавици.

Дете кога ќе се роди на треќата вечер не чинело да се донесе на софрата кај шчо јадат, - оти секој пат, кога ќе се тури софра ќе плаче.

Жена што раѓа се девојчиња не им ги дупи ушите за обетки, за да роди после машко.

Да сади чоек ора не чинело оти кога ќе станел ораот дебел колку вратот на чоекот, ќе умрел чоекот.

Мачка да фаќа глувци требе да била украдена.

Чоек у жиота ако не крстел дете на оној свет магаре ќе крстел. Кога спие чоек ако има у постелата трошки от леп, ќе гледал многу снишча.

Кога је болен чоек не чинело да го испие до крај лекот шчо ќе му го даде еќимот, оти ако го испие до крај - не поможујал лекот.

На Бадник кога ќе седнат да вечераат мажите си оставаат ќесињата под софрата за да имаат среќа целата година.