Новитети, вести, мислења, критики

мистерија ОКОЛУ СМРТТА НА ПОЗНАТИОТ АМЕРИКАНСКИ АКТЕР Дејвид Карадин

Се самоубил со оргазам

Полицискиот генерал Ворапонг Чеупреча за новинарите изјави дека го нашле познатиот актер Дејвид Карадин мртов со јаже "врзано околу пенисот и уште едно околу неговиот врат"

БАНКОГ (АП) - Телото на американскиот актер Дејвид Карадин, кој се прослави со улогата во телевизиската серија од '70-тите "Кунг-фу", беше најдено во плакарот на една хотелска соба, со јаже околу вратот и гениталиите, а причина за смртта можеби е случајно задушување, соопшти вчера тајландската полиција.
Телото на 72-годишниот актер беше пронајдено завчера во неговиот луксузен апартман во хотелот "Свисотел Неи Лерт Парк" во Бангког. Полицијата првично изјави дека се сомнева дека се работи за самоубиство, иако соработниците на Карадин се сомневаа во таа теорија.
Полицискиот генерал Ворапонг Чеупреча за новинарите изјави дека го нашле Карадин со јаже "врзано околу пенисот и уште едно околу неговиот врат".
"Двете јажиња беа врзани едно со друго", изјави тој. "Сe уште не е јасно дали извршил самоубиство или не, или починал од задушување или му откажало срцето за време на оргазам".
Полицијата вчера ја заврши аутопсијата на телото на Карадин, но уште ги нема објавено резултатите.
Доктор Нантана Сирисап, директор на Центарот за аутопсија во болницата "Чулалонгкорн", за новинарите изјави дека направиле аутопсија поради "необичните околности под кои починал Карадин", но не даде понатамошно објаснување.
Поручникот Терапоп Луансенг завчера изјави дека го нашле Карадин како виси гол во плакарот и оти тогаш се посомневале дека се работи за самоубиство.
Меѓутоа, еден од менаџерите на Карадин Тифани Смит од неговата менаџерска компанија "Биндер анд асошиејтс" ја отфрли оваа теорија.
"Само велам дека знаеме оти Дејвид никогаш не би извршил самоубиство", изјави Смит. "Чекаме да ја завршат истрагата и да откријат што навистина се случило. Тој го ценеше животот и сe што му нуди... Дејвид никогаш не би си направил нешто такво себе- си".
Карадин минатата недела дојде на Тајланд за снимањето на филмот "Растегнување", два дена пред неговата смрт, изјави Смит. Тој имал закажано да работи на неколку други проекти по завршувањето на овој филм, кој го режира Шарл де Мео.
Во неговата автобиографија од 1995 "Бескраен автопат", Карадин напиша дека пробал да се самоубие кога имал 5 години.

Kakva smrt....

Новиот Џејмс Бонд во Авганистан!?



Иако за сега се работи само за шпекулации, приказната за новиот Џејмс Бонд ќе се одвива во Авганистан. Според извори блиски до продуцентите продолжението за агентот 007 ќе се одвива во Кабул, а угледниот британски весник Guardian открива дека сценаристите на сè уште неименуваното продолжение на „Quantum of Solace“ барале технички детали за работа во главниот град на Авганистан.

- Повеќе од сигурно е дека новиот филм за Бонд ќе се снима во Кабул, а опасниот агент нема да се бори само со талибанците, туку и со опасните трговци на дрога кои ги финансираат терористите, изјави изворот.

Агентот 007 веќе бил во Авганистан, кога Тимоти Далтон го снимаше „The Living Daylights“ во 1987 година.

Секси Лонгорија во бикини



Ѕвездата на серијата Desperate Housewives, Ева Лонгорија, направи серија фотографии во бикини за мексиканското издание на магазинот „GQ“.

Убавата актерка со фото-сесијата сака да покаже дека годините не и тежат и дека се уште изгледа неверојатно секси.



Погледнете ги новите фотографии, кои се потполно различни од неодамна објавените на кои таа е на одмор со нејзиниот сопруг. Оцените сами дали добриот изглед на новите фотографии е плод на козметиката, одличното осветлување, Photoshop-от или пак станува збор за природна убавина.

Македонци работеа на „терминаторските“ ефекти



Македонски тим предводен од продуцентот за визуелни ефекти Кристијан Данаилоски и супервизорите Александар Вишемирски и Мишо Ристов работеа на 42 кадри во новото продолжение на Terminator со наслов Salvation. Тимот на FX3X составен од дваесетина Македонци интензивно работеше за водечкото студио за визуелни ефекти Industrial Light & Magic, што резултираше со 3 минути светска филмска магија со македонско производство.



- На почетокот изгледаше помалку застрашувачки. Ние веќе имавме искуство со соработка со поголеми компании и студија, дури и искуство со работа на проект кој доби Оскар за визуелни ефекти (The Golden Compass), но исто така знаевме дека Industrial Light & Magic е сосема друга лига. Таа претпоставка се покажа 100% точна. Уште повеќе, за мене како обожавател на Терминатор, работата на „Project Angel“ беше најбитната работа на свет. На крајот, резултатот беше одличен, сè одлично се заврши, и тоа уште повеќе ги интензивира впечатоците. Задоволството од работата на ваков филм е огромно и кога завршивме дури и ми беше жал, но, се радувам на новите проекти кои ќе ги имаме со Industrial Lights & Magic и нивниот фантастичен тим, - вели супервизорот за рото и paint Александар Вишемирски.

Terminator 4 Salvation teaser trailer 2009 official

Шон Пен се повлекува од Холивуд



Оскаровецот Шон Пен на неодредено време ќе се повлече од Холивуд и ќе се посвети на семејството. Еден од најдобрите актери во светот кој се откажа од улогите во филмовите „The Three Stoogers“ и „Cartel“ изјави дека сигурно ќе одмора една година.

Сценаристите и режисерите на „The Three Stoogers“, Питер и Боби Фарели мора да бараат замена бидејќи неодамна објавија дека Пен, Џим Кери и Бенасио Дел Тори ќе ги глумат трите главни улоги во нивниот нов филм. Фарели сега се во голема дилема, дали да го чекаат Оскаровецот или пак да побараат замена.



- Не знам што ќе правиме бидејќи MGM планира да го пушти филмот во 2010 година. Ако одлучиме да чекаме ризикуваме да ги изгубиме Кери и Бенасио. Ќе треба да разговараме со Шон и да видиме што ќе прави во иднина бидејќи неговата одлука не шокираше, изјавија Фарели.

Според шпекулациите во Холивуд, режисерите ќе немаат големи проблеми за вториот филм бидејќи познатото филмско студио „Universal“ планираа да го сними „Cartel“ без Пен.

Вил Смит ќе паузира од Холивуд

Вил Смит привремено ќе се повлече од својата актерска кариера, објавија американските медиуми.

Актерот ќе направи пауза од снимањето филмови за да се грижи за семејството, додека неговата сопруга Џејда Пинкет Смит работи на серијата „Hawthorne“, а синот Џејден Смит го снима Kung Fu Kid во Кина.

Пинкет Смит призна дека нејзиниот сопруг не се снаоѓа баш најдобро со домашните работи, но дека знае да биде одличен родител.

-Вил не знае да готви, другите тоа го прават за него, но тој е одличен родител. Доколку има некој проблем, знам дека не треба да се грижам, бидејќи имам партнер кој ќе ме замени. Неизмерно сум благодарна што Вил ќе биде дома. Мислам дека и за децата е добро кога мајката работи, така и тие се одмараат од мене. Мислам дека во таква ситуација повеќе ве ценат и повеќе ве сакаат. Сега честопати слушам: Ах ми недостига мама, сакам мама тоа да го направи, изјави Пинкет Смит.

Крис Браун призна и избегна затворска казна



Американскиот R&B пејач Крис Браун вчера пред судот во Лос Анџелес призна дека е одговорен за нападот на поранешната девојка, поп ѕвездата Ријана, а во договор со тужителите тој доби пет години условен затвор. Изведувачот на хитовите „Run it“ и „Kiss Kiss“ покрај условната затворска казна, доби и 180 часа работа за локалната заедница во Вирџинија.

Дваесетгодишниот пејач, кој се извини на сослушувањето е обвинет за физички напад над Ријана кој се случи на 8 февруари, оваа година.

- Господине Браун мислам дека најдобро ќе биде да си ја сфатите грешката што сте ја направиле, а за да имате одговорност ќе мора да работите општо корисна работа, изјави судијката Патрициа Шнег.

Освен двете казни, Крис доби и забрана за приближување до Ријана и зависно од условите тој од пејачката ќе мора да биде оддалечен од 10 до 50 метри.