Club Event Updater

31.July Friday

Talamasca (live & DJ set) Bushava Azbuka, Navigator, Satellite

Digital Dance presents:

Atlantik Beach (Ohrid, MK)

Ke bide jako na skazi

UNDERWORLD во Скопје

Некогаш губиш, некогаш добиваш. Тоа е суштината на животот. Овој пат и вие и ние добиваме многу. По откажаната турнеја во мај 2009., одличниот шведски состав Jeniferever конечно доаѓа во Скопје. Датумот е 14.11. (сабота), а локацијата е клубот Кастро. Концертот започнува во 21 часот. Цената на влезницата е 200 денари.


Убавината, најчесто, најлесно, но и најповршно, се забележува кога има физичка форма, кога може да се види и допре. Jeniferever, составот од Упсала, Шведска, што на 14 ноември ќе настапи во клубот Castro, со музиката што ја создава, го разорува овој стереотип на милион ситни парчиња. За нив, како и за бендови од калибарот на Mogwai, Sigur Rós или The Album Leaf, убавината е амалгам од епски инструментални сегменти, милозвучни вокали и питоми ритми.

Гледано од широкоаголен објектив, четворката што работи заедно од средината на 90-тите, свири пост-рок, но доколку го разложите нивниот стил, ќе забележите амбиентален инди-рок, дрим-поп, шугејз, а дури и елементи од популарниот звук типичен за Шведска (ABBA, ама со, обратен, меланхоличен емотивен прелив). Четирите ЕП-изданија на групата (Chronicles of Omega, Jeniferever, Iris и Nangijala) и двата лонгплеј-албума (Choose a Bright Morning и Spring Tides) укажуваат оти квартетот одлично би се поврзал со фановите кои од својата музичка колекција најмногу почитуваат имиња како Godspeed You Black Emperor!, Jesu, Eluvium, Radiohead, Tortoise заедно со The Jesus and Mary Chain и The Cure.


Настрана непобитниот авторски квалитет, Jeniferever е опако стегнат лајв-состав што од 2002 до денес одржа над 250 концерти ширум Европа. Во Скопје ќе го промовираат второто цеде, Spring Tides, што официјално излезе на 13 април преку Monotreme Records. Клубот Castro ќе биде местото каде што убавината на албумот ќе добие жива форма - медитативна или физичка, тоа ќе биде најмалку важно.

Парчиња од рецензии за новиот албум на Jeniferever:

Drownedinsound.com - 8/10
- Spring Tides е изданието што Jeniferever без сомнение го градеа во изминативе 13 години. Таа е епохален момент што вредеше да се чека и ви го остри апетитот за тоа каде ќе ги одведе следното истражувачко патување. (подетално)

Musicomh.com - 4/5
- А сега е време да се напушти светот на Jeniferever. Едно три секунди, додека не го земете далечинското и сè стартувате од почеток. Овие "пролетни плими и осеки" заплиснуваат во место што е преубаво за да се напушти. (подетално)

Theskinny.co.uk - 4/5
- Потресен, сјаен и целосно фасцинантен, Spring Tides е еден од оние ретки албуми во кои можете безусловно да се изгубите себеси. (подетално)

Линкови:
MySpace Profile
Monotreme Records Page
Wikipedia Article
Facebook & Last.fm

zabegan напиша: има ли сајт каде се најавуваат свирки, концерти и други настани? единствен што го знам е плагијат

Clubevents.info

јас на овој гледам најчесто пошто е за цел балкан :)