Дали сте задоволни од економската состојба на МК??

Картичките не заглавија до гуша

Банките за да привлечат клиенти даваа дозволен минус најчесто од две плати и сите заглавија, но, сега, едноцифрените каматни стапки рипнаа до 20 отсто

Имам дебитна картичка од помала банка, на која имав дозволен минус од две плати околу 60.000 денари, кој го потрошив. Неодамна ја изгубив работата и ми стигна известување од банката дека треба да го вратам целиот дозволен лимит за десет дена. Во спротивно ќе ми пресметува законска затезна камата од 20 отсто годишно или ќе ме тужат, иако според договорот каматната стапка беше половина од таа. Вака раскажува загрижен скопјанец за лоштото искуство со банките. Тој не знае каде ќе најде пари да ја исплати банката кога е невработен.

- Се шокирав. Не можам да добијам кредит од друга банка, а немам цела сума да ја платам. Толку висока камата, двојно поголема од моментот кога си се договорил, е грабеж. Лихварите на улица даваат пари со помали камати и помали трошоци - вели тој.Со ваква судбина се соочуваат околу 20.000 вработени во земјава, кои како резултат на кризата се претпоставува дека ги загубиле работните места и немаат прилив на картичките. Банките за да привлечат клиенти на сите им даваа дозволен минус најчесто од две плати. Од едноцифрени каматни стапки сега рипнаа двојно повисоко и достигнуваат и до 20 отсто.Според граѓаните, проблемот не е во банките, туку во државата, која треба некако да воведе ред со високите каматни стапки на банките.

- Не може да потпишам договор со 10 отсто камата, а таа камата секој месец да расте. За шест месеци добивам известување од банката дека каматата на годишно ниво е двојно поголема. Знам дека кога сум го потпишала договорот стоело оти банката во согласност со политиката ќе ја менува каматната стапка, но тоа може да е два-три отсто горе долу, а не десет - вели вработена во администрација.Таа е револтирана бидејќи наместо бескаматно плаќање со чековите на рати сега има дозволен минус на дебитната картичка, односно за плаќање на рати и се пресметува многу висока камата.

- Ова е класична злоупотреба од банките со амин на државата. Првата година имавме дозволен минус на дебитните картички и не ни се наплаќаше членарина. Откако сите потрошивме повеќе и се надевавме дека тоа ќе го плаќаме на рати, банките ни удрија камата. Нема човек кој не е минус по две палти и добар дел од платата оди на камати - велат вработените.Според нив, се прекршува дефиницијата за дебитна картичка, што подразбира да трошиш колку што имаш.

Проблем имаат и пензионерите. Банките за да привлечат клиенти на сите им даваа дозволен минус. Но, поради староста се случува дел од нив да починат и дозволениот минус на картичките за нив да го плаќаат нивните блиски роднини. Од банките велат дека во согласност со нивната политика ако нема прилив на дебитната картичка праќаат известување до клиентот дека го укинуваат дозволениот лимит и бараат во одреден рок да го плати.

- Должникот ако нема прилив на пари, а внесува по 10.000 денари месечно, на таа сума се пресметува 19,5 камата на годишно ниво. Ако не плаќа, поднесуваме тужба за да го наплатиме долгот - велат во една помала банка.Од таму се децидни дека тие не се единствен фактор што ги диктира каматните стапки и дека големо влијание има политиката на Владата и на Народната банка.

Александра Филиповска