Франција втор душман во ЕУ ???

kultuzin напиша: Spored anketite najneomilen Francuski predsedatel vo ponovata istorija. Taka da moze lesno da mu se sluci da leta od funkcija, a so nego moze ke letne i prijatelstvoto so Grcija, koj znae? Osven ako Grcija ne im e nekoj strateski partner na Francuzite.

Што сега??? Одма Франција ни е непројател и председателот треба да им лета од функција??? А што ќе биде кога ќе победи во САД Барак Обама??? И тој јавно застанува зад Грција... Што тогаш со "пријателска" Америка????

Франција немала желба да ни помага по лошиот тек на изборите


Водењето на ЕУ од страна на Никола Саркози нема да биде лесен период за Македонија

Од нашиот дописник
Слободанка Јовановска

Брисел - Во очите на официјален Париз Македонија не е демократска држава и затоа оваа земја, како претседавач на ЕУ, нема желба наредните шест месеци да ни помага во евроинтеграцијата. Причина за таквата квалификација се последните избори во земјата кои, според извори од Елисејската палата, поминале со невидена бруталност и го нарушиле имиџот на државата.

Тоа, според овие извори, не значи дека Франција не сака да ја види Македонија во Европската унија, но по изборите поудобно се чувствува на страната на грчкиот премиер Константин Караманлис отколку со владата во Скопје.

Ваквата вознемирувачка политичка порака дојде вчера од извори на француското претседателство со ЕУ, со клучна поента дека не може да се критикува Париз што избрал да поддржи една демократска наспроти една недемократска земја, која овде без исклучок се нарекува БЈРМ.

Притоа, француското претседателство ги охрабрува Македонија и Грција да го решат спорот околу името на државата, но со силна политичка ограда дека не може да се очекува новодојдена земја, која не е членка, да ги диктира условите за прием во Унијата, па затоа напорот треба да биде посилен од нејзина страна.

Со ваква најава вчера почна првиот официјален ден на француското претседателствување кое, да не е интересот на Грција, Македонија веројатно немаше ни да ја спомене во приоритетите, па и далеку од нив. Ваквиот развој на настаните не е изненадувачки, бидејќи се навестуваше со недели наназад, вклучувајќи го и користењето на изборите како најсилен аргумент да се принуди Македонија да преговара околу спорот за името на државата. Тој став во голема мера не коинцидира со политиката на Европската комисија која, место стапот, сака да го користи морковот во однос со нашата држава, односно преферираше да ни најави датум за да ја поттикне Владата да ги оствари реформите и да го реши спорот околу името.

Тоа значи дека, без оглед на фактот дека проширувањето нема да биде високо на агендата на Париз како претседавач, Македонија ќе биде таму, бидејќи така бара една земја-членка која изминатите месеци го поддржуваше Никола Саркози и во најконтроверзните предлози, ставајќи се во улога на француска пудла.

Дали, сепак, се реални шансите на француското претседателство да го поттурне спорот меѓу Македонија и Грција и со тоа да отвори пат за веќе историската евроинтеграција на земјата. Искуствата досега покажаа дека најавите на претседавачите по правило се посилни од достигнувањата, а на последниот самит на лидерите на ЕУ францускиот претседател застана, исто така, зад заклучоците кои навестуваат датум за Македонија, ако ги исполни условите и го реши спорот со Грција.

Вчера реакциите во Брисел на дневна основа ја депласираат претседателската агенда на Франција и дека Париз ќе мора, пред се', да ја поправа сликата за ЕУ за да го протне Лисабонскиот договор и да ја реши институционалната криза, така што тешко дека ќе има енергија за други прашања. Иако досегашните искуства се дека претседателствувањата на Париз имаат премногу француска агенда, па тоа се случува и овој пат, некои од проектите што ги најави Саркози наидуваат на силен отпор, а околу некои, како што е создавањето на Медитеранската унија, веќе мораше да ретерира.

Сепак, во мерата во која е директен и офанзивен во односот спрема Македонија, францускиот лидер е директен и кон прашањата што ја тангираат само Унијата, порачувајќи во понеделникот дека случувањата во ЕУ „не одат на добро“ и дека граѓаните веќе се прашуваат нели е подобро проблемите да ги решаваат на национално место на европско ниво. Неговата намера да го искористи претседателствувањето за да ја врати улогата на Франција како движечка земја на Унијата веќе наидува на отпор, особено откако полскиот претседател Лех Качињски неколку часа пред преземањето на претседателствувањето порача дека натамошната ратификација на Лисабонскиот договор е бесмислена и дека ако се направи еднаш преседан во принципот на консензус, тој ќе изгуби смисла.

Кратко кажано, Франција е силно мотивирана да се инволвира околу спорот со името на Македонија, но настаните во голема мера ќе ја лимитираат, а не е исклучено и со силната реторика во корист на Грција, Саркози да ги мотивира другите кои сакаат избалансирано решение да застанат посилно на страната на Македонија.

Истата таа силна реторика на Саркози ќе биде присутна и во однос на проширувањето на Унијата, но од Брисел веќе се неутрализира со пораки и со документи со кои јасно се кажува дека процесот на прием на нови членки продолжува. Ниту Саркози ниту, пак, Ангела Меркел не изјавија дека процесот на проширувањето ќе биде запрен, оценуваа вчера извори од Брисел, додавајќи дека до евентуалниот прием на првата земја која е најдалеку во процесот има време да се реши проблемот предизвикан од ирското отфрлање на Лисабонскиот договор. Не е во интерес на ЕУ да дозволи да страда проширувањето, изјави еврокомесарот Оли Рен деновиве, посочувајќи на заклучоците на самитот кои, според него, се кристално јасни, место на изјавите на европските лидери.
http://www.utrinski.com.mk/default.asp?ItemID=AB67EF96D2770C49B765BC7B51A6F21B

zidarski напиша: Многу интересен е фактот што цело време во македонските медиуми се зборува за лошиот тек на изборите и се обвинува владата за неспособноста да спроведе мирни и регуларни избори. Не ја бранам владата генерално, но во случајов, речиси сите инциденти се случија во региони со албанско население. Интересно е што речиси ниеден од медиумите не го потенцира тој факт! Во конкретнава ситуација имаше две сценарија. Едното - тоа што се случи. Имаше размирици, владата (односно полицијата како нејзин претставник) не реагираше адекватно. Второто сценарио - владата знаејќи дека во регионите со албанско население ќе има размирици (поучена од текот на предизборната кампања), праќа засилени полициски единици, на чело со специјалците, покажува сила и спречува да се случат немири и немили настани. Првото сценарио резултира така како што резултира - Европа не критикува, албанските партии кукаат како се онеправдани и како државата не ги штити доволно, грците велат - ете со кого си имате работа, се на се, негативна оценка за државата која ќе не следи долго време (или не - се се случува). Второто сценарио - ќе резултираше со повторно кукање на албанските партии дека се онеправдани, дека државата со сила и со полициско присуство сака да оневозможи регуларни избори и сака да втера страв кај граѓаните (особено од албанска припадност) за тие да не можат слободно да го дадат својот глас. Европа повторно не критикува, со буквално истите прес-комуникеа. Погледнете го погорниот текст само и проверете сами дали ќе можеше идентичен текст да се примени и при второто сценарио. Значи - Македонија во случајов беше сосема наседната. И од Европа, и од албанските партии, кои за пореден пат докажаа дека немаат никаква лојалност кон државата, никаква лојалност кон суверенитетот, и како што е случај во последниве денови - никаква лојалност кон идентитетот и името. Дали можеше владата нешто да направи за да го спречи тоа? Да, можеше, само што за да го направеше тоа, требаше да размислува трезвено и на време, и да е свесна со кого си има работа. Можеше на пример да каже дека заради опасност од размирици во западниот регион и заради опасност од вмешување на полицијата во изборниот процес - бара присуство на меѓународни претставници - Еуропол или некој сличен кои да превземат целосна одговорност за редот и поредокот на денот на изборите во Западна Македонија. Ова исто ќе резултираше со негативна оценка во Европа, затоа што ќе кажеа дека државата нема контрола врз целата своја територија, но штетата ќе беше помала, затоа што вака ем го кажаа (и докажаа) тоа, ем изборите не се спроведоа како што треба. Побитното прашање е - кога албанските партии ќе станат лојални членови на македонското општество, кога ќе станат дел од македонската нација и кога ќе превземат одговорност за тоа што го направија?! Истотака - кога Македонија ќе почне отворено да зборува за овој проблем, да посочува со прст кон директните виновници за оваа ситуација и ќе бара од нив јавна одговорност?! Кога ќе се натераат албанците да ја прифатат одговорноста од Охридскиот Договор, а не само правата што ги добиваат?! Кога ќе се побара од Европа да изврши притисок врз нив заради непочитување на истиот тој договор? Во моментов треба некое македонско здружение да побара одговорност од албанскиот политички блок и да покрене тужба против нив за рушење на угледот на државата. А новинарите - да почнат да ја вршат нивната работа - да прикажуваат факти, а не само она што ним им се гледа како интересно.

Саркози мрази се што е Македонско. Изгледа дека има грчка крв во себе.

Samo za nekoj od Afrika, Severna Koreja, Mongolija, Iran i slicni zemji, Makedonija moze da bide demokratska. Ne e i za mene. Nikako ne e demokratska. Sto se cudite???

Za se shto se sluci na izborite kako nekoj drug da stavil raka na seto toa.Neznam dali sum vo pravo ili ne ama sekogash koga treba da se sluci neshto bitno za drzavava nekoj useruva rabota i go koci bilo koj proces tokmu vo najbitniot moment i toa ne e slucajno.Vo pravo beshe Taci koga kaza deka stranski razuznavacki sluzbi platile nekomu izborniot proces da bide neuspeshen,a kade moze da bide takov ako ne kaj Albancite.Samo ne se kazuva koj i kolku platil seto toa da se sluci vo najbiten moment za drzavata.Ako se vidi procesot na dobivanje pokana za NATO,pa datum za zapocnuvanje pregovori so EU,pa pregovorite so grcite,seto toa mi e nekako premnogu povrzano povrzano i ima edna ista pozadina.