ФИФА СП (Мундијал)

vazno e messi da si sutira
mozebi i kje pogodi gol ... kako u tova poslovicata  za slepa kokoshka
no dodeka toj shutira.. drugite polnat gol.. taka da i ne e vazno dali kje pogodi eden den

Германија убедливо ја победи Англија

Блумфонтејн, 27 јуни 2010 (МИА) – Големата пресметка на двете селекции кои се вбројуваа во најтесниот круг на претенденти за освојување на шампионската титула на Мундијалот во Јужна Африка им припадна на германските фудбалери. Натпреварот во осминафиналната фаза донесе ефикасен, динамичен и интересен фудбал во кој Германија и нанесе висок пораз на Англија со резултат 4:1.

Попладнево во Блумфонтејн водечкиот гол за Германија го постигна Мирослав Клосе во 20-тата минута. Тоа беше мат во два потега за англиската одбрана. Германскиот голман ја префрли противничката одбрана, Клосе им избега на Џон Тери и на Метју Апсон и од десетина метри го совлада голманот Дејвид Џејмс.

Збунетоста на Англичаните во тие моменти ја искористи Лукас Подолски кој во 32-та минута на својата репрезентација и донесе водство од два гола разлика. Пет минути подоцна Апсон намали на 2:1 и ја врати надежта кај соиграчите дека не е се загубено. Само една минута по голот на Апсон, Англија постигна регуларен гол преку Франк Лампард, но ниту главниот судија Хорхе Ларионда, ниту неговиот помошник на видоа дека топката по ударот на Лампард од пречката се одби зад гол-линијата на Мануел Нојер и играта продолжи.

Со почетокот на второто полувреме Англичаните тргнаа офанзивно и со видливи амбиции за израмнување на резултатот. Лампард и по втор пат ја погоди пречката на голот на Нојер по еден слободен удар од преку 20 метри.

Тогаш дојде контарударот од „панцирите“. Играчот на мечот Томас Милер за три минути (67 и 70 минута) постигна два гола за конечен триумф од 4:1.

Гледавме фудбал каков што и очекувавме.Можеби ако не беа тие катастрофални грешки резултатите ќе беа неизвесни до крај но тоа е тоа барем ќе гледаме сигурно крајно возбудлив 1/4 финален натпревар меѓу Аргентина и Германија.
А утре т.е. денес навиваме за Холандија и за Бразил како би имало уште еден можда и повозбудлив 1/4 финален дуел

Холандија меѓу осумте најдобри на Мундијалот

Дурбан, 28 јуни 2010 (МИА) – Во првиот од двата денешни осминафинални натпревари на Светското фудбалско првенство, попладнево во Дурбан, Холандија ја победи Словачка со 2:0.

Само 18 минути во првото полувреме издржа одбраната на Словачка пред фаворизираните Холанѓани. Тогаш Арјен Робен и покрај тоа што беше опкружен со тројца противнички фудбалери, со прецизен удар од 20-тина метри ја доведе неговата репрезентација во водство од 1:0. Весли Снајдер во 84-тата минута го реши победникот по асистенцијата на Дирк Кајт.

Од пенал во последната минута од натпреварот Роберт Витек го постигна почесниот гол и ги постигна конечните 2:1.

Марадона лета во облаци, нацијата бара титула

Аргентина уште еднаш покажа дека е зрела за големи дострели иако на клупата го има контроверзниот Диего Марадона. Толку озборуван и критикуван меѓутоа факт е дека неговиот начин на тренинг и водење на екипата носи резултати. Победата над Мексико од 3:1 е фантастично достигнување и потврда на квалитетите и напорната работа на сите фудбалери. Целата нација сега е сплотена со фудбалерите и максимално го следат секој нивни меч, а по триумфот над Мексико сметаат дека титулата е веќе на дофат.

По натпреварот двете репрезентации не беа задоволни од судењето на Роберто Росети кој најпрвин призна гол од офсјад на Тевез, а според Марадона Италијанецот воопшто не реагирал на големиот број на прекршоци врз Лионел Меси.

Интересно на прес-конференцијата Марадона доцнеше 20 минути, а потоа се појави со пура во устата каде веднаш бил замолен да ја изгаси.

"Ми се чини Росери не му дозволи на Меси да игра со топка. Беше "истепан" од противничките фудбалери, а судијата се преправаше дека не видел прекршоци. Загрижен сум, бидејќи Меси може да заработи сериозна повреда", изјави Марадона кој победата му ја посвети на повеќекратниот шампион во мотоциклизам Валентино Роси (кој се опоравува од скршеница на ногата), а не им остана должен и на критичарите.

"Збореа дека немам поим околу тренерската работа. Се прашувам за што ќе коментираат сега".

Откако постигна два погодока Карлос Тевез беше изваден во 69 минута, а на негово место влезе Хуан Верон. Напаѓачот беше поздравен од 84.000 гледачи на стадионот, меѓутоа е лут поради потегот на Марадона.

"Ми беше потребен ваков натпревар за да докажам дека сум подготвен. Се борев за секоја топка и не разбирам зошто сум заменет. Признавам дека во тие моменти не освојував многу топки но тоа не го правеа и останатите, а јас бев изваден", заклучи Тевез.

Сепак Марадона ја смири ситуацијата укажувајќи му дека е потребен за следниот натпревар и дека немало потреба да го оптоварува бидејќи мечот бил веќе добиен. За Аргентина следува нов важен дуел, најголемиот од почетокот на Мундијалот бидејќи се среќава со силната Германија. Нацијата и фудбалерите посакуваат продолжување на серијата победи и освојување на трофејот првпат по 1982 година.

Мексиканците бесни на Росети

Што се однесува до медиумите сите го обвинуваат Росети кој целосно ги демотивирал репрезентативците по признатиот погодок. На пример во анкетата на весникот "Ел Норте" за тоа кој бил виновникот за поразот дали судијата, дефанзивецот Осорио (кој згреши при вториот гол на Игуаин) или целиот тим, 56% од читателите го обвиниле Росети, а 32 Осорио додека останатите сметале дека среќата не била на нивна страна.

"Не сакам да зборувам за судењето. Сите јасно видоа што се случуваше на мечот. По првиот гол нашата концепција се распадна, па веднаш потоа беше 2:0 и веќе невозможно за кам-бек. Разочаран сум што го напуштаме првенството но порачувам дека овие млади момци за четири години ќе бидат созреат и ќе бидат "хит" во светот", изјави селекторот на Мексиканците Хавиер Агуире.

За разлика од него одбранбените Маркез и Салсидо ја обвинија лошата среќа.

"Игравме добро, се жртвувавме но очигледно не доволно. Тргнавме со желба за победа меѓутоа среќата ни го сврте грбот. Таа беше на страната на Аргентинците", едногласни беа дефанзивците на Мексико.



Меси изгубил опклада

Најдобриот фудбалер на Светот Лионел Меси се "спречкал" со селекторот Марадона пред дуелот со Мексико, поради тоа што очајно посакувал да постигне погодок. Меси се опкладил со Марадона дека ќе постигне гол, а доколку не го стори тоа ќе го чести ручек. Аргентинскиот напаѓач имаше низа успешни продори но не даде гол и ја изгуби опкладата. Вчера фудбалерот на Барселона ветил дека ќе даде два против следниот противник Германија, а доколку не го стори тоа повторно ќе мора да плати ручек.


ФИФА лута поради снимката од голот на Тевез

ФИФА преку својот потпарол Николас Менот на конференцијата за новинари одби да ги коментира сидуските грешки на натпреварите меѓу Англија и Германија како и Мексико со Аргентина, но затоа му најде замерка на организароторот на вториот натпревар во Јоханесбург бидејќи го пуштил погодокот на Карлос Тевез на успорена снимка на екранот кој се наоѓа на Сокер Сити стадионот.

"Тоа не смееше да се случи. Репризи од шанси може да се емитуваат, но не и контроверзни или спорни ситуации. Во иднина ќе мораме да поработиме на дисциплината за да не се повторуваат вакви моменти. Досега контролата не увиде грешки во прикажувањето на материјалот на стадионските монитори. Во неделата се случи грешка и таа не смее да се повтори", изјави Менот.

Во меѓувреме претседателот на ФИФА Сеп Блатер потврди дека сака да се воведе технологија при спорните фудбалски моменти, но само кога таа помош биде 100% прецизна.

"Ако разговараме за компјутерски чип во топката, тоа би дало одговор на дилемите дали бил погодок или не. Проблемот е тоа што таа технологија која ја развива Адидас со право сакаат да ја користат и останатите производители па би се појавило проблем околу авторските права. Од друга страна радио-бранови кои ги користат тие чипови може да бидат попречувани од различни фактори. За да функционира се како што треба треба целиот терен да се покрие со жици кои би служеле како приемници на тие сигнали што е навистина глупаво. Што се однесува до другата идеја "соколово око" производителите на тој систем ми потврдија дека и седумте камери не би можеле со точност да утврдат каде е топката, во случај да биде опкружена со неколку фудбалери. Кога би имале точен и прецизен систем тогаш би го спровеле на натпреварите", изјави Блатер за Си-Ен-Ен.


КАРЛОС ТЕВЕЗ

Знам дека бев во офсајд

Напаѓачот на Аргентина Карлос Тевез јавно призна дека се наоѓал во офсајд при постигнувањето на голот за водство на својата репрезентација.

"Прво помислив дека Росети го поништи голот, но кога видов како покажува накај центарот почнав да славам. Знам дека бев во офсајд и знам дека бев себичен, но кога судиите велат дека е гол тогаш нема потреба да се расправам", изјави Тевез.

Што стана?????

Portugaooooooooooooooo

Izgleda edniot finalist kje bide Brazil...
Za vtoriot ima duri tri kandidati - Argentina, Germanija, Spanija...