Кој е Груевски?

Тимошенко најубава, Груевски просечен

Ивана Салтировска	Коментари (14)

Јулија Тимошенко

Во еден малку поинаков избор за мис се бираше кој е поубав од шефовите на држави и на влади во светот.

Титулата „најзгоден политичар на планетата“ ја доби една од малкуте жени на листата, украинската премиерка Јулија Тимошенко.

Веднаш зад неа, на второто и третото место, мистер политичар на светот се премиерот на Норвешка Јенс Столтенберг и кралот на Бутан Јингме Вангчук.

Американскиот претседател Барак Обама, кој беше 15-ти, за три места на листата е поубав од рускиот премиер Владимир Путин.

Големиот љубовџија, Силвио Берлускони и не се покажа како толкав љубовџија - стигна само до 65-тото место.

Од балканските главни фаци, најубав е албанскиот претседател Бамир Топи кој го заслужи 10-тото место.

Владимир Путин e 15-ти

По него следуваат бугарскиот претседател Ѓорѓи Прванов на 25-тото, за едно место заостанува српскиот претседател Борис Тадиќ, црногорскиот претседател Мило Ѓукановиќ е 32-ри, а грчкиот претседател Каролос Папуљас 33-ти. На косовскиот претседател Фатмир Сејдиу му се падна далечното 80-то место.

Нашиот премиер Никола Груевски не е ништо посебно. Се најде на скромното 90-то место, само малку подесно од средината од вкупно 172-та најубави што влегоа во изборот. На Балканот од него помалку убав е само хрватскиот претседател Стипе Месиќ на 131-то место.

Жестока битка за последното место на листата, пак, се водеше меѓу католичката црква претставувана од Бенедикт 16-ти и севернокорејскиот комунизам на чело Ким Јонг Ил. Сепак, победи диктаторот кој го зазема последното 172 место, а Папата мораше да се задоволи да биде втор на листата од наопаку.

Целосната листа можете да ја погледнете на оваа интернет страница hottestheadsofstate.wordpress.com.